الحقووووووووووووووووني ضروري اوي اوي

**Raul_7** · 23-02-2012 03:00 AM

المشاركة الأصلية كتبت بواسطة mido_soliman

220 فى الصفيحة صح ؟؟:))))

بص يا عم المتهور انت
الجين2 مش بتاعة بهدلة من الاخر
انا بصراحة من طريقة كتابتك للموضوع مش عايزك تجيبها حاسس انك بعد الشر حتزعل عليها بدرى بدرى
السرعة القصوى ليها 190 ولو على منزل ممكن تجيب 200 بس انت كدة بتقتلها لانها مش بى ام يعنى
نصيحة راجع نفسك فى اسلوب سواقتك لان نهاية الطريقة دى قااااسية

+111111111

220 في الصفيحة....هههههههههههههههه هههههههههههههههه.

بصراحة أنا رأيي زي رأي أحمد بالضبط, شايف إنها متنفعلكش بطريقة سواقتك ده.

**mohamed5800** · 23-02-2012 03:01 AM

</B>mido_soliman
على فكرة انت اتلخبط انا كانت معايا وبيعتها ومش عارف لسة اجيب اية انا مش صاحب الموضوع ويا ريت حد ينصحنى اجيب اية علشان مش عارف وخايف احس بفرق كبير

**saint2011** · 23-02-2012 12:30 PM

انت تجيب بورش او فيرارى هتعمل بيها اللى فى نفسك وتعيش با أ/ متهور وبعدين عندى سؤال هو أحنا عندنا طرق فى مصر تمشى فيها على سرعة 230كم ؟؟؟؟؟؟؟؟؟؟؟؟؟؟؟؟؟؟؟؟؟

**m_newyork** · 23-02-2012 05:45 PM

ياجماعه انا معايه لحد 95 الف لو ممكن اجيب حاجه اشد منها قولليلي لاني متهور اوي اوي اوي ومحدش رد علي موضوع الفلتر والديفيل الريس هيخرجوني من الضمان ولا

**hesham1978mmmm** · 24-02-2012 02:28 AM

انت تجيب بورش او فيرارى هتعمل بيها اللى فى نفسك

**m_newyork** · 24-02-2012 02:32 AM

يا جماعه انا النهارده نزلت روحت عند الطارق اسماعيل وشوفت الكيا ريو سيدان ب 95الف جنيه كامله مانيوال 1400سي سي بقوه 109 حصان 6.300دوره مع العلم الماتور من الالمانيوا وهيا فيها 4زجاج وفيها مرايات حراريه وبلوتوث وكمبيوتر رحلات وشوفت الاوبترا بردوا حلوه مش وحشه اعمل اي بقا انا هموت من العربيات دي ( بروتون جين 2-كيا ريو سيدان-شيفروليه اوبترا) مانيوال كلهم انا عاوزه عربيه ثبات وتسارع وف البيع كويسه وتوكيل محترم من الاخر عربيه اجري بيها واعمل الي انا عاوزززززززززززو من غير زعل

**eng.m7md.ali** · 24-02-2012 02:59 AM

المشاركة الأصلية كتبت بواسطة m_newyork

يا جماعه انا النهارده نزلت روحت عند الطارق اسماعيل وشوفت الكيا ريو سيدان ب 95الف جنيه كامله مانيوال 1400سي سي بقوه 109 حصان 6.300دوره مع العلم الماتور من الالمانيوا وهيا فيها 4زجاج وفيها مرايات حراريه وبلوتوث وكمبيوتر رحلات وشوفت الاوبترا بردوا حلوه مش وحشه اعمل اي بقا انا هموت من العربيات دي ( بروتون جين 2-كيا ريو سيدان-شيفروليه اوبترا) مانيوال كلهم انا عاوزه عربيه ثبات وتسارع وف البيع كويسه وتوكيل محترم من الاخر عربيه اجري بيها واعمل الي انا عاوزززززززززززو من غير زعل

انت بتتكلم بجد؟
يعني ايه متهور يعني؟
هاتلك دبانة يا عم وريح نفسك

**Raul_7** · 24-02-2012 09:04 AM

هو أنا ليه حاسس ان صاحب الموضوع بيشتغلنا؟؟

**m_newyork** · 24-02-2012 02:46 PM

اقسم بالله مش بشتغل حد بس انا بعشق حاجه اسمها عربيات وانا مجنون سواقه وعاوز عربيه شيك محترمه اوبشن جامد راحه عفشه حلوه محسش بالارض عربيه جري وثبات قوي توكيل محترم اعاده البيع تبقي ممتازه قطع غيار متوفره والله انا مش بشتغل حد انا فعلا عاوز اشتري ومحتار اصل دي فلوس عربيه مش فلوس موبايل

**tamerosman** · 24-02-2012 04:24 PM

المشاركة الأصلية كتبت بواسطة m_newyork

اقسم بالله مش بشتغل حد بس انا بعشق حاجه اسمها عربيات وانا مجنون سواقه وعاوز عربيه شيك محترمه اوبشن جامد راحه عفشه حلوه محسش بالارض عربيه جري وثبات قوي توكيل محترم اعاده البيع تبقي ممتازه قطع غيار متوفره والله انا مش بشتغل حد انا فعلا عاوز اشتري ومحتار اصل دي فلوس عربيه مش فلوس موبايل

اعتقد انه لو فيه عربية ب 95 الف و زيرو فيها كل المواصفات دى مكنش حد غلب

من الاخر حلك انك تشوف bmw الفئة الثالثة موديل تسعينات ( دبانة ) هتلاقى قطع غيارها رخيصة و متوفرة ( متوفرة جدا و ارخص من قطع غيار الجين 2 )

تانى نقطة و دى مهمة جدا : لازم يكون عندك شعور بالمسئولية علشان انتى لما بتجرى على سرعة فوق 200 مش بتعرض روحك بس للخطر ( و طبعا انت حر فى نفسك ) انتى كده بتعرض ارواح الاخرين للخطر و ممكن العربيات الى ماشية معاك على الطريق يكون فيها عائلات او اطفال ملهمش ذنب و تكون انت السبب فى وفاتهم او حدوث عاهات مستديمة ليهم

او عايز تاخد عظة ( و بما انك اسكندرانى ) روح اقف 5 دقايق قدام باب استقبال الطورارى بتاع مستشفى السلامة و انتى تشوف اهالى المصابين فى الحوادث (و اهالى المتوفييين ) بيبقوا عاملين ازاى و اعتقد انك لا تتمنى تحط والدك او والدتك فى موقف زى ده

انا اسف ان ردى قاسى جدا بس للاسف دى الحقيقة

و نصيحة لاى حد ، الطرق المصرية اغلبها مصمم بطرق متخلفة و مش مطابقة للمواصفات العالمية و مينفعش حد يسوق عليها اكتر من 120 ، ده غير سواقين النقل و الميكروباص الى اخطائهم ممكن تكون سبب نص الحوادث