يعني الامبريزا وحشه؟؟؟؟؟

**Land_Cruiser** · 18-04-2012 11:45 PM

السوبارو من احسن الماركات اليابانى بدون شك وانا من كام سنه فكرت فيها جديا لكن بصراحه صرفت نظر و ده لقله انتشارها و قله قطع غيارها و سعر البيع الضعيف اللى مرتبط بثقافه الشعب بتاعنا اللى هى مختلفه عن اى مكان تانى فى العالم

**mahmoudselim** · 19-04-2012 03:47 AM

دلوقتي السوبارو ابتدت تنتشر جامد وبشوفها في الشارع كتير. وكامثل من سنة مثلا لو شفت السوبارو المستعمل علي كونتاكت كارز ماكنش هيعدي 5 عربيات معروضين للبيع, دلوقتي هتلاقي 30 عربية معروضة. عامتا محلات قطع الغيار بتاعت سوبارو بقت كتير دلوقتي وقطع غيارها موجودة ومتوفرة من موديل 98 ل 2011

**thenders** · 19-04-2012 02:37 PM

مع احترامى ليك يا فندم قطع الغيار غير متوفرة بالمرة انا بقالى 3 ايام مش عارف اجيب الفانوس ولفيت مصر كلها دى حاجة وبعدين بالنسبة للأخ الى بيقول انى مش عيب التوكيل انو مش عندو قطع غيار عشان العربية مش منتشرة يبقى خلاص بقى يمنع نزول العربية اصلا مصر طالما مش هيقدر يوفرلها قطع غيار ياراجل دنا بقولك بلاش الفانوس تيل الفرامل مش موجود يعنى الى عندة عربية اتخبطت او حصلها حاجة يركنها او يسافر برة يجيب الى هو عوزة ليها ويرجع مفيش حل تانى على فكرة بالرغم من كلامى دة انا كنت فرحان جدا بعربيتى وفخور جدا بيها وهى فعلا عربية محترمة بس ارجع واقولك يلعن ابو ام الحاجة الى تزل صاحبها انا اسف عل اللفظ دة بس اعمل اية من غيظى

**S O P H O S** · 19-04-2012 05:41 PM

دي عربية مظلومة فمصر

**احمد فهمى** · 20-04-2012 03:12 AM

المشاركة الأصلية كتبت بواسطة thenders

بص نصيحة لله بلاش السوبارو عموما مش عيب فى العربية بس عيب فى بلادنا قطع الغيار مش موجودة اصلا مش مش متوفرة انا معايا امبريزا 2009 الفنوس اتخبط الأمامى ومش موجود فى مصر كلها روحت التوكيل قلت اجيبة بص المفاجا بقى الفانوس بكام 1970 دة غير الضريبة ومش دى المشكلة المشكلة أنة مش موجود قالولى أسئل علية فى أخر شهر 5 الى جى وانا خارج من التوكيل لقيت واحد بيقولى انا مش لاقى تيل الفرامل بجد دى حاجة مسخرة يعنى رضينا بالهم والهم مرضيش بينا المفروض الواحد بيجيب عربية غالية ومحترمة عشان تريحوة مش عربية تخلية يلف مصر كلها عشان قطعة غيار وكمان مش موجودة ومعلومة تانية العربية الصاج بتعها ضعيف جدا جدا جدا وعن تجارب ياراجل عربيتى لمست عربية شاهين مش خبطتها خبط بص بقى الى حصلى الكبوت اتعوج و السربنتينة بتاعت التكيف اتخرمت والراديتير اتخرم والفانوس اتكسر دة طبعا غير صاج العربية الى اتبهدل على شرط الشاهين محصلش فيها حاجة خالص

كلامك مؤسف بجد انا مستغرب \عربيه ممتازه وافضل من كل الكورى اللى فى مصر وحتى اليابانى وبسبب وكيلها سمعتها راحت

**thenders** · 01-05-2012 06:03 AM

معلومة جديدة وجميلة هحاول اجربها شكرا جدااااااا

**Mohamed.Ramah** · 02-05-2012 12:01 AM

اهم شىء التوكيل ولو مفيش دعم فى قطع الغيار يبقى انصحك بلاش علشان حتى لو موجودة عند شخص واحد فقط حيجتكرها وينزلها باسعار خرافية ومدام توكيل سوبارو مموت العربية ومش مهتم ولا بداعايا ليها او حتى ينزل الموديلات الحديثة فى مواعيدها بالاضافة لنقطتين مؤثرين فى قرار الشراء

The resale price لة دور كبير فى قرار الشراء

the high purchase price بين السنة والاخرى لة نفس التاثير

واحدة كل دة بينعكس على قرار الشراء ومفيش حاجة اسمها مشتريين كتير او قليل يبقى منزلش قطع غيار المفروض بعد كل الذكرتة يكون قلة الشراء النتيجة الطبيعية انها متبيعش بغض النظر عن السيارة ممتازة وانا اقر بذلك ولاكن هما متوقعين اية ! بالاضافة ان فى توكيلات كان عندها المشكلة وابتدت تحلها مثل شركتى Ford , AUDI

ومش مقياس عدد المبيعات وكمثال مع ان شركة Volkswagen معروفة ومنتشرة بشكل كبير منذ بداية مشكلات فى الفتيس ال dsg والغلبت الكثير لحلها تاثرت مبيعاتها و مبيعات SEAT فالموضوع لة نسبة كبيرة على التوكيل نفسة وهو البيحدد نجاح او فشل السيارة من خلال خطة تسويقية واسعار وعروض وخدمات ما بعد البيع ودة النقطة الاهم ازاى ميبقاش فى ادنى الخدمات وهى قطع الغيار والمستهلك المصرى يتجة ليهم !

**Ahmed Amin** · 05-07-2012 11:25 AM

المشاركة الأصلية كتبت بواسطة Mzeid

قطع الغيار مش عيب توكيل

لأن التوكيل مش هيجيب قطع غيار لعربية مبعتش كتير و يخزن القطع و كل فين و فين لما حد يروحلوا يعمل صيانة او يشتري قطعة غيار

المشكلة في الناس اللي بتحب تركب المعروف سواء حلو او وحش

ههههههههههههههههههههههههه ههه
معلش بس مقدرتش أمسك نفسي من الضحك. لو قطع الغيار مش عيب التوكيل تبقي عيب مين ؟
الراجل بيقولك مش عارف يجيب تيل للفراميل ولأمبريزا كمان.. يعني مش فورستر ولا ليجاسي.!

وأنتي تقول قطع الغيار مش عيب التوكيل,
أومال التوكيل وظيفته أيه والمفروض يعمل أيه ؟ يبيع جرير.
ولا أحنا نجيب القطع من السوف ولا من بره ونروح عشان يركبها