الموضوع: سؤال عن كيفيه تنظيف ثلاجه التكييف ( المبخر )

المشاركة الأصلية كتبت بواسطة tamer_merit

محدش عنده فكره ازاي انضف ثلاجه التكييف ؟؟؟
هيه موجوده ورا درج التابلوه والمفروض - لو انا فاهم صح - فلتر التكييف يمنع وصول الاتربه والغبار ليها ولداخل السياره

المشاركة الأصلية كتبت بواسطة walidadel

التلاجه دي هيا مش ثلاجه بالمعني المفهوم هيا عباره عن مروحه اللي هيا بتشتغل بزرار السرعات و هيا اللي بتدفع الهو في الهوايات اللي في التابلوه بها موتور و كارتة الكترونيا علشان تديلك السرعات (1 - 2 - 3 - 4 )

المشاركة الأصلية كتبت بواسطة hema_lancer

مين قال لسعادتك ان التلاجة هي المروحة

انا عارف الحته اللي بيتكلم عليها الاستاذ تامر و فاككها 5 مرات لحد دلوقتي و مافيهاش ثلاجة التكييف دي هو بس خانه التعبير لكن التلاجه اللي حضرتك بتتكلم عليها دي تقريبا و الله اعلم موجوده في الموتور في صدر العربيه (الناحيه التانيه من العلبه اللي بيتكلم عليها استاذ تامر) بس من الكبوت لاني فعلا مافكتهاش قبل كده و هيا الجزء اللي علطول بتلاقيه لامم تراب و دايما فني التكييف لما بيشحن التكييف بيحط ايده عليها علشان يعرف مدي سقوعية التكييف جوه و الله اعلم

المشاركة الأصلية كتبت بواسطة gelgel2004

السلام عليكم جميعا
اوضح لكم ما يلى
1/ ثلاجه التكييف عباره عن كويل او سربنتينه مضغوطه فى الحجم و ظيفتها - بدون شرح مفصل - تحويل الفريون من الحاله السائله الى الغازيه - عن طريق صمام ضغط فتتولد البروده
2/ لما بنشغل الضاغط - اللى هو الكباس - و نشغل المروحه بتاعه السرعات كما ذكرتم يتم خروج الهواء البارد.
3/ لتنظيف هذا الكويل :-
فى السيارات اليابانى و معظم الاوروبى يتم فك الدرج بتاع التابلوه
يتم فك الكويل و بالتالى الفريون بيتسرب و يحتاج شحن مره تانيه
يتم تطبيب الكويل اللى اتفك و ينقع فى محلول غسيل ضد الفطريات و هو مخصص لهذه الاغراض
بعد الاطمئنان على الكبس و النظافه التامه و التعقيم -يضخ الهواء و الهوايه مفتوحه .
يعاد التركيب و تغيير اويل سيل المواسير و تنظيف الدوره بالفاكيوم و اعاده الشحن

اما العربيات الفيات و اقليه من الاوروبى و الامريكى
فيتم فك التابلوه بالكامل للوصول الى ما سبق و عمله
نصائح :- لا تركن السياره تحت الاشجار قدر المستطاع
تعامل مع فنى تكييف مؤهل
لا تفتح فتحه دخول الهواء الخارجى باستمرار
عقم مداخل و مخارج الهواء ب بخاخ اوست كل 3 شهور على الاقل
شغل الكباس كل اسبوعين على الاقل لمده 5 دقائق لتزييت الاويل سيلات و منعا للتسرب
حذارى من الخرطوم الهواء عندما تكون فتحه الهوايه مغلقه - بتزعبب التراب - و يرجع يتجمع تانى اكثر.
تحياتى لكم و تمنياتى بصيف بارد ان شاء الله.......

شرح وافي فعلا لموضوع التلاجه ده لاني فعلا مكنتش متأكد من فكره عملها ايه
بس ياتري دي موجوده فين في الصني هل هيا فعلا اللي انا بقول عليها ولا مش هيا دي