هى عموما العربيه كانت من الاول كويسه فى الثبات بس ليها طريقة سواقه معينه لو خرجت عنها مش هتكون مبسوط بالنتيجه .
بس بعد البارات بقت افضل بصراحه كتييييير من كذا حاجه
السلام عليكم ورحمة الله وبركاتة
أولا : ألف ألف مبروك
ثانياً : عندى كام سؤال ياباشا
ثانياً - أ : هوه مال الجنط الـ 17 عندك شكلة غريب كده ليه
ثانياً - ب : مال ديسكات الفراكل عندك برده شكلها لونها غريب كده ليه ( أحمر ؟؟؟ )
ثالثاً : أنا غيرت عندى الجنوط ال 17 ب جنوط 16 علشان موضوع البلالين اللى بتطلع فى الكاوتش وطبعاً خايف من الثبات
ثالثاً - أ : هل تنصحنى بتركيب البارات دى
ثالثاً - ب : مقولتلناش الموضوع ده كلفك أد أيه
رابعاً : معروف إن الكيا واطية وعفشتها ناشفة
رابعا - أ : أنا ملاحظ إن فى بارات إتركبت تحت أوى .. مش هاتحك فى الأرض مع المطبات ؟؟؟؟
رابعاً - ب : حالة العربية من ورا عاملة أيه فى المطبات علشان كلنا عارفين برده إن التعليق الخلفى فى الكيا على جزء واحد .. فهل العربية بقت أنعم ؟؟؟؟
رابعاً - جـ : لما ركبت الجنط ال 16 العربية بقت ناعمة فى المطبات بس بقت بتتنطط كتير .. هل البارات دى هتمنع الموضوع ده ؟
خامساً : بس خلاص .. مفيش أسأله تانية
سادساً : ألف شكر ليك لو جاوبتنى على كل أسألتى
سابعاً : وألف شكر ليك برده لو ماجوبتش
ثامناً : ألف شكر إنك وصلت لحد ثامناً وإستحملتنى
تاسعاً : سلام عليكم
طول عمري بقول عليك عبقرينو قسم كيا يا محمد و الله
تسلم ايدك و كمان تسلم دماغك الحلوة
و التقرير الجميل و حذاري من السرعات الله يكرمك
عموما انت
عبقري اكيد
مخترع برضه اكيد
انما عفريت دي بقي اللي اكيد
و السؤال القادم بقي مهم اوي و عاوز تركيز
علل
ههههههههههههه
انت اجازة و لا في اسوان علشان نجهز لمقابلة سريعة و نشوف فيها البارات الجهنمية دي
و خد بالك ياسر هيقولك ركبلي زيها و احتمال عمرو شرف كمان و مش بعيد ابو ليلي
بص سبني انا انظم ليك العملية و البار الواحد يتركب ب 10 جنية و انا هاخد منك 3 جنية بس
لا لا خلاص اتفقنا ربنا معانا بقي هنتعب بجد بس مش مهم هما اخواتك الكبار برضه
و نخدمهم بعنينا
متنساش تبوس لي الواد العكروت ربنا يحرسه
تحياتي
م.حاتم السباعي
يا جماعه فايده البارات باختصار
تزويد الثبات
التامين فى حاله الانقلاب او الحوادث الرهيبه لا قدر الله لا تنفعص السياره كعلبه الكانز
و شوية حجات تانيه
الف مبروك يا باشا
صدقتني لما قولتلك العربية هتبقى انعم من الاول واريح ولالا؟ :))
حاجة كمان
انت كدة هتحافظ على الجنوط والكاوتش من البلالين لان العربية بقت احسن وانعم
الف مبروك و الله يباركلك فيهم و يحميك
باشا ممكن اعرف كل واحدة فيهم بكام و منين ممكن اجيبهم ؟
و الشحم الابيض الاسبري ده منين :)
الف شكر باشا معلش قولي حتى لو ممنوع تقول على العام :) عشان انا مهتم جدا :)