الموضوع: مشاكل اللوجان 2012 المانيوال

شكراً يا باشا على الرد ، ربنا يطمنك ، ان شاء الله هروح التوكيل و اعرفك بالي حصل

المشاركة الأصلية كتبت بواسطة blackhorse123

[]

مشكله التكييف كانت عندى نفس المشكله هتروح التوكيل هيظبطوا ضغط الفريون فى المواسير علشان اول ما هتفتح الكبوت هتلاقى صوت الكمبروسور التكييف بيفصل ويشتغل يعنى هتسمعه تكتكه ورا بعض
انا عملتها ومن ساعتها التكييف الحمد لله ثلاجه وزى الفل
الصوت اللى ورا ده فعلا صوت البنزين جوه التانك وهو بيدحرج مع المطبات
صوت الصفاره ده عادى وحله سهل ان شا ءالله وده نتيجه احتكاك الهواء مع فتحات الكبوت نتيجه السرعه العاليه
الصوت اللى فى باب السائق ده هتروح التوكيل هيربطوا المفصل بتاع الباب بس اللى جوه الباب من غير ما يفكوه ولا حاجه انا كان عندى نفس المشكله ومن ساعتها مفيش مشاكل فى الباب الحمد لله

الفتيس الغيارات بتتاخد عادى جدا بس انت دوس دبرياج كويس وهتلاقى الغيارات بتتاخد بسلاسه جدا

انا روحت لتوكيل فرع اسوان انا كده كده كنت فى اسوان والعربيه عملت معايا حكايات التكييف دى وانا فى اسوان

عندي رعشه في دواسة البنزين ومش حاسس بموضوع حرارة الدواسات لسه بس انا ال مضايقني جدا الابواب ال مبتتقفلش الا اما تترزع ! انا حاسس ان الابواب هتتخلع :‏s

دواسه البنزين فيها رعشه فعلا
والابواب يمكن تخف مع مرور الوقت بس هى صوتها لذيذ فى القفل والفتح

مشكلة التكييف موجوده عندي انا امبارح لقيت الجو حر قلت اجرب التكييف ودي اول مره اجربه انا اشتريت العربيه في عز طوبه
المهم ملاحظاتي
التكييف مش بارد لقيت ال ار بي ام بيطلع وينزل والعربيه اتبرجلت فعلا بس انا مستني صيانة ال 5000 علشان يبقى مشوار واحد وخلاص انا عامل 3500 يعني كمان اسبوعين هروح يظبطوه قبل ال حر ما يصطادني والناس تشمت فيه

رعشة دواسة البنزين وقلتلهم في التوكيل نفضوا


لما بلف الدريكسبون بسرعة وانا واقف وخصوصا لو دايس فرامل بحس برجة فيه

كنت مسافر وماشي مسافة على 130 140 ولما دخلت محطة البنزين الار بي ام فضل عالي وانا دايس ديبرياج فترة