الموضوع: آآه يا مكنتي يا عيني يا مكنتي :(((

سمسم باشا تقبل تحياتى
الحمدلله وقدر الله وماشاء فعل
بالنسبة لموضوع عربيتك واللى حصل فيها كان من الأول لازم تجيب وش إستيراد
ده لو انت عاوز ترجع صوت الفبريكة تانى ، ومتعزلش منى يا صديقى لأنه عن تجربه
الوش اللى بيضرب صبابات ودلايل ، وخدوها منى كوجهة نظر عمليه وحصلت قدامى كتير، ساعات كتير مش بينفع نغير صبابات ودلايل و حوارات من دى لأنها عمرها ما هترجع زى الأول
انا قريت الموضوع بتاعك من الألف إلى الياء وكمان جميع ردود الساده الأفاضل إخواننا
أخويا حصل معاه نفس مشكلتك وأخدت عربيته وفكيتها ووديت الوش إتوضب لكن ........نفس مشكلتك حصلت لنا
أول ما تدور العربية تسمع الكراكة تكتكتكتكتكتكتكتكتكتسسس وشوية ترجع تانى تكتم الصوت وتبقى عادية
ده طبعا غير انها بقت بتاكل بنزين وزيت ومياه ومع العلم انها كلفتنى 700 جنيه
وأنا كان ممكن أشترى وش جديد ب 400 و أركبه على طول
عموما احنا بنستفيد من بعضنا و حمدا لله على سلامتك ومتخليش حد يفك مسمار أو يربطه فى العربية إلا قصاد عينك
ولو إحتجت أى خدمة قول جزر
ملحوظه:عمود تاكيهات الشاهين كمبيوتر مش بيانو يعنى الضبط بتاعه بيبقى مصنع تشيل القديم وتركب الجديد ملوش ظبط

آسف للإطالة يا صديقى وتقبلوا مرورى

يا باشا لا هتكركر ولا هاتعمل حاجه ان شاء الله
طالما اتعملت صح يبقى انسى ان يظهر فيها عيب