معلش ودا راى الشخصى الالنترا 2010 افضل بمراحل من وجه نظرى من السيراتو واللى بصراحه اتصدمت فيها بعد ما كنت بانلها ابراج فى خيالى
عرض للطباعة
معلش ودا راى الشخصى الالنترا 2010 افضل بمراحل من وجه نظرى من السيراتو واللى بصراحه اتصدمت فيها بعد ما كنت بانلها ابراج فى خيالى
[
هو نصف الكلام صح, والباقى عليه كومنتات (بعد اذن حضرتك طبعا),
مفيش كورولا بجنط 17", هى 16" وكاوتش 205
وماينفعش نقارن باور السيراتو بالكورولا.. لأن الكيا باور هيدروليك, والتويوتا باور كهرباء..
بس باور الكورولا الكهرباء (الخفيف زيادة عن اللزوم ده).. أحد اسوأ علب الدركسيون اللى ممكن تتعامل معاها,
خصوصا لو انت سواق Enthusiasm وبتحب يبقى الدركسيون فيه Drive-Feeling واحساس بالطريق.. التوجيه والتحكم ضاااااااايع فـ دركسيون الكورولا, مفيش الـDirect-Steering و معزول عن العجل والأسفلت تماما.. ودى معروفة عن التويوتا عموما.. :O_stupid[1]:
لكن متفق معاك انها صنعة وهندسة متطورة, فيها Black-Art مش أى حد يعرفه..
زاوية الـRack على الـPinion, مكان علبة الباور على الـSteering-Column...وكده etc
وللأسف, كلتا الشركتين (تويوتا وكيا) مالهمش فيها.. ههههههههههههههه
طول عمرى بحترم ردودك لانها دايما بتبقى سليمه وعن درايه ومعرفه وخبره لاكن معلش الشت منك المره دى فى النقطه دى تحديدا.........................انهى كورولا اللى الباور بتعها كهربه................انا والله بركابها من 2002 لحد 2010 جميع الفئات مانوال واوتو خليجى جنوب افريقى ويابانى تحديدا ملاقيتش حكايه ال الباور الكهربا دى
حبيب قلبى وحشنى والله
يا دوك منا فاهم انا تعليقى لما ياسر قال تعلا اركبك ال بى ام و انا اوريك تقل الدركسيون
لاكن منا عندى فالباراتى الدركسيون تقيل برضو
و ال بى ام بيتقل بالتدريج
لاكن انا بتكيف اوى لما بحس بالاسفلت فى ايدى
كلو كوم و باور الانترا كوم حسيسنى انى فى دريم بارك هههههههههههههههههه
تحس ان عليت الدركسيون مبوشه من كتر الهز بس و انا بركن حلاوه ههههههههه
كان ليا شدايه مع برافو بس مردتش اكتبها لازعلاك منى يا دوك
تعيش وتجرب يابوب
ممكن بعد كده يتقال عليك عميل ويطالبو بسحب منك الثقة
:36_2_33:
تقرير جميل يا احمد مع ان التجربة متعتبرش كاملة بس سؤال واحد بس
هل حسيت ان السيراتو محتاجة سواقة خاصة ؟
الكورولا 2008 و 2009 الجنوب افريقى باور كهرباءءءءءءءءءءءءءءءءءءءء
+11111111111
سواقه و معامله و اهتمام خاص هتلاقيها تمام غير كده .هتحس بعيوب و مشاكل
و الله العظيم العربيه دى هتجننى .
بعد ما ركبت البارات و الثبات زاد .
رحت غسلت العفشه و نفخت هوا 34 كل العجل .
العربيه بقت صخريه مش نشفه بس و مبقتش ثابته على اى سرعه .
رحت شحمت العفشه و ربطها و ظبطت زوايا و مليت نيتروجين .
العربيه نعمت جدا و بقت ثابته جدا بغرابه و بقت حلاوه .
ههههههههههههههههههههههههه ههههههههههههههههه
بجد مش مصدق ان ضغط العجل و ظبط الزوايا بيفرق جامد مع العربيه دى .سبحان الله .
و من هنا احب احذر .
