الموضوع: بتدخل موقع كونتكت كار وعايز تعرف مين التجار تعالا وانا اقولك

انا شخصيا من هواه السيارات بجنون وممكن اغير السياره فى اى وقت واى نوع بشرط السياره تعجبنى حتى لو هغير بعد الشراء بشهر واحد المهم اشوف حاجه تعجبنى وميشتطرتش مالك ولا توكيل المهم السياره

بس كلمه حق باردو فيه تجار امين بيشتري عربيه وطلع فيها حاجه يقولك عليها قبل مايبعهالك في كل قعده شواذ :)

وانا دلوقتي بشتري بفتح فعلا كونتكت واول لما القي الايميل شكلو مش عجبني بغير رائيي في العربيه :)

كل مهنه فيها الكويس وفيها الوحش زي ماناس كتير قالت
وكل واحد وله طريقة في الشراء بالنسبة لناس اللي بتشتري وتبيع كتير
عن نفسي ببحث كتير في النت لمدة طويلة قبل الشراء في مواقع مختلفة ولما اكون ناوي خلاص بسأل ناس كتير عن حد يكون معرفة وعنده العربية اللي عايز اشتريها لو مالقتش بشوف التاجر والمعرض اللي اعرفهم في بلدي واقارن اسعارهم باسعار القاهرة لو الفرق معقول بشتري واريح دماغي من السفر لاني لو رحت السوق هاخد معايا قرايب وسمكري وهروح بنزيمه وهكون مقلق من الورق دا غير الحيرة لما هشوف عربيات كتير وانا اساسا بكون محتار بين نوعين او اكتر فا مش هخلص من مرة وحده وهروح تاني فابجبر نفسي على اللي موجود المهم اكون واثق من اللي هاخد منه العربيه ولو قلقان بروح لسمكري معرفه يشوف العربية لان بالنسبة لي اهم شيئ الورق يكون سليم ومش شرط توكيل ولا عقد وتاني حاجه صاج العربية وفي الاخير حالة العربية ومحتاجه مصريف ولا لا لاني ممكن اعرف دا بنفسي
وببيع عربياتي لناس معرفة وبنصح اي حد لو ملقيش عربيه هنا على مزاجه يروح السوق بس يكون معه حد فاهم ويتاكد من الورق لان لو العربيه اشترها الواحد وزايده شويا وهوا عارف ومطمن من ورقها احسن مايروح تمنها كله وممكن تدخل في مصيبه كمان وفي الاول والاخر الموضوع دا نصيب وتوفيق من ربنا مش فهلوه زياده
دا في معارض بيضحك عليها لما يدي الامان لحد في موضوع الورق دا انا اعرف معرض اشترى عربيه من واحد ولما جه يفحص طلع الماتور مش مثبوت واضطر انه يجيب ماتور استراد والعربيه كانت بي ام