الموضوع: الساده ملاك الالنترا 2012 الرجاء الافاده

المشاركة الأصلية كتبت بواسطة ibnmoaz

السلام عليكم .انا والحمد لله من ملاك الالنترا2012(ضمان غبور) عامل بيها دلوقتي 12000كم من 20-8-2011 بس من قبل صيانه 1000 وانا حاسس ان فيه صوت خبطه بسيطه قدام يمين قلتلهم عليها ربطو العفشه وقالولي تمام بس برضه ما رحتش روحتلهم في صيانه 5000كم واشتكيت برضه ربطو العفشه والفرامل وكنت واقف معاهم ومفيش فايده ونفس القصه حصلت في صيانه 10000كم. المشكله اني بكتشف الكلام ده بعد ما اروح(انا في الهرم وبصين في قليوب) بالاضافه اني مشغول قوي ومش فاضلهم بس اليومين دول الصوت بقي واضح ومضايقني جدا وسألت وسمعته لميكانيكي صديق قالي دا صوت مساعد وبصراحه لما قالي كده اقتنعت وافتكرت الصوت ده فى العربيه القديمه
فهل حد من الساده اللي معاهم العربيه دي حصل عنده العيب ده؟ ولا دا حاجه خاصه في عربيتي؟
التصريف السليم ايه مع غبور في وضع زي ده؟هيماطلو ويستهبلو ولا محترمين؟ مع العلم في الصيانات السابقه الواحد كان هادي وذوق(وانا مش كده خالص بس عشان البريستيج والعربيه وكده)
فما هو التصرف السليم يا كرام؟ افيدونا جزاكم الله خيرا

السلام عليكم .....

انا الحمد لله عندى النترا 2012 وعندى نفس المشكلة ... خبط فى العجلة اليمين .... بس فى المطبات زى عين القطة وما شابه .

روحت التوكيل وبدأنا بما يلى :

1 - غيرولى مساعد يمين ... ولسه الصوت
2 - غيرولى تيش امامى ... ولسه الصوت
3 - ان شاء الله ميعادى معاهم كمان 4 أيام لتغيير علبة الدركسيون لانه تم طلبها من كوريا ب dhl واتمنى ان الموضوع يتحل

على فكرة الناس محترمين جدا جدا ( انا باتكلم على توكيل غبور الغردقة ) مهندس ميشيل

ان شاء الله المشكلة تتحل عندى وعند سيادتك

المشاركة الأصلية كتبت بواسطة nabilhussein

السلام عليكم .....

انا الحمد لله عندى النترا 2012 وعندى نفس المشكلة ... خبط فى العجلة اليمين .... بس فى المطبات زى عين القطة وما شابه .

روحت التوكيل وبدأنا بما يلى :

1 - غيرولى مساعد يمين ... ولسه الصوت
2 - غيرولى تيش امامى ... ولسه الصوت
3 - ان شاء الله ميعادى معاهم كمان 4 أيام لتغيير علبة الدركسيون لانه تم طلبها من كوريا ب dhl واتمنى ان الموضوع يتحل

على فكرة الناس محترمين جدا جدا ( انا باتكلم على توكيل غبور الغردقة ) مهندس ميشيل

ان شاء الله المشكلة تتحل عندى وعند سيادتك

قلبي عندك يا باشا ويارب الموضوع يتحل بس عندي سوؤال لسيادتك هم قعدو قد ايه علي ما ادوك ميعاد لتغيير العلبه لاني بقالي 7 ايام ورحتلهم اليوم قالولي مش قبل نهايه الاسبوع القادم

اخيرا كلمت غبور اول امبارح قالولي علبه الدريكسيون وصلت(بعد حوالي شهر) رحتلهم النهارده في حدود التاسعه الا ربع صباحا .دخلت علي موظفه الاستقبال ادتني رقم عميل حاجز بعدها ب10 دقائق جاتلي المهندسه وسالتني اكتر من مره انت بتعمل الصيانات عندنا قولتلها ايوا حتي الخمس الاف قلتلها ايوا .بعد كده سالتني عن اللي قالي ان العلبه موجوده وراحت مكلماه وقالها ايوا العلبه موجوده علي اسم صاحب الرخصه. المهم ركبو ا العلبه وعلي حظي العربيه كانت واقفه تحت الشباك بتاع الاستراحه وبعد كده ظبطو زوايا بتاعت العجل واستلمت العربيه بعد 3 ساعات بالتمام والحمد لله جرابتها واصبحت تمام التمام
وطبعا مدفعتش ولا مليم .بصراحه التعامل كان محترم والناس كانو ودودين جدا وما اضطرونيش اني ازعق او اقل ادبي و الحمد لله. وربنا يجعلها اخر الاحزان و شكرا للجميع اهتمامه

المشاركة الأصلية كتبت بواسطة aatif

سيدى الفاضل انا انصحك انك تروح مركز مودرن سيرفيس اللى في شيراتون انا عارف انه بعيد عنك شوية بس دول ناس محترمين وفاهمين وانا كان عندى مشكلة فى الفتيس وكشفو علي العربية ولقو ان الكبالن كان مفكوكة شوية وصلحوها من غير ولا مليم
فعلى اسوأ الفروض هما ممكن يشرحولك المشكلة ايه بالظبط.
وللعلم انا عربيتى برضه 2012 اول فئة
وبالتوفيق ان شاء الله

المشكلة هى ان لما بجيب الفتيس على ال r او ال d بتسمع صوت طقة
ولا ايه