لازم تظبط ضغط الكاوتش كل الفرد زى بعض .كل شهر مره او كل اسبوعين مثلا .
تظبط زوايا كل 6 شهور .
لو هتغير كوتش تجيب الاعرض 1 سم فقط لا غير .العربيه هتنعم و هتثبت اكتر
و الله اعلم
السلام عليكم
يا ريت حضرتك متزعلش من ياسر زميلنا
لانه شاب مهذب جدا و محترم و خلوق .
و انا بعتذرلك بالنيابه عنه .
بالنسبه للسيراتو .لو مش مهتم بيها فى حجات معينه هتلاقيها اى كلام .و هتتدايق منها زى ما انت وصفت .
لكن .لو اهتميت بظبط الزوايا و ضغط الكاوتش .و تربيط العفشه و التشييك على مجموعة الفرامل و تنضيف التيل قبل كل غسلة عربيه بالهواء المضغوط ثم الغسل بالفوم .هتلاقى نتيجه مرضيه جدا ان شاء الله .
التيل لو متقرط جامد هتلاقى العربيه مبتجريش خالص اصلا و بطه بلدى .و كذلك لو البوجيهات باظت او مرطبه او الحساسات او البوابه مش نضيفه و كذلك لو البنزين مخلوط او سىء .
انا تانى يوم بعد الصيانه من تربيط عفشه و تنضيف حساسات و بوابات و رشاشات و تغيير بجيهات و فلتر هوا تم تنضيفه .
ببساطه العربيه قفلت عداد تانى يوم بسهوله جدا و كانت الحمد لله ثابته وواخد الملفات كلها 190 و 180 و كان ممكن اكتر .و ده على طريق العين السخنه .و العربيه كسرت ال 213 كم/ساعه .و كانت فايقه جدا .و كانت بتوفر بنزين مع المشى الهادى عن الاول بكتير
دلوقتى رجعت بطه تانى و شكلها عاوزه تتنضف تانى لانه عدى كذا شهر على الكلام ده .
التيل لازم كل فتره يتفك و يتنضف كويس و يركب تانى
و نصيحه اوعى تسمع كلام حد و تغسل العربيه من تحت بالجاز و اوعى تجيب الجاز ناحية التيل نهائى هيبوظه .
و يا ريت تتقبل كلامى بصدر رحب
و الله اعلم
حبيبى طالما بقى انت جيبت سيرة الشد دة بقى اللى حصل معايا بالظبط وهقولك بالظبط
طلعت بالسيراتو على ال d عادى واشد بيها العربية حسيتها بتنط شوية بس مش قوى وبعد بالظبط اول لما نقلت التانى وعلى فكرة نقلاتها ممكن تعرفها بمنتهى السهولة انها نقلت او لأ بعيدا عن نظرتك للعداد , المهم وراحت العربية هديت فى التسارع لحد اول الثالث وبعد كدة فاقت بتاع 20 كم او 30 كيلو وبالتحديد عند 130 راحت العربية كأنها بتجر حاجة من ورا السرعة بقت بتزيد بالراااااحة ومجرد يامان ماجيبت ال140 عديت على فاصل الاقى العربية بتعوم من ورا عومة غريبة كأن العربية حد اداها خبطة من الشنطة من الجنب ورجعها تانى ومش عايز اقولك على مطبات الهواء العربية خدت بيها مطب هواء فضلت تنزل وتطلع ورا اكتر من اربع مرات وكأنك ركبت مرجيحة
لما شغلت التيبترونيك مش عارف لية ماحستش بفرق غير فى ارتفاع صوت المحرك بصورة فظيعة بجد ماكنتش طايقة تقريبا عشان انا متعود على صوت ال vtec ولا اية مش عارف بس صوتها وحش ومسموع فى الشد جدا واللى يقول غير كدة معلش ينزل يجرب تانى ويعرف كلامى
وبالسنبة للشد مع عربيتى فعلا تلاقيها ممكن تشد معاك حلو اوى لحد سرعة 30 وبعد كدة تبص جنبك ماتلاقيش حد تقول هو انا كنت بحلم ولا اية هههههههه
مش مقتنع بيها للشد خالص مش عارف لية سواء هية او الكوبية
ياباشا بنورك والله يارب تكون بخير وعايزين نبقى نشوف حضرتك فى مقابلات الهوندا
موضوع الشد انا بتكلم كدة لاتى بحس ان عربيات كتير فى نفس الفئة بتاعتها اقل منها فى الاحصنة وبالرغم من كدة بتعديها عموما اكيد انتوا ادرى بالعربية اكتر منى فى موضوع الشد سوءا بقى على سرعات عالية او تسارع لان فى تجربتى ليها مازودتش عن 150 كم
حبيبى أنا مش بقارن موتور 1.6 N/A بمواتير تربو T-JET/TSI.. مين قال كده؟؟؟!!
