| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 6 من 6

  1. #1

    الصورة الرمزية Hossam_Zaky

    رقم العضوية : 6030

    تاريخ التسجيل : 19Feb2008

    المشاركات : 394

    النوع : ذكر

    الاقامة : مدينة نصر

    السيارة: دايو نوبيرا 2001

    السيارة[2]: نيسان صني 2009

    دراجة بخارية: لا

    الحالة : Hossam_Zaky غير متواجد حالياً

    افتراضي تقرير صيانة الـ40000 كم في مركز أبو غالي بالزيتون - Facebook Twitter whatsapp انشر الموضوع فى :

    hasad">

    السلام عليكم
    أنا حسام أول مرة أشارك معكم في قسم الدايو لكن مشارك دائم في قسم النيسان لأمتلاكي سيارة نيسان صني و والدي يمتلك نوبيرا sx موديل 2001
    فيما يخص النوبيرا أشتريتها لوالدي سنة 2008 بديل لسيارته طيبة الذكر بيجو 505 كانت موديل 1981 و كانت معاه من الزيرو و بعناها عشان كانت عاوزة عمرة موتور و كان فيها صدأ كتير و اللي بيتفك في مصر عمره ما بيرجع لأصله
    المهم أشترينا نوبيرا 2001 بعد بحث لمدة 3 شهور و بالصدفة ربنا وفقنا في عربية أول يد من الزيرو فابريكة بالكامل أستعمال خفيف جدا كانت عاملة 48 ألف كم و كمان وأحنا بنخلص فيها أتضح ان صاحبها أخو صديق والدي
    و من ساعة ما أشترينها في 2008 بنغير زيت موتور و بس و العربية مركونة كتير لأن والدي حركته قليلة و المالك السابق كان عامل صيانة ال40 ألف و معاه ورق تغيير سير الكاتينة
    العفشة بتاعة العربية كانت بتخبط و كشفت عليها عند أكتر من عفشجي و زوايا كله أجمع علي ضرورة تغيير المقصات و أن دي طبيعة النوبيرا بتاكل جلب المقصات الأمامية
    و كمان صوت الموتور كان عالي و دوران الموتور عالي لكن السحب ممتاز و جبت بيها أكتر من مرة 170 كم و 180 كم مستريح علي الدائري
    نهايته من أسبوع تحول موضوع ركنة العربية الشبه دائمة إلي بداية أعتماد عليها و هنا قررت أني أغير الكاتينة و أضبط الموتور بالكمبيوتر عشان دورات الموتور العالية و بعد بحث كتير تبين أن تكلفة تغيير الكاتينة عند ميكانيكي حتتكلف حوالي 600 ألي 700 جنيه حسب الخامة و المصنعية + العادي اني حغير زيت بحوالي 300 جنيه
    فقررت أني أعمل الصيانة الكاملة في التوكيل و بعد البحث و السؤال توصلت لمركز أبو غالي في شارع طومان باي بالزيتون و حجزت و رحت بالفعل النهاردة
    أستقبال المهندس هاني الحلواني ميتوصفش لأنه أنسان رائع في معاملته
    دخلت المركز الساعة 8.30 صباحا و خرجت منه الساعة 2.30 مساءا
