ركبت ultra racing bars(على السيراتو)الشدادات و المدعمات للشاسيه بالصور 10 نجوم و نسر

اقتباس:

---

المشاركة الأصلية كتبت بواسطة icahmed

السلام عليكم
العربية عندي فيها تزييق فى الصالون حتى بعد تربيط العفشة فهل تركيب البارات ممكن يقلل الموضوع ده

---

السلام عليكم
حضرتك التزييق اللى فى الصالون ده ليه اسباب كتيره .
بس عموما تربيط العفشه او البارات مش من اسباب زوالها .
1-حضرتك مثلا ممكن تكون مركب ستاير كبس او غيرها هى اللى بتعمل الصوت ده
2-ممكن لو انت فرش العربيه جلد تلاقى لما تقعد او انت وزنك او وزن الى بيقعد جنبك كبير شويه فالجلد بتاع الكرسى بيفرش و بيحك فى الجلد بتاع المسند اللى على يمين السواق و هو بردو جلد .فطبيعى انه يزيق (جلد فى جلد )
3-كمان لو حضرتك سمكرت او رشيت الابواب .ممكن يحصل صوت تزيق او صوت معين كده ؟؟؟ليه بقى ؟؟؟عشان بين الصاج و بين بارات الحمايه الكروسات بيبقى فيه ماده بتمنع الاهتزاز بين صاج الباب الخارجى و البارات المدعمه للباب و ده مع السمكره و الرش بيبوظ و بيفك و مبياديش وظيفته و بيحتاج انه يتشال و يتغير بغيره بماده شبه السيليكون كده .و ده ممكن يحل من غير ما ترش او تسمكر كمان .هو ان الماده دى نشفت او حجرت و فصلت من ناحيه واحده .و هتلاحظ الصوت ده اوى و انت بتقفل الباب سواء فى القفل او لما الباب يترزع مثلا .
الشرح فى الصور:
http://a4.sphotos.ak.fbcdn.net/hphot...73889825_n.jpg

http://a1.sphotos.ak.fbcdn.net/hphot...98625675_n.jpg

http://a7.sphotos.ak.fbcdn.net/hphot...61983285_n.jpg

و اظن ان الماده دى موجوده عند شركة 3m هنا فى مصر
لو كده ممكن نتفق كلنا و نروح نشتريها لانى اظن الانبوبه تكفى كذا عربيه .ممكن نتجمع و نشتريها و نركبها مع بعض فى يوم واحد عند متخصص واحد .و لو انت وكيل روح لهم و هما يعملوهالك غصب عنهم و فهمهم انك فهم .(ابو رواش)
4-ممكن كمان تكون فتحة السقف بتعمل صوت او الشماسه .
الحل :
http://a8.sphotos.ak.fbcdn.net/hphot...86158014_n.jpg

http://a2.sphotos.ak.fbcdn.net/hphot...08457287_n.jpg

http://a3.sphotos.ak.fbcdn.net/hphot...21179203_n.jpg

http://a5.sphotos.ak.fbcdn.net/hphot...00863219_n.jpg

http://a7.sphotos.ak.fbcdn.net/hphot...41183352_n.jpg

تحاول تشوف البلستكه اللى بتمسك الشماسه مسكه كويس و الا متلخلخه كده .و ممكن انت تثبتها باى شىء .


انصح حضرتك تاخد جوله كده ى الموضوع ده هيفيدك كتير ان شاء الله فى كل اغلب مشاكل السيراتو .و حلها ان شاء الله بسيط
http://www.nilemotors.net/Nile/245314-a.html
و الله اعلم

اقتباس:

