السلام عليكم
بعد اذن حضراتكم انا عندي مشكله مضايقاني جدا عربيتي نيسان صني موديل ٩٨
اولا في التسخين الصبح ال rpm بيبقي علي 2500 وبيبقي صوت المكنه زي الغول و بصحي الشارع كله مفيش ٥ دقايق عقبال ما تسخن و بكبس بنزين بينزل لوضعه الاساسي علي900
هل ده طبيعي ولا في مشكله في حاجه ؟!!!!!!!!!

ثانيا :- انهارده و انا ماشي و كبست علي الغيار الاولاني جامد لحد 5000 لقيت ال rpm فضل عالي معايا علي 2000 لحد ما وصلت و ركنت
نفس الحكايه بتحصل لما بشغل النور بليل سواء السهاري او العالي ال rpm بيطلع ل 1500

بجدمش عارف اعمل ايه انا زهقت و حاسس اني راكب كراكه و انا عمري ما اتعودت امشي بالعربيه صوتها كده و الي منرفزني ان العربيه مفيهاش حاجه غلط او بتفصل او بتقطع او فيها حاجه باعكس زي الفل و سحبها ما شاء الله و بجري بيها و كل حاجه بس صوتها محسسني ان في حاجه غلط
اه ملحوظه هي صوتها طبيعي جدا في العادي لاكن صوتها بيعلي في الحالات الي قولتها فوق
ياريت تساعدوني لاني بجد زعلان اوي عليها ؟؟؟!!!!