ركبت ultra racing bars(على السيراتو)الشدادات و المدعمات للشاسيه بالصور 10 نجوم و نسر
السلام عليكم الحمد لله اشتريت و ركبت كيت كامل لبارات
ultra racing و هى عباره عن شدادات للعفشه و الشاسيه .
تم الشراء من محل power zone و بسعر مخفض الى حد ما عن السعر من على النت
مجموع البارات 5 بارات و دفعت عربون للبار السادس و هجيبه من عند tps ان شاء الله
المهم :
تم تركيب البار الامامى فوق اللى بيمسك البطاحتين من فوق فى الكبوت و ركبت اللى فى الشنطه اللى بيمسك البطاحتين الخلفيتين .(انا اللى ركبتهم بنفسى لانهم سهلين .بس بتاع الشنطه طلع تتتتتيييييييييييييييييت عينى .لانى عملت زى الفيديو بالظبط بس عشان اركبه اتحشرت جوا الشنطه عشان اركبه ههههههههههههههه بس الحمد لله ركبتهم .و لاحظت الفرق فورا من اول مشوار من البار الامامى فوق .
و تم تركيب الباقى فى بنزينه فيها كوريك مقص زى بتاع التوكيل .و مينفعش غيره خالص
النتيجه :
الحمد لله العربيه افضل .و عملت ليها عدة اختبارات منها .
1- كان فى ملفات معينه و كنت عارف انى اخرى بالعربيه فيها 60 و بعد البارات جبت 90 و ممكن اجرب تانى و اخد الملف اكتر ان شاء الله .
2- حاولت اخمس بيها مخمستش و حتى معملتش 90 درجه .و مع العلم انا عارف ان التخميس ده اختبار التعويم .و للمعلومه السيراتو بتخمس و بتلعب حلو جدا و ده ثابت من كذا عضوا فى المنتدى هنا و فى منتدى امريكى كمان .و بتعمل دريفت و خمسات حلوه
3- اختبار الثبات فى مطلع كوبرى الموت بتاع الاوتوستراد اللى العربيات كلها بتوقع من عليه .الكبرى لافف اكتر من 180 درجه و فيه مفصلات غبيه موت .و علطول العربيات بتقع من عليه .
المهم كنت قبل البارات لما اوصل ل 60 الاقى العربيه تعرض و تلم نفسها بسرعه و مبتعومش و لكنها تحس انها بتلعب من ورا مثلا 2 الى 3 سم . و بعد البارات بقت على 70 نفس النتيجه .يعنى البارات مفرقتش فى موضوع المفصلات و محلتوش حل جزرى .
4- افضل فى مطبات الهوا عن الاول بكتييييييييييييييير .
5- اداء الفرامل افضل من الاول .
6- الغرز و الثبات و الغرز القطم الغبيه موت .حدث و لا حرج .العربيه بيقت ثابته جدا جدا و تحس انها مكلبشه فى الارض بهبل
7- اصوات العفشه و الشاسيه اختفت و بقت العربيه من غير صوت نهائى .
8- العربيه فى المطبات و الحفر افضل بكتير جدا و تحس انك قاعد مستريح و تحس انك قاعد فى عربيه بى ام
9- العربيه نعمت عن الاول .مش فاهم ازاى بس هو ده اللى حصل و الله العظيم و اكدلى كده كذا واحد مركبين البارات قبل كده .
10 فى ملفات كنت باخدها على 120 اخرى فيها كده .بعد البارات خدتها 140 و كانت ممكن تجيب اكتر من كده بس انا خفت بصراحه مش من العربيه و لكن خفت من نفسى و من ال over confidance و خفت لا اتهور و استعبط و اقلبها و انا بجرب هههههههه بس بردوا على السرعه دى كانت ثابته ما شاء الله . و الملفات دى كانت ممكن تجيب اكتر بس انا قولت لما اخد الاول على العربيه بعد التعديل هبقى اجرب تانى و اقول
عموما انا مبسوط بالنتيجه اللى وصلتلها و راضى عن الاداء الحمد لله
بس للاسف نظرا لزياده الثبات ثقتى فى نفسى و العربيه زادت و خايف لثقتى تذيد عن اللزوم و اخد غرزه ما تتخدش و البس او اعمل حادثه
التعديل جميل بس خلى بالك انك تتحكم فى نفسك قبل ما تتحكم فى العربيه الاول .
مع الصور
فى الاول هرفع صور و فيديوهات اللى استرشدت بيهم فى تركيب البارات و كده و بعد كده هرفع صور عربيتى ان شاء الله .
http://a5.sphotos.ak.fbcdn.net/hphot...17893400_n.jpg
http://a6.sphotos.ak.fbcdn.net/hphot...98130760_n.jpg
http://a4.sphotos.ak.fbcdn.net/hphot...67657395_n.jpg
http://a1.sphotos.ak.fbcdn.net/hphot...70328823_n.jpg
http://a2.sphotos.ak.fbcdn.net/hphot...32044974_n.jpg
http://a6.sphotos.ak.fbcdn.net/hphot...24110126_n.jpg
http://a2.sphotos.ak.fbcdn.net/hphot...88951320_n.jpg
http://a6.sphotos.ak.fbcdn.net/hphot...72910329_n.jpg
http://a8.sphotos.ak.fbcdn.net/hphot...45291971_n.jpg
http://a1.sphotos.ak.fbcdn.net/hphot...93820012_n.jpg
http://a4.sphotos.ak.fbcdn.net/hphot...12859552_n.jpg
http://a4.sphotos.ak.fbcdn.net/hphot...00829792_n.jpg
http://a3.sphotos.ak.fbcdn.net/hphot...10868721_n.jpg
http://a5.sphotos.ak.fbcdn.net/hphot...37321280_n.jpg
http://a2.sphotos.ak.fbcdn.net/hphot...99493566_n.jpg
http://a7.sphotos.ak.fbcdn.net/hphot...15737492_n.jpg
http://a6.sphotos.ak.fbcdn.net/hphot...26083042_n.jpg
http://a8.sphotos.ak.fbcdn.net/hphot...35476502_n.jpg
Kia Forte Install Rear Sway Bar 19mm To Reduce Body Roll - YouTube
Kia Forte Rear Strut Bar - YouTube