---

المشاركة الأصلية كتبت بواسطة moha4tec

السلام عليكم
حضرتك التزييق اللى فى الصالون ده ليه اسباب كتيره .
بس عموما تربيط العفشه او البارات مش من اسباب زوالها .
1-حضرتك مثلا ممكن تكون مركب ستاير كبس او غيرها هى اللى بتعمل الصوت ده
2-ممكن لو انت فرش العربيه جلد تلاقى لما تقعد او انت وزنك او وزن الى بيقعد جنبك كبير شويه فالجلد بتاع الكرسى بيفرش و بيحك فى الجلد بتاع المسند اللى على يمين السواق و هو بردو جلد .فطبيعى انه يزيق (جلد فى جلد )
3-كمان لو حضرتك سمكرت او رشيت الابواب .ممكن يحصل صوت تزيق او صوت معين كده ؟؟؟ليه بقى ؟؟؟عشان بين الصاج و بين بارات الحمايه الكروسات بيبقى فيه ماده بتمنع الاهتزاز بين صاج الباب الخارجى و البارات المدعمه للباب و ده مع السمكره و الرش بيبوظ و بيفك و مبياديش وظيفته و بيحتاج انه يتشال و يتغير بغيره بماده شبه السيليكون كده .و ده ممكن يحل من غير ما ترش او تسمكر كمان .هو ان الماده دى نشفت او حجرت و فصلت من ناحيه واحده .و هتلاحظ الصوت ده اوى و انت بتقفل الباب سواء فى القفل او لما الباب يترزع مثلا .
الشرح فى الصور:
[
و اظن ان الماده دى موجوده عند شركة 3m هنا فى مصر
لو كده ممكن نتفق كلنا و نروح نشتريها لانى اظن الانبوبه تكفى كذا عربيه .ممكن نتجمع و نشتريها و نركبها مع بعض فى يوم واحد عند متخصص واحد .و لو انت وكيل روح لهم و هما يعملوهالك غصب عنهم و فهمهم انك فهم .(ابو رواش)
4-ممكن كمان تكون فتحة السقف بتعمل صوت او الشماسه .
الحل :

تحاول تشوف البلستكه اللى بتمسك الشماسه مسكه كويس و الا متلخلخه كده .و ممكن انت تثبتها باى شىء .


انصح حضرتك تاخد جوله كده ى الموضوع ده هيفيدك كتير ان شاء الله فى كل اغلب مشاكل السيراتو .و حلها ان شاء الله بسيط

و الله اعلم

---

شكرا على ردك يا فندم
بس انا حاسس ان التزييق من البودي بتاع العربية يعني جاي من السقف ومن القوايم والعربية مفيهاش اي سمكرة او ستاير كبس

اقتباس:

---

المشاركة الأصلية كتبت بواسطة icahmed

شكرا على ردك يا فندم
بس انا حاسس ان التزييق من البودي بتاع العربية يعني جاي من السقف ومن القوايم والعربية مفيهاش اي سمكرة او ستاير كبس

---

السلامعليكم
ممكن حضرتك تفك المكان اللى ماسك حافظة النضاره و لمض فتحة السقف و تزنقهم بحتة كوتشه او كرتونه رفيعه كده و تشوف .
و كذلك ممكن تشيك على الماده اللى بتلزق الابواب زى ما انا زكرت
بس عموما بقى سؤال لان حضرتكموضحتش ان الصوت جاى منين بالظبط و كمان بيجى اسناء السير او اللتوقف او المرور على الطرق الغير متويه و الا فى الملفات و الا اه؟؟؟؟؟؟؟؟؟؟
لازم توضح عشان نعرف نحدد و كمان الصوت ده صوت اه و جين منين و اه سببه
.
بس عموما الحجات اللى قلتهالك دى من موقع التوكيل بتاع كيا فى كوريا يعنى المصنع اللى عمل العربيه و البعض الاخر من تجاربى و تجارب الاعضاء .
عموما حاول تدخل على الموقع ده و تقرا كتير فيه و انت هتفهم كل حاجه لوحدك
http://www.kiatechinfo.com/


و الله اعلم

اقتباس:

---

المشاركة الأصلية كتبت بواسطة icahmed

شكرا على ردك يا فندم
بس انا حاسس ان التزييق من البودي بتاع العربية يعني جاي من السقف ومن القوايم والعربية مفيهاش اي سمكرة او ستاير كبس

---

الصوت ده بيجى من فتحة السقف و الشماسه اللى فوق السواق .
و الله اعلم بس فى ناس جربت و اتاكدت من الكلام ده

اقتباس:

