الموضوع: مشاكل اللوجان 2012 المانيوال

للدرجه دى انت شايل منها ولا ايه ههههههههه

كل اللى بتقول عليه من طرقع ورجرجه وخلافه عيوب تقفيل مصنع مشهور بيها اللوجان بتتظبط مع اول صيانه انا رحت بعد اول 1000 كيلومتر ظبطت حوالى 10 حاجات لمبة الصالون مبتنورشى..... رجرجه على الاول ....الفرامل ضعيفه....صوت فى مروحة التكييف ....السنتر لوك مكنشى واصل للشنطه ....السخونيه فى الدواسه.....صفاره هواء بعد ال120 ..ده غير انهم غيروا طمبورة الدينامو لوحدهم..... تظبيط النور الامامىى كان واطىى.... لكن للامانه كله اتضبط فى التوكيل وباتت ليله واحد عشان غيروا السنتر لوك كله عشان يوصل للشنطه.....لازم كله يعرف ان السياره عيوب التقفيل كثيره لكن بسيطه وبتظبط وده هو سبب الضمان واهميته فى الشراء

لا شكر على واجب احنا هنا نساعد بعض اهم حاجه روح التوكيل فى الاول عشان تظبط العربيه تمام بلاش المراكز المعتمده وانصحك بتوكيل العبور وبعد كده روح اللى انت عايزه

انا عامل بالعربيه 3000 كيلو وبصراحه بتلكك على اي حاجه علشان لما اروح صيانة 5000 اقولهم عليها

بس انا حاسس ان نقلات الفتيس فيها عضه ومش عارف اذا كان ده طبيعي فيها ولا لا انا كنت راكب 131 وكانت كلها عض وقرف طبعا اللي كان راكب عربيه حديثه قبل اللوجان هو اللي يقدر يفيدنا اكتر
موضوع حرارة الدواسات انا بحاول احسه مش عارف وبقول يمكن لما يجي الصيف يزيد اكتر

غير كده مفيش اي ملاحظه غير اني النهارده كنت في المستشفى وشفت فيرنا بتاعة دكتور زميلي بصراحه قلت الحمد لله ان ربنا اكرمني باللوجان وحسيت قد اييه العربيه مظلومه ومش واخده حقها في السوق وحسيت ان شعب مصر مبيفهمش لانه لما يركب فيرنا ويسيب اللوجان يبقى عاوز يركب ودان

انا عملت 1300 كم ولاحظت بعض الحاجات محتاج رايكم :
- فى رعشة وهزه فى بدال البتزين
- الفرامل قويه وعاليه فى السرعات البطيئه وده كويس ولكن واطيه وضعيفه فى السرعات العاليه
- الدبرياج بيفصل قى النصف لما ببقى طالع وده كويس لكن احيانا لما بهدى وابقى دايس على الدبرياج الاقى العربيه مره واحده بطلت .
- صوت الموتور عالى .
- عتد التسخين فى الصباح باشم ريحة بنزين او كما يقولون وقود غير محترق تماما .
ارجو الافادة ومنتظر ردودكم
مع تحياتى

المشاكل الغريبة الي قابلتها :
1 - النهاردة شغلت التكييف و انا ماشي على الدائري ، كان زي الفل ، المهم اول لما دخلت في الزحمة لقيت العربي اتبرجلت و ال ار بي ام بقى يعلى و يوطى و بعد كدة الهوا بقى عادي مش ساقه.

2 - في صوت حاجة مفكوكة في باب السائق و صوتها بيزيد

3 - زرار تخفيض الصوت في المالتي فانكشن تقيل شوية و لكنه شغال بس مش زي زرار زيادة الصوت.

4 - صوت صفارة بعد 120 كم بس عموماً من كلام الناس على المنتدى الموضوع ده بسيط

5 - في صوت من الكنبة اعتقد بنسبة كبيرة انه من التانك بعد ما افول بنزين و يا ريت حد يقول ده عادي و لا ايه

دي بعض المشاكل و المفروض اني اروح التوكيل اشوف ايه الموضوع ، انا عامل 2800 كم