الموضوع: فكرت تتخلى عن الجنسيه المصريه و تاخد جنسيه أجنبيه أيا كانت ؟

مين قالك ان نسبة الامية 0 اقنعني هل تعرف مثلا مصاريف الدراسة الجامعية في اوروبا اد ايه ؟؟ لدرجة ان اخر احصائية كشفت ان فيه شباب بيمشوا في سكك غلط عشان يقدروا يجيبوا مصاريف الدراسة هل تعرف المعلومة ديه ؟ ابقي ابحث و دور عليها عشان متقولش اني بقول كلام من عندي
ابسط مثل لو عايز تدرس حقوق او هندسة لازم تكون شخص غني عشان تقدر تجيب المصاريف و اللي بتوصل لالافات الدولارات

بالنسبة موضوع اسير و مسجون حضرتك قولت اسير و مسجون يعني واحد اتاخد اسير في حرب و واحد مسجون في بلوة عملها سواء تهريب او غيره يعني من الاخر واحد سوابق
لما يكون لينا اسري و ميحصلش حاجة ساعتها تتكلم و لا ان غلطان ؟؟

موضوع هولندا فعلا ضحكت يا ريت يبقوا يشوفوا حقوق الانسان الاول انما اللي حصل ده ناس فاضية فعلا بيعملوا من حاجة صغيرة فيلم و بمناسبة فيلم عسل اسود فكرتني بالمشهد بتاع ازاي العلم بيرفرف فوق القمر مش القمر مفيهوش هوا ؟؟ هو ده اللي بيحصل فعلا بس اللي يترجم الكلام و يفهمه

و ضحكتني بخصوص الجرائم حضرتك حسستني ان برة نسبة الجرائم صفر برده هقولك تابع احصائيات الجرائم برة و انت تشوف النسبة كبيرة اد ايه و اننا في هنا بالنسبة لهم و لدرجة انك متقدرش تمشي بليل لوحدك ع عكس هنا بننزل الفجر لو عايزين ( هتقولي اللي بيحصل دلوقتي هقولك ده عادي لأن ديه فترة بتمر بيها اي دولة بيحصل فيها ثورة و مساجين هربوا او اللي مستخبيين في جحورهم طلعوا لكن ده كله ان شاء الله هيتظبط )

يعني حضرتك اخترت نقط مينفعش تقارن بيها بالدول الاخري لأن المقارنة هتكون في صالحنا احنا

مش هقولك اننا برده عايشين تمام التمام طبعا بنعاني من حاجات كتيير محتاجينها هنا بس الحل ايه ؟؟ اننا نطلع برة و نتخلي عن الجنسية لو كل واحد فكر كده يبقي مفيش حاجة هتم لو كل واحد فكر في النهوض هتفرق

ابسط مثل الشخص اللي بيشتغل في مكان لو اشتغل بدون ضمير الشغل سمعته مش هتبقي تمام و الناس مش هتيجي و بالتالي المكان هيخسر مما يترتب عليه ان صاحب الشغل يقل المصاريف و او يقل مرتبك او يمشيك كمان يبقي الموظف اللي عمله هو عاد عليه بالسئ
انما واحد بيشتغل يضمير و يقدم افكار الشغل هيبقي اكتر و الناس هتيجي اكتر و بالتالي صاحب الشغل هيظبط الموظف يبقي عاد عليه بشئ كويس لأنه اشتغل بضمير
ده اللي بيحصل برة كل واحد بيشتغل صح
فالمشكلة في الناس محتاجين توعية و نظام و رقابة شديدة كلها تظبيطات بسيطة بس تتنفذ و انتوا هتشوفوا الحال هيبقي عامل ازاي




بالمناسبة فيه مسيرة في امريكا دلوقتي بمسافة 50 كم تقريبا بتندد بالبطالة هناك و ان مفيش شغل و ناس كتيير عارفين يعيشوا
عايز حد يرد عليا في النقطة ديه :)

اول حاجة النسبه دى احصائيات رسمية موجوده فى وكيبيديا مش فتى زى اللى بيتقال فى مصر
ولو فيه شباب بيمشوا فسكك غلط فدى معتقدات وكل واحد حر فيها بس فى فرق كبير بين حد بيمشى فسكه غلط عشان يبقى يدرس ويتعلم وفرق بين واحد بيمشى فسكة غلط عشان يتعاطى مخدرات ويسرق الناس ويموتهم ويغتصب اهاليهم عشان ياخد فلوس يتعاطى بيها
وبالنسبه للاسير والمسجون هما بالنسبالهم انه يتاخد يتسجن فى بلده ويعامل معامله ادميه بدل مايتسجن بره بلده ويتعذب ويتهان انما عندنا مفيش كده..كلب وراح
وفيه كتير مسجونين ومأسورين من حروب وغيره وده معروف جدا
ومالها حقوق الانسان بره؟؟هو حضرتك عايز تحطنا فمقارنه معاهم من حيث احترامهم للبنى ادم؟؟حتى لو فبلدهم بس؟؟
وانت بتصدق هذى الكلام بتاع العلم بيرفرف؟؟انت شفت تقارير امريكيه بتقول انهم قالوا ان العلم كان بيرفرف باللفظ؟؟ولا ده فتى انتشر فمصر عشان نبان اننا احسن منهم؟؟
وحضرتك الجرائم عندنا تكاد تكون مساويه لامريكا مع الفرق طبعا فنسبه سكانهم اتى تساوى الضعف عندنا..كما انها لا تتميز بالغل زى عندنا والشر والقسوة الموجوده
عكسك تماما ان النقط اللى قلتها كانت بحياديه تماما وليست دفاع عن مصر لانى مصرى ودى كلها فصالح كلامى ويكفى تقدمهم وده دليل على ان اى سلبيات مش مؤثره عليهم ويكفى تشوف اليابان كمثال حى من ساعة التسرب النووى من شهور وحالهم دلوقتى
وبتقول ان الناس محتاجين توعيه وتظبيط وكله يبقى تمام؟؟انت تقدر تتحكم فنفسك انما غيرك لا اكيد

بالمناسبة فيه مسيرة في امريكا دلوقتي بمسافة 50 كم تقريبا بتندد بالبطالة هناك و ان مفيش شغل و ناس كتيير عارفين يعيشوا
عايز حد يرد عليا في النقطة ديه :)

هرد على حضرتك واقولك ان دى نقطة فى صالحهم جدا لان الخريجين عندهم بياخدوا اهانه بطاله ودى تعيشه عيشه ضعيفة بس على الاقل بيعيش بيها لا وايه بالعكس مش عايز يعتمد على معونه الحكومة دى وعايز يشتغل ويفيد نفسه وبلده وبيعمل مظاهره لكده عشان عايز يحسن ويطور من نفسه؟؟يبقى دول يتسموا ايه؟؟
ولا تلاقى الناس هنا لو خدت نفس الاعانه دى هتلاقى اللى نام واللى نزل يشحت مع ان فيه صحة واللى تاجر فى المخدرات بفلوس الاعانه عشان يغنى بسرعة او و يجيب مفكات وادوات سرقة العربيات!!!
وعلى الاقل مظاهره فئويه مفيده للبلد ولو حد معدى ملوش فى المظاهره هيتعاطف معاهم انما هنا تلاقى مظاهره للبنوك وواحد يطلع يقولك انا باخد 7 الاف ومديرى بياخد 15 الف ومبيشتغلش زيي وبعمل مظاهره عشان يا اما مرتبى يوصله ياما هو ينزلى ويكون زيي وفى ناس بتموت عشان 200 جنيه فى الشهر..ياترى ده يتسمى ايه!!!