---

المشاركة الأصلية كتبت بواسطة moha4tec

حضرتك كمان ممكن تركب جنوط و تعرض الكاوتش و تعدل الفرامل و صدقنى هتظبط معاك جامد
فى عضو معانا هنا عدل فرامل الفيرنا بفرامل الالنترا و عضو تانى عدل فرامل الاانوس ب النوبيرا
و العربيتين بقو فله و يا ريت تدخل القسمين و تسال استاذ محمد ممدوح و هى خبير جامد فى التعديل
و بالنسبه للبارات اهم بار هيظبط معاك العومان هو الميزان
http://www.ultraracing.com.my/vgreen...i%20accent.jpg

http://www.ultraracing.com.my/vgreen...ARB%2019mm.jpg
http://www.ultraracing.com.my/vgreen...nt%20front.jpg

http://www.ultraracing.com.my/vgreen...ront%20LAB.jpg

---

فعلا موضوع اكتر من رائع
وفعلا استفدنا منه كتير
وربنا يكرمك في عربيتك ويبعد عنك (العين)
انا بس ليا استفسار منك وياريت تهتم بيه
انا من الاسكندريه ومعايا فيرنا 1600
وكنت عايز منك تستفسر ليا ولكل ملاك الفيرنا عن البارات بتعتها الي هيا 3قطع الي حضرتك زكرتها وحطيت صورهم
عن سعرهم وهل يمشوا معل الموديل الي في مصر لان بره العربيه 1500
فممكن المقسات متكنش مظبوطه مع قواعد الموتور 1600
و لو ممكن تليفون المحل لو حد عايز يستفسر بنفسه
ولك جزيل الشكر:inlove:

اقتباس:

---

المشاركة الأصلية كتبت بواسطة aymn6666

فعلا موضوع اكتر من رائع
وفعلا استفدنا منه كتير
وربنا يكرمك في عربيتك ويبعد عنك (العين)
انا بس ليا استفسار منك وياريت تهتم بيه
انا من الاسكندريه ومعايا فيرنا 1600
وكنت عايز منك تستفسر ليا ولكل ملاك الفيرنا عن البارات بتعتها الي هيا 3قطع الي حضرتك زكرتها وحطيت صورهم
عن سعرهم وهل يمشوا معل الموديل الي في مصر لان بره العربيه 1500
فممكن المقسات متكنش مظبوطه مع قواعد الموتور 1600
و لو ممكن تليفون المحل لو حد عايز يستفسر بنفسه
ولك جزيل الشكر:inlove:

---

ربنا يخليك و يكرمك على زوقك
مشكور كتير على الدعاء الجميل
حضرتك ممكن تتصل بالمحل و تساله عنها و هما هيفيدوك اكتر منى
انا مجرد بس جبتلك صورهم فقط انما انا معرفش هل فى فرق فى العفشه و قواعد الموتور و او لا
الله اعلم
هضرتك اتصل و استفهم منهم على البارات براحتك و اسال زى ما انت عاوز و هما هيرودوا على كل استفساراتك . لانى سالتهم كتيييييييييييييير ههههههه و رحتلهم كذا مره قبل ما اشترى .
و الحمد لله تمام و هما معاملتهم معايا كانت كويسه .
بياناتهم دى :
انا شارى الكيت 5 بارات من عند مؤمن فى بور زون

26, abdallah ibn al taher, El Nasr City, Egypt

01006138828
و ممكن تدخل على صفحتهم على الفيس بوك
تعمل سيرش بالاسم و هتلاقيهم ان شاء الله و تسال و تتفرج على اللى انت عوزه
power zone

اقتباس:

---

المشاركة الأصلية كتبت بواسطة moha4tec

ازيك يا محمد ممدوح باشا كبير الدايو و خبير التعديل و اللى اتعلمت من مواضيعه الكتير
منور الموضوع يا كبير.



