عزيزى بابا ضياء (قصدى سمسم): ماذا تفعل لو كنت مكانى؟

**Nicoblaksoon** · 19-02-2012 07:39 PM

"الموتور فيه سبيكة داخلية عايزة تتغير. احنا غيرنا الخارجية. لكن الداخلية لازم نطلع الموتور بره علشان نغيرها. وانت مش عايز تطلع الموتور بره"

الميكانيكى المحترم قاللى الكلام ده بعد ما غيرلى طقم الشنبر وقفللى الموتور ومشيت بالعربية مسافة حوالى 300كم تليين وسمعت صوت خشونة فى الموتور بيزيد ورجعتله وسألته

افيدونى بالله عليكم: هل فيه حل سهل للموضوع ده؟
ويعنى ايه السبيكة دى اصلاً؟

**SAMEH_FOUAD** · 20-02-2012 09:23 AM

اولا بالنسبة للموضوع بتاعك دة اكيد طبعا كل السبيكة هتتعمل عادى والمحرك موجود من غير مايطلع برة بس دة هيعتمد على مدى حالة ركب الكرنك

ثانيا : السبيكة مابتعملش صوت خشونة , السبيكة بتعمل صوت تكتكة او تنقير جاى من داخل البلوكة

وطبعا لو الحالة متأخرة هتسمعها بمجرد ماتدور المحرك , ولو الحالة لسة فى اولها هاتسمعها عند الضغط على المحرك فى اربى ام عالى او لو الحالة متوسطة هتسمعها فى اربى ام منخفض يعنى على 3000 مثلا

ثالثا : نقطة انة يركب السبيكة من تحت دية تنفع سواء فوق اوتحت مش داخلية وخارجية

السبيكة دية لقم بتبقى متركبة عشان توصل البساتم بعمود الكرنك

اتاكد من الصوت الاول واشوف صوت الخشونة جاى منين لان ممكن تكون طلمبة الزيت وحشة وهية اللى عاملة صوت الخشونة

**Nicoblaksoon** · 20-02-2012 06:08 PM

اشكركم على الإهتمام والرد
استاذ سمسم:
الصوت فعلا صوت تكتكة وتنقير جاى من الداخل
ولكن الصوت ده كان خفيف جدا قبل ما الميكانيكى يفك الموتور علشان يركب طقم الشنبر والميكانيكى هو اللى لاحظه وقاللى الموتور فيه سبيكة وغيرها فعلاً. ولكن ماقالليش على السبيكة اللى تحت واللى فوق غير بعد ما قفل الموتور وسمع الصوت تانى!!!!
وبعد تقفيل الموتور: الصوت بدأ يزيد كل ما امشى مسافة اطول
ما اعرفش ايه اللى ممكن يكون الميكانيكى عمله علشان يحصل ده!!
على اى حال: ازاى وفين وامتى اقدر اوريلك العربية علشان تسمع الصوت وتميزه بنفسك؟؟

**Nicoblaksoon** · 20-02-2012 10:32 PM

ومين الميكانيكى اللى ممكن يركبها من غير ما يطلع الموتور بره؟؟؟

مين غير عصام اللى فى الحرفيين ؟؟

**tarekzein** · 20-02-2012 10:33 PM

مقابله الهونداويه يوم الجمعه الجايه بإذن الله

نادى حرس الحدود - الزمالك

بس سيبك أنت ....العنوان تحفه جدا

فكرتنى بالراديو زمان ..أييييييييييه كانت أيام

**ايمن محمود محمد ابراهيم** · 21-02-2012 06:22 AM

المشاركة الأصلية كتبت بواسطة nicoblaksoon

ومين الميكانيكى اللى ممكن يركبها من غير ما يطلع الموتور بره؟؟؟

مين غير عصام اللى فى الحرفيين ؟؟

اشمعنى عصام يعنى؟؟

ده بيقولوا عليه كويس

؟؟؟

**Nicoblaksoon** · 21-02-2012 06:41 AM

ايوه عصام كويس جدا بس يشتغل صبى مش صنايعى.

يا جماعة انا سلمته العربية ناعمة وجميلة علشان بس يركبلى طقم شنبر (بناءً على تشخيصه) خدتها منه والموتور صوته مزعج جدا!!
ولما سألته يقوللى انت جاى تعمل طقم شنبر بس لكن اى حاجة تانية انا مش مسؤل عنها!!

يعنى ايه الكلام الفاضى ده؟؟

الخلاصة:
عصام ده لسه بدرى قوى عليه علشان يعمل شغلانه كامله على مسئوليته
وحرام تخليه يتعامل مع الأجزاء الداخلية الدقيقة بتاعة الموتور
ودى نصيحة عن تجربة لكل اعضاء المنتدى الكرام
اشكركم

**EK4** · 21-02-2012 11:29 AM

هيا اه العربية بتاعت حدرتك وما هوا المتور

**Nicoblaksoon** · 21-02-2012 03:29 PM

ايوه حضرتك العربية بتاعتى
والموتور si اوتوماتيك 1600 سىسى

الموضوع: عزيزى بابا ضياء (قصدى سمسم): ماذا تفعل لو كنت مكانى؟

LinkBack

أدوات الموضوع

عرض

-

المواضيع المتشابهه

ماذا تفعل لو كنت مكانى؟

ماذا تفعل او كنت مكانى

ماذا تفعل لو كنت مكانى

ماذا تفعل لو كنت مكانى

ماذا تفعل لو كنت مكانى

الكلمات الدلالية لهذا الموضوع

المفضلات

المفضلات

ضوابط المشاركة