الموضوع: واخيرا استلمت اللوجان اتوماتيك

المشاركة الأصلية كتبت بواسطة korkor

الف مبروك ياباشا وربنا يحفظهالك ان شاء الله , وياريت التقرير يبقى مدعم بالصور . بخصوص موضوع التليين متقرصش عليها ولا كيك داون جامد دلوقتى حاول ماتفتحش التكييف كتير على السلانسيه , لما تقف فى اشاره يا تجيب p يا تمور ب n وترفع فرامل اليد علشان ماتتقلش على الفرامل

لما تقف فى أشارة يا تجيب n اللى هى المور أو تفضل على ال d اللى هيا تعشيق التروس والى أنت أصلا سايق عليها وينصح أنة عند التوقف فى الآشارات تجيب ال n .....

ال P لا نستخدمها نهائى الا عندما تركن سيارتك عند المنزل أو الجراج وتتبع الخطوات الآتية للحفاظ على الفتيس :

أولا : تمور العربية على n

ثانيا : ترفع فرامل اليد

ثالثا : تجيب العربية على p ثم تنزع المفتاح .... وممكن تسيب العربية على كدة لغاية ما تيجى تتحرك بيها تانى .... وتعمل عكس الخطوات دية علشان تدور الموتور وتطلع بالعربية
يعنى تضع المفتاح فى الكونتكت وتدور العربية ثم تنقل من على p الى n ثم تنزل فرامل اليد ثم تنقل الى ال d وتطلع فى أمان الله وقبل ما تطلع ما تنساش تقول دعاء ركوب الدابة أو السيارة

ملحوظة : فى نقطة تعليق على ثالثا . وهى لو أنت فى أى مكان وخايف تركن على n وممكن أى حد يزق العربية ويبوظ الفتيس ممكن بعد ما تركن على p وتخرج المفتاح . تضغط بأيدك على الزرار اللى فى أرضية الفتيس اللى بيفك التعشيقة وأنت أثناء ما بتضغط علية أنقل الفتيس من ال p الى n
اللى هو المور وطبعا كل دة وفرامل اليد طبعا مرفوعة وهى كفاية تمسك وتوقف العربية بعيدا عن الفتيس للفاظ علية .....

والله الموفق والمستعان

الف مبروك انا معايا موديل 2010 ماشي 40000 الصيانة كل 5 الف بس 5 و 15 و 25 و 35 ....... ببلاش بعد كده صيانات غيار الزيوت و الفلاتر و السيور كل 10 الف لو انت متوسط مشيك حوالي 30000 كم في السنة هتكون تكلفة الصيانة السنوية حوالي 1200 جنيه شاملة الزيوت و الفلاتر و البوجيهات و المصنعيات يعني متوسط شهري 100 جنيه لو مركز صيانة زي الفل عندك الميكانيكيون العرب مركز معتمد بدون حجز لو لا قدر الله ظهر عندك عيب صناعة عليك و علي المركز الرئيسي بالمقطم بدون حجز و لو صيانة دورية أحجز قبلها بأسبوعين علشان تاخد الميعاد ايلي انت عايزه