الكلام اللى انا بقوله مكتوب فى موقع الترا ريس و حضرتك ممكن تتاكد منه فى الموقع ده ,اقرا الموضوع .و اكيد طبعا البارات اقل من الرول كيدج فى الثبات او حتى الحمايه و لكنها بتعمل شغل بردو فى الحمايه فى الحوادث و الانقلاب بالنسبه لعربيات الركوب العاديه .و الرول كيدج لعربيات السباق ّ.و اكيد الحوادث و السرعات اللى بتمشى بيها عربيات السباق اسرع و اشد بكتير من عربات الركوب العاديه .صح و الا اه .
http://www.gosafety.com.my/template.asp?menuid=14

---

الكلام دة مبالغ فية لان شغلة البارات مختلفة تماما عن شغلة الرول كيدج

انا كواحد جوة عربية بتتقلب على سرعة 160 مش هيفرق معايا مدى صلابة الشاسية و مقاومتة للانفتال و الانحناء او درجة ميل جسم العربية فى الملفات... اهم حاجة ان جسم العربية متفعصش بيا و يحولنى لكفتة... دة دور الرول كيدج اللى بيعتبر دعامة لكل قايم من قوائم العربية و بالتالى بيحافظ على الحيز اللى فية السواق و الركاب من ان حجمة يصغر و السواق يتفعص جوة العربية...

قوانين الرالى بتحتم ان الرول كيدج يقدر يتحمل مرة و نص وزن العربية لضمان توفر عنصر امان للمتسابقين بالرغم من اننا بنتكلم فى سيارات سباق يعنى شاسيهتها اصلا قوية و راكب فيها دعامات الا ان كل دة لا يغنى عن وجود الرول كيدج لان تقوية الاجزاء اللى بتتحمل وزن العربية ملهاش علاقة بالحفاظ على كابينة السائق و الركاب

MMamdouh

اقتباس:

---

المشاركة الأصلية كتبت بواسطة mmamdouh

الكلام دة مبالغ فية لان شغلة البارات مختلفة تماما عن شغلة الرول كيدج

انا كواحد جوة عربية بتتقلب على سرعة 160 مش هيفرق معايا مدى صلابة الشاسية و مقاومتة للانفتال و الانحناء او درجة ميل جسم العربية فى الملفات... اهم حاجة ان جسم العربية متفعصش بيا و يحولنى لكفتة... دة دور الرول كيدج اللى بيعتبر دعامة لكل قايم من قوائم العربية و بالتالى بيحافظ على الحيز اللى فية السواق و الركاب من ان حجمة يصغر و السواق يتفعص جوة العربية...

قوانين الرالى بتحتم ان الرول كيدج يقدر يتحمل مرة و نص وزن العربية لضمان توفر عنصر امان للمتسابقين بالرغم من اننا بنتكلم فى سيارات سباق يعنى شاسيهتها اصلا قوية و راكب فيها دعامات الا ان كل دة لا يغنى عن وجود الرول كيدج لان تقوية الاجزاء اللى بتتحمل وزن العربية ملهاش علاقة بالحفاظ على كابينة السائق و الركاب

