ربنا ستر عليا من انى اعمل حادثه كانت هتكون غريبة

**HASSAN SERRY** · 02-03-2012 10:18 PM

الحمد لله ربنا ستر عليا النهاردة من حادثة غريبة جدا , بصراحة موقف غريب مكنتش اتخيل ان ممكن يحصل من عربيتى خصوصا ان عندى ثقة رهيبة فيها و فراملها .

المهم
النهاردة كنت مسافر الشرقية اعزى واحد صحبى و انا فى الطريق بتاع الصالحية كان فيه كوبرى و الطريق مكنش كويس قوى و كان فيه شوية ميه المهم و انا بطلع الكوبرى ده و ماشى على 40 او 50 حاجة كده فجاة لقيت مطب فدوست فرامل و مش جامد قوى و بحدف يمين شوية عشان اتفادا الحتة اللى فى الكوبرى اللى فيها المطب الاقى الفرامل بتخبط تحت رجلى و ألاقى نفسى بعرض على الكوبرى و العربية بتزحف معايا على السور بتاع الكوبرى رحت احاول الم العربية الناحية التانية و عرضت تانى معايا شمال بس الحمد لله بعدت عن السور , طبعا حمدة ربنا إن العربية مكملتش فى السور و ان الكوبرى كان فاضى .

بس فعلا السواقة ملهاش كبير و بجد الناس اللى عندها ثقة قوى فى عربيتها زى كده ياخدوا بالهم بذات بتكسف الواحد فى أوقات

و معلش يا جماعة الموضوع مفيهوش اى حاجة اكتر من انه موقف حصلى و حبيت احكيه

**HASSAN SERRY** · 02-03-2012 10:20 PM

بس اللى دايقنى فى الأخر ان برده بعد الحوار اللى حصل ده كله لبست المطب

**mohamed_selim** · 02-03-2012 10:33 PM

الحمد لله انها جت على قد كده ... مفيش كبير للسواقه زى ما بتقول و دايما فى failure point لأى نظام ميكانيكى ....

**tifa55555** · 02-03-2012 10:34 PM

الحمد لله انها جت على اد كده
فعلا مالهاش كبير
احنا ماشيين بستر ربنا
الطرق بقت صعبه اوى
ربنا يلطف بينا جميعا

**wama00** · 02-03-2012 11:32 PM

الحمد لله, حمد الله على سلامتك يا باشا بس ابقى خلى بالك بالذات فى الطرق هنا فى مصر وربنا يسترها علينا وعلى كل الناس يارب

**TheUnknown** · 02-03-2012 11:38 PM

الحمد لله على السلامة يا حسن.مش كنت لبست المطب احسن:)

**TheUnknown** · 03-03-2012 04:46 PM

المشاركة الأصلية كتبت بواسطة hassan serry

هههههه انا قلت كده برضه بعديها

بس بجد انا الجنط ال 17 بيجنينى بجد بحاول احافظ على الكاوتش بأى طريقة لدرجة انى ممكن اخبط العربية بس ملبسش نقرة .

نصيحة يا جماعة لو حد ماشى فى طريق مش كويس و لمح أسترا رصاصى بجنوط 17 يبعد عنها :0002014a:
اللهم بلغت اللهم فاشهد

حاسس بيك,ده فى السيراتو لو الطريق مكسر بكون عايز اشيلها عشان البلالين

**Formulator** · 03-03-2012 07:08 PM

@ HASSAN SERRY

الحمد لله على سلامتك ياباشا, بس لى سؤالين بعد اذنك
- أولا مش الأسترا H والفكترا C, المفروض بينزلوا بـABS+EBD ؟؟!!!
لأن الـEBD هو اللى بيوزع قوة الفرملة على العجل حسب الـTraction وزاوية الدركسيون,
عشان يمنع ان العربية تلف حوالين نفسها (أو تعرض زى ما حصل معاك)..!!

- تانى حاجة, شيك على Calipers الفرامل, والـPinــات بتاع التيل (بالذات ورا).. ممكن يكون التيل Sticking (محمل أو كاليبر معلق),
ده بيخلى العربية تحدف جااااااااامد مع الفرامل..؟!!
أهم حاجة بقى:
الكاوتش اللى انت مركبه نوعه أيه.. و All-Season Tyre, ولا Winter..؟؟؟!!
عشان فيه كاوتش بتاع Wet-Braking.. حسب النقشة أو الـTread, وفيه كاوتش لا يوصى باستخدامه فى الشتاء/المطر.. وكده يعنى.

لأن بصراحة أنا شاكك ان اللى حصل معاك ده Aquaplanning/Hydro-planning..؟؟!!!
يعنى نقشة الكاوتش (لو مش بتاع Wet-brake), مش بتصرف المياه خارج المداس بتاع الكاوتش.. فـ العربية بتعوم على الطريق مع الفرامل (وممكن مع المشى)..

عارف أن مالهاش كبير, والثقة فـ عربيتك لااااااااازم يبقى ليها Limit..
بس برضه مش طبيعى أبدا ان عربية أوبل, فراملها ABS+EBD تتزحلق وتعرض مع فرملة خفيفة (مش Hard-Braking كمان).. فـ ميه أو طينة؟؟؟!!!!!!

-

-

الموضوع: ربنا ستر عليا من انى اعمل حادثه كانت هتكون غريبة

LinkBack

أدوات الموضوع

عرض

العرض المتطور

ربنا ستر عليا من انى اعمل حادثه كانت هتكون غريبة - انشر الموضوع فى :

-

-

-

-

المواضيع المتشابهه

ربنا يحفظكوا انا عملت حادثه ومش عرف اترف ازاي ومش عايز يضحك عليا

العربية كانت هاتتسرق لكن ربنا ستر

الحمد لله اول حادثه ليا بالعربيه بس ربنا سترها

عربيتي كانت هاتتسرق لكن ربنا ستر

حادثه بس ربنا ستر

الكلمات الدلالية لهذا الموضوع

المفضلات

المفضلات

ضوابط المشاركة