الموضوع: موتور الاوكتافيا ‏a4‏ يسقط في الفيفوريت

ربنا يوفقك وييسر لك أمرك، اهم شئ برضه طبيعة الفني اللي هيعمللك المشروع ده... أنصحك بالتوجه لفني سكودا شاطر أو ميكانيكي تكون عارف إنه حريف وأمين وخبير. عشان سيادتك هتد\فع فلوس ومصنعيات وتعملله زيارة واحدة وشكرا على كدة متروحلوش كل يومين.
بالنسبة لسير الدينامو 20-25ج
سير كاتينة ألماني محترم 150ج (إن احتجت)
فلتر زيت 15ج
فلتر هواء 20ج
فلتر بنزين 5ج
قواعد الموتور والفيتيس مش عارف بس مش هتعدي 100ج
كاوتشات الكوبلن 10ج
شحم 20ج
زيت موتور 120ج (باستخدم ليكوي مولي 20w50) بيقعد معاك 5000كم
بوجيهات 60-85ج حسب النوع
زيت باكم 20-30ج (اشتري العلبة الصفيح مش البلاستك)
طقم دبرياج ألماني ساكس 500-550ج أصلي كامل
استغل الفرصة وخد الرداتير وسلكه واغسله وشوف أي تسريب وظبطه وراجع على القربة والغطاء والوصلات.
ممكن تحتاج حاجات بسيطة تانية مثلا زي خرطوم مياه ردياتير، سلكة، فبرة، كاوتشة... إلخ يعني حاجات بسيطة
وبالنسبة للأماكن بالنسبالي باشتري من 3 محلات سيد صلاح في وسط البلد والحسن في الدقي- بين السرايات والمهدي في م.نصر، وسمعت عن راضي في التوفيقية- وسط البلد.
استخير وتوكل على الله، وبالتوفيق

ألف شكر يا باشا أنا ان شاء الله هخلى الكلام ده علي الصيف بإذن الله بس برضه زي ما حضرتك تعبت نفسك معايا أنا برضه هرد جزء صغير من تعبك معايا هادلك علي محل عندنا في العاشر من رمضان كلمه ممكن تلاقي عنده الكونسلة بتاعت الفلشيا (اللي سألت عليها أحد الأعضاء في موضوع هنا ) أنا سألت عنده علي بتاعت الفيفوريت جديدة ب ٣٢٠ مش عارف الفلشيا ظروفها ايه بس كلمه و ان شاء الله تلاقيها عنده دي نمرته اهي اسمه بلال 001116354175 المحل اسمه (مهني اسكودا ) كلمه واسأله عن أسعار الحاجات دي و قولي تقرير عن أسعاره حلوة ولا حراق ورايك في ايه وبالتوفيق يا ريس

السلام عليكم
أنا تحت أمر حضرتك والسادة الزملاء الأفاضل، وفعلا زملاء كتير ما شاء الله عليهم مش بيبخلوا بأي معلومة أو أي مجهود، ربنا يبارك في الجميع.
ألف شكر على رقم تليفون محل العاشر وبإذن الله هتصل بيه، وأقول لحضرتك.
بس أنصح حضرتك إنك تعمل الموضوع ده قبل الصيف لكذا سبب منها، الحر هيكون شديد وده تعب وارهاق واحتمال سفر لو هتجيب الموور من بورسعيد أو المنصورة، ومشاوير ووقفة في الورشة، الصيف والأجازات والزحام أكتر، تجربة الموتور في الجو المعتدل أو البارد أفضل، بعض التجار بترفع الأسعار شوية في الصيف وعارفين إنه موسم بيع وشراء وشد العربيات والأجازات. لو حضرتك مش مرتبط بدراسة حاول تعمل كدة اليومين دول أو أيام الامتحانات. وبالتوفيق وتحت أمرك في أي وقت.

المشاركة الأصلية كتبت بواسطة mezo73

لما ما كنتش الفرامل عجباني وحاسس انها ضعيفة كان لية صديق عندة عربية اختها وكانت جديدة وجربت فراملها لقيتها هي هياها وكنت فاكر ان دة عيب عندي وروحت للميكانيكي وقولتلوا علي الموضوع دة فقالي ان علي الماستر العمومي راكب كراسي عالية شوية خارج منها مواسير الفرامل الخلفية فقالي ان جواها حاجة اسمها بلوف علشان تقلل الضغط الزيت للفرامل الخلفية وقالي هانلغيها وجرب ولوا ماحسيتش بفرق نرجعها تاني وعملنا الموضوع دة والفرامل بقت محترمة جدا الموضوع بسيط جدا مع الاخذ في الاعتبار تغيير زيت الفرامل بالكامل وانا كنت عامل موضوع عنة هنا في قسم اسكودا وذاكر الفائدة منة
وبالتوفيق

هو الكلام ده عموما ولا للسكودا بس ؟
عشان انا معاي سيفيك 2010 و حاسس زي ما تكون فرامل ورا اضعف من قدام

المشاركة الأصلية كتبت بواسطة benmatar

السلام عليكم
أنا تحت أمر حضرتك والسادة الزملاء الأفاضل، وفعلا زملاء كتير ما شاء الله عليهم مش بيبخلوا بأي معلومة أو أي مجهود، ربنا يبارك في الجميع.
ألف شكر على رقم تليفون محل العاشر وبإذن الله هتصل بيه، وأقول لحضرتك.
بس أنصح حضرتك إنك تعمل الموضوع ده قبل الصيف لكذا سبب منها، الحر هيكون شديد وده تعب وارهاق واحتمال سفر لو هتجيب الموور من بورسعيد أو المنصورة، ومشاوير ووقفة في الورشة، الصيف والأجازات والزحام أكتر، تجربة الموتور في الجو المعتدل أو البارد أفضل، بعض التجار بترفع الأسعار شوية في الصيف وعارفين إنه موسم بيع وشراء وشد العربيات والأجازات. لو حضرتك مش مرتبط بدراسة حاول تعمل كدة اليومين دول أو أيام الامتحانات. وبالتوفيق وتحت أمرك في أي وقت.

العفو يا باشا ده المطلوب من أي حد في المنتدي بس أنا قولت في الصيف علشان يكون في فائض في الميزانية .بس خليها بقي في آخر الصيف بعد رمضان علي شهر ٩كده عما يكون الجو طري كده بس بالمناسبة (أنا عارف انتا زهقت مني بس أنا عايز أعمل تجديد شامل للعربية ) هو الموتور ده ليه وحدة كنترول . حاجة كمان بقي طابلو الفلشيا بفرش الأبواب يعملوا كام هم أصلا يركبوا عندي .لوحة الفيوزات بالضفيرة (أنا سألت هنا كذا مرة عليها) ما تعرفش تعمل كام واما تكلم محل العاشر يا سيدي أبقي قولي عملت ايه واسف للاطالة