mmamdouh

---

السلام عليكم
منور يا استاذ محمد
كلامك سليم طبعا .
و انا منفتهوش .
و لكنى بقول ان الموقع بتاع البارات هو اللى بيقول كده .و للمعلوميه هى فعلا ليها دور فى الحوادث فى الحفاظ على الركاب .لكن طبعا مش زى الرول كيدج .فى فرق السما من العما و لكن ليها دور .انها تقلل من الاصابات .
و عربية السبق مبتتقلبش على 160 .دى وش بتتقلب على اكتر من 250 و انت طالع .لانها لو اتقلبت على 160 متبقاش عربية سباق اصلا امال فين الثبات و الحجات اللى بيعدلوها و بيهبطوا العربيه على الارض .فطبعا لازم الرول كيدج ليهم .
انما عربيات الركاب ممكن تتقلب من 160 و انت نازل و ممكن لحد ال 90 مثلا .و الحادثه على السرعه دى مش زى حادثه على 250 او 300 مثلا زى عربيات السبق .و عربيات السبق الطريق بيبقى مرايه و مفهوش غلطه عشان يتقلب على سرعه بطيئه
لكن العكس فى الشارع العادى ممكن تتقلب على سرعه بطئه بسبب مشكله او حفره كبيره او مطب هرمى فى الطريق .
الخلاصه:
انا متفق معاك فى كلامك و لكن
البارات لا تساوى الرول كيدج طبعا .
و لكن ممكن تقول حاجه من ريحتها .
و عموما فى تعديل بيتعمل فى الكابينه زى الرول كيدج بس بطريقه جديده زى اللى بيتعمل فى البى ام
لو حضرتك مثلا شفت بى ام حديثه نصين .عوزك تبص على القايم المقصوص هتلاقيه مليان فوم مخصوص لتقوية الشاسيه و القوايم .
بمعنى لو حضرتك جبت ازازه ميه و قفلتها كويه و حاولت تفعصها .هل هى هتتفعص بايدك عادى زى ما انت ممكن تفعصها و هى مفتوحه .؟؟؟؟
اكيد لا .
فانت ممكن تفك فرش العربيه و تحقن الشاسيه و القوايم فوم مخصوص زى بتاع البى ام كده و شوف النتيجه
1- تقوية للشاسيه و تدعيم . و( اكيد مفيده فى حالة الحوادث)
2- هيعزل الصوت و الحراره اكتر
3- الثبات هيزيد لانك نشفت الشاسيه و القوايم و منعت الحركه فيهم بنسبه كبيره .
عموما مش هنختلف و انت بتفهم اكتر منى و اقدم منى فى العربيات .و اتعلمكت من مواضيعك الكتير بصراحه .و مقدرش انكر فضلك .
و انا سعيد بالمناقشه معاك جدا .و اتعلمت منها كتير .
و يا ريت متكنش زعلان او حاسس انى ببالغ لانى قرات الكلام اللى فى موقع الترا ريس و قولته و لكن مكنش قصدى المبالغه .
و السلام ختام
و الله اعلم .

اقتباس:

---

المشاركة الأصلية كتبت بواسطة icahmed

السلام عليكم
العربية عندي فيها تزييق فى الصالون حتى بعد تربيط العفشة فهل تركيب البارات ممكن يقلل الموضوع ده

---

السلام عليكم
البارات مش هتحل مشكلة الاصوات اللى داخل الكبينه طبعا و ملهاش علاقه بيها
و اسبابها كالاتى .
1- من فتحة الشقف هتتفك و تتظبط على الخلوص و المقاس المظبوط و تتربط و خلاص .
2- من الابواب هتعملها زى ما قلتلك ب 3m فوم ميكس .
3- من الشماسه بتتثبت لو متثبته كويس باى حاجه .
4- من الدرج اللى قصاد الكرسى اللى جنب السواق . ممكن تكون فى اى حاجه سايبه جواه .
5- من كوتشات الابواب و الزجاج (تمشى عليهم بحته مبلوله ميه سخنه هيلينوا ) لانهم ممكن يكونا نشفوا و بيزيقوا .

يا ريت تذكر اه نوع الصوت و بيجى من اى ناحيه فى الكابينه .عشان نحدد .عشان فى اصوات تانيه و ليها حلول تانيه .
و الله اعلم

اقتباس:

---

المشاركة الأصلية كتبت بواسطة moha4tec

السلام عليكم
البارات مش هتحل مشكلة الاصوات اللى داخل الكبينه طبعا و ملهاش علاقه بيها
و اسبابها كالاتى .
1- من فتحة الشقف هتتفك و تتظبط على الخلوص و المقاس المظبوط و تتربط و خلاص .
2- من الابواب هتعملها زى ما قلتلك ب 3m فوم ميكس .
3- من الشماسه بتتثبت لو متثبته كويس باى حاجه .
4- من الدرج اللى قصاد الكرسى اللى جنب السواق . ممكن تكون فى اى حاجه سايبه جواه .
5- من كوتشات الابواب و الزجاج (تمشى عليهم بحته مبلوله ميه سخنه هيلينوا ) لانهم ممكن يكونا نشفوا و بيزيقوا .

يا ريت تذكر اه نوع الصوت و بيجى من اى ناحيه فى الكابينه .عشان نحدد .عشان فى اصوات تانيه و ليها حلول تانيه .
و الله اعلم

---

شكرا على تعبك يا فندم
بس انا حاسس ان التزييق من البودي بتاع العربية يعني جاي من السقف ومن القوايم العربية يعني تقريبا الاصوات بتبقى من وراء وبسمعه لما اكون ماشي على مطب او طريق غير ممهد