    طبعا دي كانت أول مرة أروح للمركز ده و المهندس شرحلي صيانة ال40 ألف بالكامل و وضحلي أنهم لازم بيعملو كمان تقرير بحالة العربية بالكامل مع الصيانة
    تكلفة الصيانة حوالي 1300 جنيه
    تغيير زيت موبيل 1 - فلتر زيت - فلتر هواء - فلتر بنزين - بلية شداد كتينة - بلية شداد دينامو - سير كاتينة - سير دينامو - ضبط الموتور بالكمبيوتر - تنظيف مدخل الخانق ( الرشاشات ) - تربيط العفشة بالكامل - تغيير اماكن العجلات × - مراجعة تيل الفرامل أمامي و خلفي - رجلشة تيل الفرامل الخلفي - تغيير مياه الريدايتير و معلش لو كان فيه حاجة نسيتها
    بالأضافة إلي تكلفة أضافية حوالي 700 جنيه
    تغيير كوعة ثرموستات حرارة الريدياتير - تغيير كل وصلات المياه الفيبر لخراطيم مياه تبريد الموتور - أختبار دورة مياة التبريد بضغط المياه للتأكد من سلامتها - تغيير قاعدة موتور
    مع ملاحظة ان أتنين وصلة المياة للخراطيم الساخن الخارج من الموتور الأصلي الفيبر مكنش موجود و أنا قلتلهم المرة الجاية و أنا بأستلم العربية واحد فيهم ضرب و المية الخضراء نزلت كلها و هنا زاد اعجابي بصراحة بكل المهندسين هناك لأن فورا المهندس هاني قالي معلش أتفضل تاني في الأستراحة و فكو الوصلة الفيبر و بعتو واحد خرط أتنين معدن بدل الفيبر و ده اللي أخرني لأن العربية كانت خلصت الساعة 12.00 ظهرا و كمان حطو جركن مياة خضراء جديدة من عندهم بديل اللي وقعت بدون أضافة أي تكلفة أضافية علي الفاتورة
    النتيجة النهائية العربية أصبحت ممتازة في السحب و الأستجابة و صوت الموتور أصبح هاديء و العفشة بعد ما أتربطتت بقت حاجة تانية و أن كان لسة فيه خبط لعدم تغيير المقصات الأمامية و كمان التقرير بأحتياجات العربية فيه انها عاوزة بطاحات و بيض دريكسيون و أحتمال مساعدين و شوية حاجات كده
    و هنا أذكر أن المهندس هاني كان من أول النهار طلع تقرير بأحتياجات العربية و قعد يناقشني فيه و كان رأيه نبدأ بالموتور و مستلزماته و بعدين في أي وقت ندخل علي العفشة علي مرات لأنها ممكن تخبط شوية بس مفيش منها خوف حاليا و ده اللي عملته النهاردة
    في النهاية و بعد ما صدعت راسكم بالرغي ده كله أقول العربية النوبيرا معقولة من ناحية الحجم علي السعر في المستعمل بس يجب الكشف علي عفشتها كويس عشان طلباتها ممكن تكون كتير
    و بشكر المهندسين في مركز أبو غالي دايو لأنهم محترمين فوق الوصف و حسيت أن العربية بتاعتهم مش بتاعتي


