الموضوع: بتدخل موقع كونتكت كار وعايز تعرف مين التجار تعالا وانا اقولك

المشاركة الأصلية كتبت بواسطة amrelsaqqa

من الاخر كدة اللى يشترى عربية مستعملة مش من اول يد وباسم صاحبها يبقى يستاهل اللى يجراله

طيب ياباشا انا عربيتي مش شاريها من اول يد و ناوي ابيعها إن شاء الله و من الاخر كده و ربنا يحاسبني علي الكلام ده اللي هايشتري عربيتي هايدعيلي العربية كانت من داخل مصنع gm مصر و صيانتها كلها معمولة و ركبتها حوالي 9 شهور و فوق ممتازة و معملتش مشكلة واحدة معايا الحمد لله ,,,, بلاش تعميم لان كل عربية ليها حالتها و اللي يشتري و مش فاهم حاجة ياخد حد معاه بيفهم و يروح اي بنزينه فيها كمبيوتر و يكشف عليها و لو عجبه السعر يشيل

نسيت اقولك ان العربية تقريبا زيرو ,,, الاختلاف الوحيد عن الزيرو اني مغير فردة كاوتش ,,, و في جنط اتني حته منه و عدلته في الملك الصالح ,,, غير كده تبقي زيرو بجد

وعلى فكره فى ظاهره تانيه غريبه
ناس وزبين عاديين وتجار بقوا يستهبلوا فى الاسعار بطريقه خرافيه جدا
وفى كذا مثال فى القسم دا ايه رايكم نبدا نحطلنك بلموضوع اللى صحبه بيستهبل والسعر الحقيقى ؟ عشان ميضحكش على حد؟؟؟

التاجر بينكشف من طريقه كلامه

عَنْ أَبِي هُرَيْرَةَ , قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " رَحِمَ اللَّهُ عَبْدًا سَمْحًا إِذَا بَاعَ ، وَسَمْحًا إِذَا اشْتَرَى ، وَسَمْحًا إِذَا قَضَى ، وَسَمْحًا إِذَا اقْتَضَى "

رأى الشخصى ....على فكره انا بتاجر فى العربيات ( على ادى يعنى ) واكتر البيعات كانت عن طريق النت والشراء كمان عن طريق النت واللى عايز اقوله على فكره الرقم فعلا فكره غير مقنعه على الاطلاق للكتير من الاسباب الى اتذكرت قبل كده واهمهم بالنسبه ليا شخصيا ان اسهل حاجه انى اشترى خط بجنيه ونص لكل عربيه عايز ابيعها وبالتالى هيكون سجل العربيه فى وجهة نظر المشترى ابيض بياض ناصع .....الحل الوحيد لتجنب خداع التجار انك تستعين بصديق شخصى مصدر ثقه ....على فكره انا قولت صديق شخصى ومقولتش صنايعى وتفرق كتييييييييير اوى .....وربنا الموافق والمستعان
وارحب بأى استفسار فى اى وقت ....شكراً