الموضوع: لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

يا جماعة هو الموضوع ده بجد !؟
انا عمري ما سمعت عن حاجة زي كدة انا كنت باخد احتياطاتي بس

اه طبعا الموضوع بجد جدا و ناس كتير اتسرقوا و الالعن بيسرقوا العربيات بحالها كمان دا غير الموتورسيكلات واحد مستشار و مراته (قريتها فى الاهرام) كانوا فى عباس العقاد الراجل نزل يشترى حاجة من محل و مراته فى العربية جه واحد قالها جوزك عايزك يا دوب لسه بتنزل تبص على جوزها كان سرق العربية و علشان كدا الواحد ياخد باله اوعى تسيب المفتاح فى الكونتاكت حتى لو فى ناس فى العربية (حتى لو الست مكانتش نزلت كان ممكن يهددها بمطوة و يسرق العربية).
كل واحد يخلى بالو لحسن فى حركة بيعملوها كمان يحكلك العربية بمترسيكل من ورا تنزل تتخانق معاه فى عز الدهر يكون واحد معاه سرق الموبايل و حاجتك من العربية و انت براها بتتخانق معاه!!!!! و يهربوا بسرعة عكس اتجاه بالموتورسيكل.

اوعى توقف لحد خالص و يستحسن تقفل الباب علطول و تاخد بالك خصوصا من الموتورسيكلات

انا ممكن اركن على جنب واول ما ينزلو من الموتسكلات عشان يثبتونى اجرى بسرعة ويمكن ادوس عليهم :embarrassed2::embarrassed2::embarrassed2::embarra ssed2:

المشاركة الأصلية كتبت بواسطة IslamGen2

الناس اللى معاه مسدسات صوت وشوت جان ومتفجرات وصواعق ياريت يشرحولنا الطرق القانونية للحصول على هذه الممنوعات ، لأنى كنت بفكر أجيب أسلحة سيلف ديفنس.

وبالنسبة للصاعق ياريت حد يشرحلنا فكرة عمله يعنى كام فولت يزغزغوا الواحد بس وكام فولت ينيموه ؟.

الصاعق الكهربائى فكرته مثل فكرة موبينة السيارة تماما يأخذ 12 فولت من بطارية و يحولهم الى ما فوق الالف فولت مما يتسبب فى اذى للانسان على حسب حساسية هذا الانسان للكهرباء و هو ممنوع فى مصر لانه ممكن يؤدى للوفاة و لكنى شاهدته مع ناس هنا اشتروه من تايلند و الصين و امريكا و سعره فى بلده يعادل من 10 جنية الى 70 جنية و بيتباع عندهم على الرصيف ام هنا فى مصر بيوصل ثمنه الى 400جنية تقريبا اما باقى الاشياء من مسدس صوت و بلى فهى أامن منه و خاصة مسدس الصوت له مفعول قوى مع اللصوص لانه يلفت الانتباه جدا و عند اظهاره للحرامى بيعتقد انك من الشرطة و بيهرب على طول و مسدس الصوت ليس ممنوع و متوفر بدون مشاكل .