انا علي حد علمي الاوبترا علي مقصات و اسمع كتير انها ثابته اما السيراتو علي نظام تعليق متخلف اسمه دنجل و دا بيحسسك بالثبات لكن لو العربيه فقدت اتزانها كل سنه و انت طيب بيخليها تقديها درفتات :)
عرض للطباعة
انا علي حد علمي الاوبترا علي مقصات و اسمع كتير انها ثابته اما السيراتو علي نظام تعليق متخلف اسمه دنجل و دا بيحسسك بالثبات لكن لو العربيه فقدت اتزانها كل سنه و انت طيب بيخليها تقديها درفتات :)
اولا كل الاحترام لرأى حضرتك و ملاحظاتاك على العربية بس انا عندى بعض الملاحاظات على بعض النقاط اللى حضرتك قلتها:
1-بالنسبة للعزل فى السيراتو أقل ما يقال عليه انه زفــــت خصوصا على السرعات الهادية يعنى حضرتك اقف فى جراش واقفل الزجاج كله و سيب العربيه دايرة حضرتك هتسمع صوتها و بوضوح و ابدأ اتحرك هيبدأ الصوت يتسمع اكتر و اوضح وده شوفته فى اكتر من سيراتو مش عربيتى بس و بالمقارنه مثلا بأوكتافيا 2006 ماشيه 290 الف كيلو بتاعت صديقى و عملت نفس الاختبار ده و الفرق بين السما و الارض انا معرفتش انها دايرة غير من ال أر بى ام و برده عملت نفس الاختبار فى كورولا 2008 جنوب افريقى و النتيجه فى صالح التويوتا
2-بالنسبة للفرامل يقال عليها معقولة لكن مش ممتازة و العربيه بتاكل تيل بسرعه
3-بالنسبه للثبات الكل عارف و بيشتكى ان العفشه ناشفة و الثبات برده وحش فوق ال140 وده جربته فى اكتر من سيراتو يعنى اللى بقوله مش عيب شخصى ممكن تكون العربيه اللى حضرتك بتوصفها من انتاج شركة غير كيا :)
أخيرا , احب اقول لحضرتك ربنا يبارك فى العربية اللى حضرتك جربتها دى و يكفيها شر العين و شكرا على تقريرك الرائع
هرد عليك فى كل نقطة اذا سمحتلى
1- مش فاهم اختبار الجراج ده حاجة مين اخترعها ؟ هوا انا هفضل سايق ف الجراج ؟
هيا عربيتك انهو فئة ؟ سؤالى علشان العزل بتاع الكبوت راكب والشنطة ؟
2 الفرامل ممتازة معايا وحوار انها بتاكل تيل ده لا مؤاخزة اى هتش ف اى حتة
انا لغايط دلوقتى 65 الف كم ولسه التيل قدام فيه نصه تقريبا وده مش ستاندر هوا ف الاخر طريقة استخدام
الثبات بقا حوار مش هتكلم فيه كان معانا عضو صديق هنا اسمه محمد مصطفى ابقا اسأله احنا كنا بناخد غرز القطم على الدايرى ف وقت لايسمح بده على سرعة كام بص هوا هيدخل يأكده كلامى تقريبا اقل غرزة خدناها على 160 وكنا ماشين 180 تقريبا من طلعة طريق السويس لبرج سما تقريبا كل الوصله دى غرز قطم مش اى الش وخلاص
وف الاخر على رأيك جايز عربيتى وعربية والدى وعربية اللى اعرفهم شخصيا اتصنعوا لينا بواسطة
وفى الاخر هيا ليها عيوب بس مش زى محضرتك بتوصف
تقبل مرورى
شكرا لنقل تجربتك ياباشا
[quote=ahmed1718;3874176553]هرد عليك فى كل نقطة اذا سمحتلى
1- مش فاهم اختبار الجراج ده حاجة مين اخترعها ؟ هوا انا هفضل سايق ف الجراج ؟
هيا عربيتك انهو فئة ؟ سؤالى علشان العزل بتاع الكبوت راكب والشنطة ؟
موضوع الجراج ده عشان يبقى مكان هادى مفهوش صوت خارجى واى اصوات فى العربيه تبان مش أكتر و عربيتى نفس مواصفات الex بس خليجى وفيها عازل كبوت و شنطة بس سؤالى لحضرتك و انت قافل الزجاج كله و بتتحرك فى مكان هادىء مش بتسمع صوت المحرك على السلانسيه و لحد ما توصل سرعتك 40 ؟
2 الفرامل ممتازة معايا وحوار انها بتاكل تيل ده لا مؤاخزة اى هتش ف اى حتة
انا لغايط دلوقتى 65 الف كم ولسه التيل قدام فيه نصه تقريبا وده مش ستاندر هوا ف الاخر طريقة استخدام
التيل فعلا طريقه سواقه بس قصدى ان عمرة قصير شويه انا عن نفسى مغيرتوش لكن بشوف ناس فى التوكيل بتغير على 30 الف و 40 الف وده فى رأى مده قصيرة و يارب يفضل معاك لحد 650 الف مش 65 بس :)
الثبات بقا حوار مش هتكلم فيه كان معانا عضو صديق هنا اسمه محمد مصطفى ابقا اسأله احنا كنا بناخد غرز القطم على الدايرى ف وقت لايسمح بده على سرعة كام بص هوا هيدخل يأكده كلامى تقريبا اقل غرزة خدناها على 160 وكنا ماشين 180 تقريبا من طلعة طريق السويس لبرج سما تقريبا كل الوصله دى غرز قطم مش اى الش وخلاص
انا عارف الموضوع ده و أ؟محمد مصطفى صديق شخصى ليا و حاكيلى على الموضوع ده بنفسه و موضوع الثبات ده موضوع نسبى الى حد ما
وف الاخر على رأيك جايز عربيتى وعربية والدى وعربية اللى اعرفهم شخصيا اتصنعوا لينا بواسطة
ربنا يباركلك فيها و يكفيك شرها :)
انا بصراحة بسمع كلام غريب عن السيراتو فى الموضوع ده
ولا كأن العربية اللى بقالها معايا سنتين اسمها سيراتو .