الموضوع: تقرير مصور عن المقابلة الاولى لاسود هيونداى ( المقابلة الحلم )

تقرير اكثر من رائع
واضح ان اختيار مدام سما لمنسقين الاقسام يتميز بالرقي
كريم واضح انك اكتيف ومع التخطيط الراقي لمهندس سمير ان شاء الله قسم هيونداي في تقدم
احب اشكر كل الحضور
وعلى راسهم تورتة مهندس سمير اللي علقت مع عبد الرحمن ابني وقعد يغيظ بيها اخته :-) اللي كانت بتحضر المقابلات قبل ما يشرف للدنيا بس ده حال الدنيا
استاذ هشام رمضان مش قادر اوفيك حقك 10 افراد مستينن اشارة حقيقي كتير غير وجودك انت شخصيا كان مشرفنا
وانت معلق مع بيدو انكل اللي حطلي الكاتشب على المكرونة (اصل الكاتشب من المحرمات في البيت ) ولو كنت جبتله بيبسي كان انتخبك رئيس الكلاس بتاعه في كجي تو وبيوعدك يفكر في الموضوع بتاعك :-) اصل خطابة كتير :-)
مهندس احمد مشعل كالعادة منورنا ومغرقنا هديا وخصومات(والاتنين المنسقين اللي خدو فرش هدية احب اعرفهم لو كل واحد فيهم مابعتليش نص كرسي مش هايحصل كويس :)
هاها ربنا يباركلكم فيه مقدما
م.سامر ايوب خصم 10 % على الزيت كتير وحقيقي متشكرين ويا ريت ممثل ليك في مقابلاتنا وماتخافش مش هانقول عايزين خصومات انت تجيب الزيت معاك هدية هاها
ينفع احط علامة هيونداي واغير زيت قريب بالخصم ؟؟ :-)
م.محمد يسري خصم كبير فعلا وعايزينك تنور بقية المقابلات اديك عرفت السكة

م.اشرف ازاي الازاز يتكسر وماتجيش تاخد استيكر بدالة فورا
مستنيك وانت عارف مواعيدي من 9 الى 5 وعارف مكان الشركة مانت جيتلي قبل كدة
خالد يا طلعت ابعد عني في اي لونين اخضر واحمر ممكن اديلك اي حاجة الا اللونين دول :-)
دونزي عبد الرحمن كان معجب قوي بطنط اللي بتاكله وبتحطلة صوص كتير :-)
على كدة ممكن يعزمك على حسابة في كل المقابلات ومبسوط انك كنتي بتقطعيلة المكرونة الاسباجيتي :-)
اصل ليه صورتين وهو بيشفطها شكلة عار وانتي لحقتي بالتقطيع اصل ابوة مش فاضيلة :-)
احمد مصطفي منور المقابلة انت وسحس
مدام سما وزوجها الفاضل استاذ جمال وشنوري بجد شكرا جزيلا على المشوار من اسكندرية للقاهرة وتترد ليكم في عيد ميلاد المنتدى ان شاء الله
تحياتي ونلقاكم في المقابلة الجاية في شهر ابريل باذن الرحمن

كريم منير