الموضوع: احكيلنا قصه حياتك مع العربيات ركبت كام عربيه

المشاركة الأصلية كتبت بواسطة Zika9909

ما شاء الله يا Horas3000

كمل القصة كمل
و لا مستني 5 تانيين يقولوا ذيع ؟

هههه يا باشا خلاص مفيش باقي يذكر
و عموما هقوله برضه بس بعد زحمه الشغل

المشاركة الأصلية كتبت بواسطة sherif_m72

ايدك ابوسها يا حاج Horas3000

العفو يا باشا علي ايه بس

المشاركة الأصلية كتبت بواسطة MASERATI

السلام عليكم و رحمة الله و بركاته

بص يا باشا, هو مبدئيا, أنت كان معاك الCayenne و لا الCayenne S و لا الCayenne S turbo ???

أنا كنت بفكر أما ربنا يكرمنى كده و المسائل تبدأ تتيسر معايا, أنى أجيب الCayenne مو 2006 و لا حاجة لأنها مش غالية, ممكن تجيبها و تقف عليك ب 20000 دولار, دى موتورها 3200 CC و تعتبر الBasic بتاع الPorsche Cayenne, بس للأسف لما دخلت على الموقع ده :

http://www.edmunds.com/porsche/cayenne/2006/consumer-reviews.html?sub=suv

لقيت أن فيه كتير واجهته مشاكل فى العربية و أن أعطالها كتير و كده و أنت لو قريت الReviews اللى مكتوبة هنا, هتلاقى المشاكل اللى الناس اتكلمت عليها, أنت بأه رأيك ايه فى العربية من ناحية كل شئ, يعنى قطع غيارها معمرة و لا لأ, هى أكيد قطع غيارها مش هتبقى برخص الكامرى مثلا, لأنها بورش برضه, لكن هل فعلا أعطالها كتير و الموتور ال3200 ده ضعيف عالعربية, يعنى من الآخر أنا عاوز أعرف العربية دى كانت معاك كويسة فى ايه و تعبتك فى ايه و ايه مشاكلها معاك و كل حاجة.

شكرا و جزاك الله كل خير.

و عليكم السلام يا زعيم
انا يا باشا كان معايا ال Cayenne S ال 2009 يعني الفيس لفت و بالمحرك المعدل ال 4800 سي سي بقوه 385 حصان
ال V6 طبعا زي ما انت قلت هي ال Entry Level و ال 2006 كانت 3200 فعلا بس بعد كده زودوه ل 3600 بقوه 290 حصان و ده كان كويس
انا مسقتهاش بس مجرب الطوارق ال V6 و دي زي ما قلت بنت عم الكايين و كل حاجه فيهم متشابها و الاداء بتاعها مكانش وحش علي الاطلاق فمعتقدش الكايين ال V6 هتفرق قوي لان الفرق ما بينهم 10 حصان لصالح الكايين و خد بالك ان الموقع اللي انت جايبه امريكي يعني الكل متعود علي ال V8 و حتي ال V6 الياباني و اللي اغلبه عربيات اوزانها اخف بكتير من الكايين فاكيد هيحسوا بفرق
لكن انا شخصيا ال V8 كان مكفيني و زياده
و انا قريت الريفيوهات اللي في الموقع و مش شايف العيوب كتير و لو قارنتها بالمميزات فهي بسيطه
و بس الكايين و البورش عموما محتاج عنايه شويه و مينفعش تتعامل معاها زي العربيات العاديه
و قطع غيارها مش رخيصه فلازم تبقي عارف انت مقبل علي ايه و في نفس الوقت عمرها معتمد علي اسلوبك في السواقه
انا شخصيا في ال3 سنين استخدام مغيرتش غير التيل و الطنابير مره واحده بس و تقدر تقول انهم كانو سوء استخدام لاني طبعا مقضيها طيران و كنت بعمل الحركه الغبيه اني اجيب ميه علي الطنابير و هي سخنه و طبعا ده اثر عليها و كانت بتعمل رجه و لما رحت التوكيل رفضوا يخرطوها و قلولي ده يطلعك بره الضمان فاضطريت اغيرهم
غير كده كان في سينسور المسئول عن نظام التعليق الهيدروليكي و ده باظ لوحده و للاسف كنت خرجت بره الضمان فغيرتع علي حسابي
اه و كان في قطعه الكترونيه متعلقه بدواسه البنزين و ده اتغيرت علي حساب التوكيل لان كان فيها عيب صناعه تقريبا و ده كان لكل الكايين و هما اللي قالولي و انا مكنتش حاسس باي حاجه
غير كده العربيه زي الفل و لم تواجهني اي مشاكل
و ده كله يهون في مقابل المتعه اللي بتلاقيها و انت سايق العربيه ده