رابطة مالكي الElantra من 2007 الى 2011

**mahmoud_afifi** · 03-12-2012 10:34 PM

المشاركة الأصلية كتبت بواسطة bakkarahmed

كل حاجه ممكن تنفع ..اصلها مش اختراع
المهم هاتتعمل بكام مقابل ايه؟؟؟

ماهو انا ماعرفش وماعرفش حد عملها عشان كده ماحبتش افتي :)

**mohammed adel** · 04-12-2012 01:48 AM

معلش نسيت شيء مهم انا دلوقتى معايا النترا 2009 اوتوماتيك خليجى وعايز اعمل صيانة ال 100000 كم شاملة لان انا شارى العربية مستعملة وماعيا من شهرين بس ومعرفشى صاحبها القديم كانت ظروفه ايه و خايف اتأخر على صيانة العربية يحصل حاجة لاقدر الله وانتوا عارفين الاوتوماتيك ومشاكلة سؤاللى لحضرتكم رقم 1- كم تبلغ تكلفة صيانة ال 100000 كاملة من حيث كل شيء يعنى فلتر فتيس وزيت فتيس وعفشة الخ................... رقم 2- انا عندى رجرجة فى العربية واحتمال تكون من الطنابير عايز اعرف كم سعر الطنابير ؟ رقم 3- افضل مكان تكونوا انتم بنفسكم جربتوه اعمل فيه الصيانة ؟ ورجاء الاجابة على الاسئلة بكافة التفاصيل لانى من المنيا ومشوارى بعيد وانا عايز اعمل حسابى على التكلفة بالظبط عالشان بس المشوار !!!! وعاجز عن الشكر ليكم جميعا وربنا يوفقكم لعمل الخير دايما امين ياررررررررررررررررررررررر ررررب

**mahmoud_afifi** · 04-12-2012 03:55 PM

المشاركة الأصلية كتبت بواسطة mohammed adel

معلش نسيت شيء مهم انا دلوقتى معايا النترا 2009 اوتوماتيك خليجى وعايز اعمل صيانة ال 100000 كم شاملة لان انا شارى العربية مستعملة وماعيا من شهرين بس ومعرفشى صاحبها القديم كانت ظروفه ايه و خايف اتأخر على صيانة العربية يحصل حاجة لاقدر الله وانتوا عارفين الاوتوماتيك ومشاكلة سؤاللى لحضرتكم رقم 1- كم تبلغ تكلفة صيانة ال 100000 كاملة من حيث كل شيء يعنى فلتر فتيس وزيت فتيس وعفشة الخ................... رقم 2- انا عندى رجرجة فى العربية واحتمال تكون من الطنابير عايز اعرف كم سعر الطنابير ؟ رقم 3- افضل مكان تكونوا انتم بنفسكم جربتوه اعمل فيه الصيانة ؟ ورجاء الاجابة على الاسئلة بكافة التفاصيل لانى من المنيا ومشوارى بعيد وانا عايز اعمل حسابى على التكلفة بالظبط عالشان بس المشوار !!!! وعاجز عن الشكر ليكم جميعا وربنا يوفقكم لعمل الخير دايما امين ياررررررررررررررررررررررر ررررب

ربنا يباركلك فيها.
1)بالنسبه لصيانة ال100الف انا كمان المفروض لسه هعملها ومش عارف هتتكلف كام!
2) جرب ترصص الاول قبل ما تشوف موضوع الطنابير وشوف برضه لو في جنط معووج. بالنسبه للطنابير مش متأكد من السعر بس تقريبا 750.
3) اي صيانه مهمه نصيحه اعملها في التوكيل بس بلاش تروح ابو رواش

**mahmoud_afifi** · 04-12-2012 03:57 PM

ده موضوع فيه اسعار قطع غيار الالنترا في التوكيل وبره

http://www.nilemotors.net/Nile/277447-2007-2011-a.html

**mahmoud_afifi** · 05-12-2012 06:22 PM

المشاركة الأصلية كتبت بواسطة roland_yamaha

طب اجيبها منين السوست دي وليها مقاس أو ماركة معينة ؟أفيدونا

ماتحاولش تجيبها من محلات الاكسسوارات لأنها بتكون lowering spring يعني هتخفض ارتفاع العربيه بس بتكون ناشفه. من الماركات دي في نواع اسمه ebach واحد صاحبنا من فيات مجربه بيشكر فيه بس خفضت العربيه تقريبا 3 سم او 5 مش متأكد.
لو نفس المقاس بتاع الاصليه مش عارف بصراحه عشان مافكرتش اغيرها.

**mahmoud_afifi** · 06-12-2012 11:18 PM

المشاركة الأصلية كتبت بواسطة roland_yamaha

طب في حد كان ركب صدادات أو كاوتش مساعد علي المساعدين هنا في المنتدي والعربية اتظبطت معاه حتي لو ركب ناس (3 ورا‏)‏ مبقتش تحك خالص والثبات برضوا متأثرش هو كل الحكاية انه بيقصر شوط المساعد ميخلهوش يهبط للأخر دي الفكرة
السؤال بقي في حد تاني جربها وكويسة معاه ولا إيه

طبيعي التنطيط هيزيد في العربيه لذلك انا مانصحش بالموضوع ده