استهلاك البنزين مع الجير بوكس الأوتو

**MohammedAladel** · 02-03-2012 08:04 PM

عايز أعرف يا جماعة العربية الأوتوماتيك خصوصا فئة 1600 سى سى تستهلك بنزين أكتر ولا المانيوال فى نفس الفئة

**Abdm** · 02-03-2012 09:11 PM

هى نظرية معروفة ومؤكدة أن الأتوماتيك أستهلاكها فى البنزين أعلى بفارق حوالى 50 كيلو فى الصفيحة بالكتير قوى لصالح المانيوال يعنى مثلا الآتوماتيك تعمل 200 والمانيوال تعمل 250 فى الصفيحة

والله الموفق والمستعان

**yoko** · 02-03-2012 09:15 PM

الأوتو إستهلاكه أعلى لكن مش أي أوتو يعني الأوتو الجديد الي هو سيمي أوتو (مانيوال بدبرياج كهربى eazytronic mmt dual logic ) غستهلكهم زي المانيوال
أو ال ب 2 دبرياج زي dsg ddct والحاجات دي المفروض إستهلاكها أحسن من الأوتو

**yoko** · 03-03-2012 02:29 AM

المشاركة الأصلية كتبت بواسطة MohammedAladel

قصد حضرتك زى الستبترونيك مثلا اللى هو مانيوال وأتوماتيك فى نفس الوقت
بس المفروض ان المانيوال تستهلك أكتر بحكم ان انت اللى بتنقل الغيار وأكيد بحكم اننا بشر مش بننقل الغيار فى ميعاده المظبوط عشان كدا الاستهلاك المفروض يكون أعلى من الأوتو اللى هى منظمة إنها تنقل بعد عدد لفات معينة للموتور ؟؟؟؟؟؟؟؟؟

لأ مش الستيب الستيب زي الوتو بالظبط عشان فيه محول عزم وهو ده الي بيزود الاستهلاك لانه يعتبر حمل على الموتور
وهو eazytronic او mmt أو duallogic زي المانيوال لإن النقل عند كام rpm ده إسلوب سواقه يعني أنا حتى الdualliogic مع سواقتي مبينقلش قبل 4ونص 5