الحقووووووووووووووووني ضروري اوي اوي

**m_newyork** · 22-02-2012 03:05 PM

اولا احب اقول ان المنتدي ده جامد اخري 1000000 حاجات ويارب علي طول ف المقدمه المهم انا عاوز اجيب جين 2 موديل 2012 وناس مخوفني من التوكيل وبيقولوا عز العرب زي الزفت وبيقولوا قطع الغيار نار نار ولو حبيت اغير بعد سنتين هخسر 30 الف جنيه من تمن العربيه ياريت النصيحه وهل الايرباج ليه زرار ممكن اعملوا offولا وبجد انا عاوز عربيه رياضيه تجري لاني متهور اوي اوي اوي وانا محتار اجبها ولا اجيب اكسنت ار بي وهل الاتواماتيك احسن ولا المانيوال ولا مش هيخليني العب برحتي

**saint2011** · 22-02-2012 03:10 PM

فعلا شكل حضرتك متهور فعلا عموما ممكن حضرتك تروح قسم المقارنات وهتلاقى الرد المناسب

**eng.m7md.ali** · 22-02-2012 06:57 PM

لو عايز تجري يبقى اكيد اكيد اكيد خرج الهيونداي من حساباتك

اللي قالك ان التوكيل زفت مكدبش عليك
واللي قالك ان قطع الغيار نار مكدبش بردو عليك بس بنسبة كبير لان في قطع غيار عادية وقطع غيار غاليا نار

وسعر اعادة البيع مش هتخسر 30 الف زي ماقلك لما تيجي تبيع
طبعا على حسب استخدامك ولو حافظت على العربية هتحافظ عليك

ونصيحة هات مانوال وربنا يستر طريقنا وطريقك

**sabregas2010** · 22-02-2012 11:07 PM

الجين 2 اكتر ثبات وتسارع الموتور اعلى والتوكيل زى ما الناس قالتلك عليه
اما ال rb سحبها حلو جدا بس مش زى الجين 2 وثباتها مش زى الجين 2 لكن توكيلها محترم وقطع الغيار متوفرة وسعر اعادة البيع اعلى بالتأكيد
والاختيار فى الاخر ليك ومبروك مقدما

**m_newyork** · 23-02-2012 12:00 AM

طيب هو انا لو جبتها وجبت المانيوال هجري واخد غرز بمزاج واخمس وهل ممكن اجيب ال230 بيها ولا و كمان محدش رد علي موضوع الايرباج هل ف زرار ممكن اعملواoff وافتحوا وانا علي طريق سفر بس ولا وكمان انا سمعت ان تيل الفرامل الي بيبقا نازل بيها ب1000 وفيه تقليد ف التوكيل بردوا ب350 وانهي احسن واي الفرق معلشي انا عارف اني بارد شويه استحملوني بس دي 3 عربيه ليا وعاوز اجيب عربيه بالمره وتكون جامد والعب برحتي وكماان نفسي ادخل اتوا كروس

**eng.m7md.ali** · 23-02-2012 12:41 AM

230 ايه؟ 230 كيلو في الساعة؟؟ لا ياباشا العنوان غلط :)
العربية دي اخرها 200 - 205 وثباتها ممتاز بس اكيد مش زي البي ام دابليو عشان متتخمش فيها
عايز بقى توصل لسرعات اعلى من كدة في الجين2 قدامك حل من ال2 .. يااما تسقط مايفك يااما تتربن

موضوع الايرباج ده تقريبا فيه زرار بيفصل ايرباج الراكب اللي جنب السواق .. او ممكن تشيل فيوز الايرباج بس هتلاقي اللمبة منورة دايما

**eng.m7md.ali** · 23-02-2012 12:42 AM

نسيت اقولك بخصوص التيل
التيل ب800 جنيه في التوكيل
وبرة بيتباع ب 350 جنيه

**m_newyork** · 23-02-2012 01:22 AM

هو طيب ممكن اركب فلتر رياضي واركب ديفيل ريس وهل ده هياثر علي الماتور ولا وكمان عاوز اعرف ده ممكن يخرجني من الضمان ولا اصل انا بحب السرعه وعاوز اجري والعب واخمس برحتي وهل بعد الفلتر والديفيل الريس هجيب ال 230 ولا معلش انا اسف اوي اوي اني بتاقل عليكم بس انا متهور اوي ونفسي ف عربيه تكون رياضيه ونفسي ادخل اتو كروس

**mohamed5800** · 23-02-2012 01:37 AM

بص فلتر هوا سيموتا كان بيعمل معايا220 وممكن 200 وتثبت عليها شوية وبالنسبة للتيل هوة بيتباع ب140 فى شارع دمشق وهوة بوش والايرباج مفيش لية زرار ولازم تبقى عارف انها حساسة لدرجة ان فى واحد فى المنتدى كان بيقول خبط فى الرصيف والايرباج اتفتح

**mido_soliman** · 23-02-2012 02:40 AM

المشاركة الأصلية كتبت بواسطة mohamed5800

بص فلتر هوا سيموتا كان بيعمل معايا220 وممكن 200 وتثبت عليها شوية وبالنسبة للتيل هوة بيتباع ب140 فى شارع دمشق وهوة بوش والايرباج مفيش لية زرار ولازم تبقى عارف انها حساسة لدرجة ان فى واحد فى المنتدى كان بيقول خبط فى الرصيف والايرباج اتفتح

220 فى الصفيحة صح ؟؟:))))

بص يا عم المتهور انت
الجين2 مش بتاعة بهدلة من الاخر
انا بصراحة من طريقة كتابتك للموضوع مش عايزك تجيبها حاسس انك بعد الشر حتزعل عليها بدرى بدرى
السرعة القصوى ليها 190 ولو على منزل ممكن تجيب 200 بس انت كدة بتقتلها لانها مش بى ام يعنى
نصيحة راجع نفسك فى اسلوب سواقتك لان نهاية الطريقة دى قااااسية