انا سقت حاجات كتير جدا جدا وهحاول افتكر شوية منهم
أول عربية سقتها واتعلمت عليها كانت اوبيل اوميجا موديل 87
العربية دي زعلت قوي لما رميناها في حراج السيارات (في السعودية) ببلاش عشان خرب فيها كومبيوتر البنزين ومكنش موجودد ووالله قبل ما يخرب كانت بتجيب 180 مرتاح وموتورها كان نضيف
بعدها
جيمس سب ايربان موديل 69
عربية بنت *&^^%^&* وكانت 3 غيار وحاجه هيركيوليز
بس ميزتها لو دخلت بيها في حيطة مش هيحصلها حاجه وكان فيها كاسيت قدييييييييييييييم من اللي شرايطه كبيره قوي
ههههههههههههههههههههههه
بعدها مرسيدس الحج ودي انا وهيا كنا صحاب قوي قوي
مرسيدس 300 موديل 86 مانيواااال
العربية دي من احلى وافخم العربيات اللي سقتها
بعد المرسيدس تويوتا كامري موديل 98
عربية اكثر من محترمة وابداع تويوتا لا ينتهي فيها
ودي طبعا ياما قفلنا عدادها 220 واحنا على طرق السفر في السعودية
اثناء الانتقال للكامري كنا بناجر عربيات مختلفه
ميتسوبيشي جالانت
شيفروليه كافاليير العربية دي حبيتها جدا جدا ,,, عربية صغيرة حجما ومكنتها 2200 سي سي فكانت طياره بمعنى الكلمة
هوندا سيفيك معجبتنيش الحقيقه وكانت عربية ناشفه بشكل غبي للاسف
هوندا اكورد موديل 98 والحقيقه تركبها تحس بفخامة عن الكامري بس قطع غيارها كانت نار ياحبيبي نار
بعدين ركنا فورد اكسبلورر 2003 وده موجود لحد دلوقتي ومبهدلينه معانا ولازال صامد
لما غلي البنزين في السعودية اظطرينا نركنه وجبنا عربيتين صغار مش في نفس الوقت
كيا ريو ستيشن 2001 وبحب العربية دي لانها اعتمادية جدا
هونداي اكسينت 2005 ودي الحج جابها بعد المرسيدس اما فتحت بقها عالبحري ووالدي زهق منها
كل الكلام ده كان في السعودية
في الاردن سقت سكودا فيليشيا 98 والحقيقه عربية تعبانة جدا وعمرها خلص في اقل من 5 سنين واخويا باعها وكان لسا بيسدد اقساطها وكانت غيرت موتور!!!
جبنا غيرها هناك سيراتو 2006
حبيت العربية دي جدا بس كانت مشكلتي معاها في الثبات كان وحش جدا
وللاسف واحد خبطها وهي واقفة عدمها والحمد لله محدش كان فيها
حاليا في مصر جبتلي حاجه على قد فلوسي وراضي بيها الماروتي
تحياتي
المفضلات