رمسيس

**dr_3eshoo** · 18-08-2008 06:14 PM

انا مواليد 85 بس الي افتكره من العربيه دي ان ماما كانت بتحكيلي عنها
كانت في الجامعه هيا و خالاتي و هما من دمياط و فكروا يحوشوا كلهم مع بعض علشان يشتروا العربيه دي كانت ب 400 جنيه زيرو على ما اعتقد و فضلوا يحوشوا لحد اما جه جدي اخد الفلوس منهم و كمل و جاب 1100 مستعمله خفيف
علشان الكل يستعملها و بعدين باعوها سنه 90 بعد اما الكل اتجوز و ماما جابت 128 و خالتي 127 اما خالاني كلهم جابوا 3 128 و لسه معاهم لحد النهرده
و مره و ماما عندي في القاهره شافت واحده كانها زيرو و الي راكبها راجل دماغه عاليه قالتلي هيا دي رمسيس انا رديت قلتلها ايه الي جاب رمسيس للدقي مش فاهم انا قالتلي دي العربيه رمسيس يابو جهل مش ميدان رمسيس

**mohamed_88sk** · 18-08-2008 06:20 PM

ههههههههههههههههههه حلوه أبو جهل دي

لابس فعلا شكلها يشدك كده لما تشفها
أنا كنت فاكرها 128 ولا حاجه !!
بس صحيح هم عملوا حاجه تاني ركوب غير دي ؟؟؟؟
عشان اللي بشوفه بس المايكروباااااااااازااااا ااات اللي رايحه في داهيه دي ؟؟

**momoneer** · 18-08-2008 08:50 PM

صح يا باشمهندس سبعاوى

**yaserbasha2000** · 13-02-2010 02:59 PM

المشاركة الأصلية كتبت بواسطة nile_storm

الجميل و المضحك انه في الصوره التالته متعرفش الكبوت من الشنطه :)

بس كنا بنحاول نصنع مش زي دلوقتي
لو كنا كملنا بجد من ساعتها كان زمان بقي لينا لازمه

الله ينور عليك

اصحاب سياسة شراء العبد ولا ربايته ودونا في داهية

**OlaOsman** · 13-02-2010 03:09 PM

YouTube - ‫ط§ظ„ط³ظٹط§ط±ط© ط±ظ…ط³ظٹط³‬&lrm;

**faroukahafeez** · 13-02-2010 07:39 PM

المشاركة الأصلية كتبت بواسطة olaosman

youtube - ‫ط§ظ„ط³ظٹط§ط±ط© ط±ظ…ط³ظٹط³‬&lrm;

تقرير رائع من العاشرة مساءاً

**ramremo** · 13-02-2010 08:40 PM

المشاركة الأصلية كتبت بواسطة mido80

طيب وتقولوا اية علي النا س اللي لسة بيركبوا فيات 126 موديل 77 ولا 79 ودي منها كتير جدا في مصر لانها تاكسي. بصراحة بيكون يوم منيل لما اضطر اركب واحدة منهم اروح بيها مشوار.

كمان فية ناس لسة بتركب المرسيدس الشمامة موديل 79 والتمساحة وغيرة اللي سعرهم يجيب الضغط للواحد (50.000 ولا 60.000 جنية) طب علي اية؟

والله انا هنا في قطر كان فية جنب بيتي معرض سيارات راكنة ادامة مرسيدس تمساحة موديل 79 او 80 مش فاكر تخيلوا حاطط عليها سعر كام؟؟؟؟؟

1000 ريال (ألف ريال قطري يعني حوالي 1500 جنية مصري). بصيت لها وقعدت اضحك وافتكرت السيارات عندنا في مصر واسعارها الغير معقولة..

لا بس انا ليا راى تانى فى الموضوع ده ان العربيات اللى حضرتك بتتكلم عنها دى فى وقتها كانت حلم لناس كتييير جداااا انهم يمتلكوها وبعد ما اشتروها هى بقت غاليه جدا عليهم ومش هيفرطوا فيها --- الحكايه مش حكاية سنة الانتاج - الحكايه حكاية عشره وتعود ولا ايه؟؟

**ahmed1981** · 13-02-2010 08:44 PM

صنعنا سيارة من الألف إلى الياء بنسبة 100%

وأسقطنا 200 طائرة إسرائلية
ونحن الآن على مشارف تل أبيب

عصر عبد الناصر كان عصر الشعب المغيب عن الوعي

شعب غلبان كانوا بيلعبو بمشاعرة