الموضوع: رابطة مالكي الElantra من 2007 الى 2011

المشاركة الأصلية كتبت بواسطة samir elshahawy

طبعا انا بأشكرك جدا علي كلامك و مجاملتك أنا لا خبير و لا حاجة أنا بأحاول أجتهد و قد اصيب أو أخطئ

المهم خلينا نعمل الاتي و بالترتيب :

(1).. تغيير فلتر الهواء بواحد أصلي لو كان اللي راكب مش نظيف
(2).. تنظيف البوابة و ده من خلال رش اسبراي من الفتحة بعد فك خرطوم الهوا اللي جاي من الفلتر

(3).. بعد كده جرب العربية , لو أتحسنت يبقي كده تمام أنقل علي الخطوة اللي بعدها
(4).. أضف منظف دورة الوقود و أنصحك ب cyclo max 45 بس لازم تفول التانك بعدها علي الاقل 40 لتر و ممكن تستخدمه علي مرتين

أما لو أداء العربية لم يتحسن أو تحسنها كان بسيط يبقي ندخل علي الخطوة الجاية
(5).. تغيير فلتر البنزين بفلتر اصلي

مع ملاحظة الأتي :
- ضرورة ظبط ضغط الاطارات
- مراجعة مستوي الزيت في المحرك لأنه لو أعلي من المقاس المظبوط ممكن يسبب مشاكل
- الكشف علي الأوتوماتيك و حساسات الاوتوماتيك بالاسكانر أن أمكن

و ياريت تبلغنا عملت أيه و النتيجة بعد كده و لو أحتجت اي مساعدة كلنا تحت أمرك في أي وقت


و بالنسبة لشاشة الألنترا دي موجودة عند السجان بشارع دمشق بالقاهرة و هي عبارة عن :
- شاشة دي في دي تاتش
- جي بي أس
- يو اس بي
- ممكن يركب عليها كاميرا خلفية
سعرها في حدود 2500 جنيه تقريبا

يا سمير باشا كلمة شكر قليلة جدااااااااا عليك يكفى بس متابعتك واهتمامك بالموضوع بس انا فعلا اخذت قرار انى انزل القاهرة بعد 10 ايام واعمل الصيانة كلها بالمرة ايه رأيى حضرتك ؟؟ وياريت تنصحنى بمكان كويس اعمل فيه الصيانة لان سمعت عن مشاكل كتيررررر فى التوكيل وياريت تقوللى التكلفة كام بعد اذنك عالشان ده مشوار كبير وعايز اعمل حسابى وظبط كل شيء بالمرة !!!!!!!!!!
فيه شيء تانى بالنسبة لزيت الموتور انا لما اشتريت العربية من صاحبها الاول من شهر 8 اللى فات كان الاخ بتاع تغيير الزيت بيحطلى فى العربية 4 كيلو مع الفلتر و 3,5 من غير تغيير الفلتر الغريبة ان لاحظت ان الزيت بيكون دايما فو ق العلامة العليا بمسافة كبيرة وكنت بغير زيت شل 5000 ولكن اخر مرة حبيت اغير من شل الى موبيل 10000 و انا بنفسي غيرت الزيت وغيرت الفلتر كمان عالشان اظبطها ومقاس الزيت يبقى على العلامة العليا العجيب ان العربية اخدت 3 كيلو بس رغم تغيير الفلتر ومقاس الزيت بعد كدة بقى على العلامة بالظبط يعنى مش زايد زى الاول
وهذا ايضا مع زيت الفتيس انه دايما فوق العلامة العليا بمسافة كبيرة وانا اخدتها كدة من صاحبها ولما غيرت زيت الفتيس من اسبوع اخدت حواللى 3 كيلو وبرضة فوق العلامة بمسافة ولما سألت الاخ اللى بغير عنده دايما قاللى كدة افضل بمعنى لما يكون فوق العلامة العليا افضل ما يكون تحتيها وقاللى خاللى الفتيس (يشبع) زيت ياعم وهو الان فوق العلامة بمسافة
والله انا بتيجى فترة وبزهق مش عارف الصح من الغلط
اسف ان بصدعك معايا بس هعمل ايه
ومرة اخيرة الف شكرررررررررررررررر وربنا مايحرمنا منك ومن استشاراتك