  2. #2

    الصورة الرمزية mero100

    رقم العضوية : 84819

    تاريخ التسجيل : 03Jan2011

    المشاركات : 1,991

    النوع : ذكر

    الاقامة : Cairo , Nasr city

    السيارة: not yet

    السيارة[2]: chevrolet lanos 2011

    دراجة بخارية: no

    الحالة : mero100 غير متواجد حالياً

    افتراضي -

    انا اتعاملت معاهم في سياره والدي لانوس 2008 .... و كانوا منظمين و ممتازين .... و اتعاملت مع بشمهندس هاني الحلواني مره واحده و فعلا انسان علي خلق .
    بس السؤال .....بعد انتهاء شركه دايو من مصر .....بقه وضع مراكز ابو غالي ايه؟....اللي اقصده يعني بقت مراكز خدمه غير معتمدة.....و لا همه شغالين بنفس القواعد بتاعه دايوو ؟؟

    [mtohg=#ff0000]http://nileup.com/up/uploads/nilemotors_13797137751.jpg[/mtohg]
    مع تحيتي
    عمرو ابراهيم


  3. #3

    الصورة الرمزية Hossam_Zaky

    رقم العضوية : 6030

    تاريخ التسجيل : 19Feb2008

    المشاركات : 394

    النوع : ذكر

    الاقامة : مدينة نصر

    السيارة: دايو نوبيرا 2001

    السيارة[2]: نيسان صني 2009

    دراجة بخارية: لا

    الحالة : Hossam_Zaky غير متواجد حالياً

    افتراضي -

    و الله مقدرش أرد عليك في النقطة دي و لو رحت تاني حعرف و أرد عليك
    لكن انا عملت عندهم الصيانة و مطمئن لجودة العمل و ان قطع الغيار أصلية في ظل المضروب اللي مغرق السوق حاليا و كل واحد يقول ده الأصلي و تكون النتيجة أحيانا أنك تجيب المضروب بتمن الأصلي كمان بخلاف الميكانيكية اللي برضه مش مضمونين


  4. #4

    الصورة الرمزية hossam_emam83

    رقم العضوية : 120711

    تاريخ التسجيل : 19Feb2012

    المشاركات : 15

    النوع : ذكر

    الاقامة : cairo

    السيارة: nubera

    السيارة[2]: nubera

    الحالة : hossam_emam83 غير متواجد حالياً

    افتراضي -

    سؤال بس يا باشا هو فين المركز ده بالضبط ومواعيده من كام لكام ... وشغلين أيام ايه؟ ..... وبعدين هو لازم أحجز قبليها ولا عادى..... ولو لهم رقم تليفون يبقى كده فل قوى ...... وأسفين يا باشا للإزعاج
    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,, ,شكرااااااااااااااااااااا اااااااااااااااااا


  5. #5

    الصورة الرمزية mero100

    رقم العضوية : 84819

    تاريخ التسجيل : 03Jan2011

    المشاركات : 1,991

    النوع : ذكر

    الاقامة : Cairo , Nasr city

    السيارة: not yet

    السيارة[2]: chevrolet lanos 2011

    دراجة بخارية: no

    الحالة : mero100 غير متواجد حالياً

    افتراضي -

    حوصفلك العنوان تقريبيا ....بس حتوصل ......ادخل اي شارع امام مستشفي منشيه البكري العام اللي في شارع جسر السويس ...و امشي في الشارع اللي دخلت فيه للاخر .....و ادخل يمين حتلاقي المركز كبير ....او لما توصل اخر الشارع اللي دخلت فيه ....اسال فين مركز دايوو ....الف واحد حيدلك .

    [mtohg=#ff0000]http://nileup.com/up/uploads/nilemotors_13797137751.jpg[/mtohg]
    مع تحيتي
    عمرو ابراهيم


  6. #6

    الصورة الرمزية lanos2004

    رقم العضوية : 119672

    تاريخ التسجيل : 27Jan2012

    المشاركات : 6,807

    النوع : ذكر

    الاقامة : النزهه الجديدة

    السيارة: اتباعت

    السيارة[2]: lanos 1.5 16 v

    دراجة بخارية: لا يوجد

    الحالة : lanos2004 غير متواجد حالياً

    افتراضي -

    hasad">

    انا بشترى من عندهم قطع الغيار وبركبها برة



 

المواضيع المتشابهه

  1. تقرير عن صيانة ال5000 في مركز صيانة أسيوط
    بواسطة lion98 في المنتدى قسم خاص بالسيارة لـــوجـــــان
    مشاركات: 9
    آخر مشاركة: 11-08-2011, 11:54 PM
  2. تقرير صيانة 30000 - مركز الوهدان
    بواسطة ashahin2002 في المنتدى سكودا
    مشاركات: 24
    آخر مشاركة: 26-07-2011, 10:32 AM
  3. مشاركات: 6
    آخر مشاركة: 17-05-2011, 06:14 PM
  4. تقرير مبدئى عن صيانة ال5000كم فى مركز صيانة العامرية
    بواسطة princemady في المنتدى كـــــيا
    مشاركات: 7
    آخر مشاركة: 28-02-2009, 05:58 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2