اعتذار وشكر وحادث وعظة

**Karim_Monir** · 20-02-2012 12:21 AM

السلام عليكم ورحمه الله
تعرض والدي ووالدتي لحادث سيارة بسيط بطريق الاسكندرية الزراعي امام طنطا صباح يوم الجمعة امس الاول
واصيبوا الاتنين برضوض وكدمات قويه ولكن والحمد لله مفيش اصابات قوية ناتجة عن صدم سيارة توقفت فاجأة ومالحقش يقف فدخل فيها والدي
لكن الكدمات بسبب عدم ربط حزام الامان والناس الكبار بيتخنقوا منه جدا
ودايما كان في خناقات بيني وبين والدي بسبب عدم ربطة للحزام
لان في الحادث رأسه خبط الزجاج كسره والدركسيون شرخله ضلوعه
الحادثة ماكنتش بسرعة واعتقد حزام الامان كان خفف 90% من الاصابات
والكلام ده كان الصبح بدري قوي وصحيت مخضوض وسافرت بسرعة عشان اطمئن عليهم وهما كانوا في وحدة اسعاف الطريق بتاعت قرية مش فاكر اسمها ولكن تقريبا بعد بركة السبع وقبل طنطا
مش فاكر لاني جاهل قوي بالطريق الزراعي
وانشغلنا كمان بنقل السيارة لان نظام التبريد اتدمر ومعرفناش ندورها
فبعتذر للناس اللي عرفت وكلموني كتير عشان يطمئنوا ولكن كنت فعلا جمعة وسبت بنطمئن عليهم ومكنتش متابع الموبايل نهائي
وحبيت اشكر كل الناس اللي اتصلت تطمئن وربنا يديم المعروف

كريم