السلام عليكم ورحمة الله
ايه يا النتراوية هو خلاص مافيش حد هنا يرد علينا انا كاتب مشاركة من حواللى 3 ايام و مافيش رد خالص والاستاذ سمير وكل القسم اختفوا ايه الحكاية ؟؟ عايزين بس نفهم بدل ما نكتب على الفاضي هههههههههه والف شكررررررررررررر لكم جميعاااااا

المشاركة الأصلية كتبت بواسطة samir elshahawy

أنا أسف جدا علي التأخير في الرد عليك
معلش ماشوفتش الموضوع غير النهاردة

عموما حضرتك تشرف و تنور القاهرة

أنا شخصيا بأرشح لك تكلم المهندس / هاني (سبيد سيرفس) خاصة أن عربيتك خارج الضمان
تقدر تدخل علي موضوعه أو تكلمه شخصيا و تنسق معاه

http://www.nilemotors.net/nile/28764...nghany-68.html


و لو محتاج أني أجي معاك أنا تحت أمرك , بس يارب أكون موجود في القاهرة لأني مسافر النهاردة و مش هارجع قبل يوم 18 يناير

يا استاذ سمير تسافر وترجعلنا بالف سلامة وعلى العموم انا مش رايح القاهرة قبل يوم 24 واكيد طبعا هتصل بحضرتك انا مش هسيب حضرتك ابداااااااااااااااااااااا اااا بس انت متزهقش منى ههههههههههههههههههههههه
والف شكر ليك وترجع بالف سلامة امين يارب العالمين

ازيكم يا النتراويه عاملين ايه اتمنى تكونو كلكم بخير وعربياتكم زى الفل
بقالى فتره غايب بسبب ظروف الشغل بس من كام يوم عملت شويه حاجات ف العربيه وقلت اعرفكم:
1-تغيير مياه التبريد بماء جديد(اخضر طبعا بتاع شركه ايادا الاسبانيه) وخدت جركن 5 لتر بالظبط.
2-تغيير زيت المحرك بزيت شل هيلكس الترا 10000 ك وده بصراحه........ اختراع ىا كوتش لأن العربيه بقت حاجه نانيه خاااااااالص فى الصوت والشد والحراره بقت بتاخد وقت قليل جدا ف التسخين. كل ده طبعا مع فلتر جديد
3-تغيير تيل فرامل امامى بناء على توصية الميكانيكى لأن التيل القديم كان رايح فيها ع الاخر.
4-تربيط العفشه لأن كان بدأ يطلعلها صوت وبصراحه بعد التربيط بقت سيلنت

نيجى بقى للاسعار:
زيت شل 240 جند, ماء تبريد 30 جند, فلتر زيت 20 جند, غسيل محرك 15 جند (engin flush-ABRO) ,غسيل دورة تبريد 10 جند (radiator flush-ABRO) , تيل فرامل امامى 120 جند(كورى)

بالمناسبه يا شباب انا عندى مشكله فى الراديو بتاع العربيه لانى غيرت الكاسيت الهيونداى الاصلى بتاعها بواحد بايونير ومن ساعتها الراديو بتاع الكاسيت فى الوشششششششششششششششششششششش شش
فنى التركيب قاللى ان اريال العربيه الداخلى ضعيف على الراديو البايونير ولازملو اريال الكترونى لأنه اقوى من اريال العربيه وده بيركب جوه العربيه ودخت عليه مش لاقيه فأرجو المساعده
عملت موضوع فى قسم الصوتيات بس واضح انه نامو ننه