الموضوع: حادثة بسيارتى اللوجان ... بعد 2600 كم

المشاركة الأصلية كتبت بواسطة wassim_nasser

أولا حمدلله علي سلامتك وماتزعلش نفسك ده نصيب و قدر الله وما شاء فعل .

ثانيا نصيحة اخوية بلاش تروح للتوكيل وانت مش مأمن .. اختار سمكري شاطر وروحله و شوف ايه طلباته .. وان كان فيه حاجه تتغير رفرف أو اكصدام اشتريها من التوكيل أو من بره و خلي السمكري يركبها .. لاحظ ان قطع الغيار ف التوكيل سعرها معقول لكن اللي بيغلي الحكاية مصنعية التركيب .. و إن شاء الله كل اللي انت بتحكي فيه مش هايزيد عن 3 تلاف جنيه بأجرة السمكري والبقشيش

ربنا يخليك والله .. و الحمد لله على كل حال دايما يا رب وجزاكم الله كل خير على الإهتمام و النصائح الغاليه دى

المشاركة الأصلية كتبت بواسطة ringoo

قدر الله وماشاء فعل ........ والف حمدا لله على السلامة

اكييد الحمد لله على كل شيئ والله انا متأكد ان كله خير

المشاركة الأصلية كتبت بواسطة georgedada82

معلوماتي ان في ورشتين لزملاءالمنتدي ... وهي ورشة العقيد خالد ... وورشة الاستاذ كريم منير رئيس المنتدي اعتقد الناس مش هتتاخر علي حضرتك وهيساعدوك حتي في الحاجات الميكانيكية والحاجات التانية بخلاف الصاج ممكن تتعمل فين لما لهم من خبرة ... والف سلامة علي حضرتك

كتر الف خيرك و شكرا جزيلا على المساعدة :) ربنا يبارك فى حضرتك

المشاركة الأصلية كتبت بواسطة abo_farah

الف سلامه على حضرتك

الله يسلم حضرتك وجزاكم الله كل خير :)

المشاركة الأصلية كتبت بواسطة enga7med

أولا :الف حمد الله على سلامتك ربنا يكفيك شر الغربية ويعطيك خيرها وفداك اى حاجة ياباشا والحمد لله على كل شئ
ثانيا:انا كنت عملت حادثة واتصلت بالعقيد خالد ورحتله الحرفيين واشتريت قطع الغيار من عند عمران بالحرفيين ولو الكارتيرات واى حاجة فايبر متكسرة جمعها وخدها معاك علشان فى جنبه واحد بتاع فيبر بيلحم الفيبر المكسور وبعد ما خلصت السمكرة عندة رشيت عند كريم منير والحمد لله 100 100 .

جزاكم الله كل خير طيب كنت عايز اسأل حضرتك بعد م الحمد لله العربية رجعت زى الأول حضرتك عملت ايه مع التوكيل هل خرجت برة الضمان ولا فضلت فى الضمان ... و بالنسبة للدهان بيطلع فعلا نفس اللون و الخامة والمتانة و التكلفة كانت اد ايه
انا آسف طولت فى الأسئلة ... ربنا يجازى حضرتك كل خير يا رب

ياباشا الحاجات دي بتحصل

انا كمان حصلت معايا حاجه كده

طبعا اضايقت وزعلت بس خير المهم انك كويس

فيه ناس ممكن تفقد حياتها مش مجرد شوية صاج

قول الحمد لله

وانا نصيحتي بلاش تصلحها تماما

يعني صلح الجزء الاساسي اللي المطلوب

وسيب شوية حاجات كده منظر علشان العين

كام شهر كده وظبطها

زي ما الناس قالت العقيد خالد و م كريم منير الاتنين زي الفل

متقلقش

وبلاش التوكيل

علشان هو بيستسهل يغير اي حاجه حتي لو ممكن تتصلح

وربنا يطمنك

وحمد لله علي سلامتك



بس ازاي الراجل يكون غلطان ويبقي كل واحد يصلح عربيته ؟

علشان هو بيقول انه ادى إشارة و انا بقول لا كان ماشى بسرعة و ماداش إشارة و الناس إللى كانو موجودين وكلهم غلطوه كلهم مشيو ومبأش فى غير انا و هو .. حسبى الله ونعم الوكيل

الف مليون سلامه لك اولا واخرا

انا حصلي نفس الحادثه بعد 100 كيلو بس بعد 3 ايام من شراء العربيه وسبحان الله كنت راكب 131 3 سنين عمري ما عملت بيها حادثه لكن الحمد لله

اشتريت فانوس من ش صلاح الدين في اسكندريه وسمكرت الرفرف ورشيته دوكو ورجعو زي الاول يعني اللي مايعرفش اني عملت حادثه ميعرفش يفرق بين المرشوش والسليم والاكصدام لحمت الحته المكسوره فيه ب 30 جنيه بس سيبتها متخربشه علشان تاخد العين

وربنا يجعلها اخر الاحزان عندك
بس بيني وبينك انا بعد الحادثه بقيت بخاف في السواقه ومعدش قلبي جامد زي ايام الفيات