أنا بقارنها بعربيات سوقتها 1.6 N/A, مفيهاش الـDrop اللى بيحصل فـ التسارع مع السيراتو ده..
السيفيك, المونديو الجديدة (مع انها داهية وزنها 1.5 طن تقريبا), حتى الكورولا بالموتور الـDual VVT-i لما جربتها مكانتش بتقع منك فـ النص كده وانت بتشد..؟؟!!! :rolleyes:
هو ده مش رأى Technical, دى معلومة قد تحتمل الخطأ والصواب..؟؟!!!
بس أنا متأكد ان الكورولا الـMMT 2009 كانت باور كهرباء, مش هيدروليك أبدا.. أنا أفرق بينهم فـ أول Turn للدركسيون الحمد لله.. :google1:
+1
شكرا للاضافة, وياريت لو حد من التويوتاوية يأكدلنا المعلومة يا شباب.. ايه يا Ahmod
حبيبى كووووووووووووووبر.. هههههههههههههههههه
لأ عادى يا برانس, أنا مش بزعل منك.. :affection:
وبعدين لو طلعت منه بالـ523 تحت الـ150-160.. يبقى عيب سواق البرافو طبعا. :pirate14:
ههههههههههههههههههههه
+999
لما بنقول كده.. يا جدعان دى مش عربيات "جرى", مش بيصدقوا. :36_1_61[1]:
هيا السيراتو بقت مش بتاعة جرى
امال ايه اللى بتاعة جرى مش فاهم
ياريت تبقى فيه حيادية ف الحكم ومنقرنش عربية 170 حصان بعربية 120
سم سم مش انتا عربيتك sir ? عايز مين يسد معاك من الفئة بتعتنا دى ؟
بطلو افورا يارجالة كلامكو لا يدل غير على كره شديد فقط للموديل مش فاهم سببه
كلامك منطقى
بس اقنعنى بردو
لو هى مشعربيات شد و كده
ازاى سيراتو 1600 عاديه سيدان تسد و تسبت مع فيات تربو 1400
عربية ياسر الصياد سبتت مع عربيه يوكو فيات برافو تيربو 1400 .؟؟؟؟؟؟؟؟؟؟؟؟؟؟؟؟
و يا ريت ياسر و يوكو يدخلو يردوا علينا لو انا غلطان .و على فكره السيفيك تحت ال 100 اغلب العربيات ان مكنش كلها بتطلع منها و لكن فوق ال 100 لحد ال 200 تسارع فوق الممتاز و بالزات فوق ال 160 لحد ال 200 .جميله اوى فى تجميعها على السرعات العاليه فعلا .ده بالنسبه للاوتوماتيك .فقط .
طبعا المانيوال كلام تانى خالص و اسرع فوق و تحت ال100 طبعا .
عوزك تشد مره مع سيراتو مانيوال و تكون فايقه و سواق بجد و انت هتغير وجهة نظرك عنها ان شاء الله .
ههههههههه عندك حق والله
انا مش عارف ليه بحس ان فيه تحامل بزيادة على العربية دي !
لاء مش محتاجة سواقة خاصة بس محتاجة معاملة خاصة ! يعني اللى يعاملها كويس ويهتم بيها وبيصيانتها ويعودها على الجري هيلاقي استجابة ممتازة منها
لان من خلال ردود بعض ملاك العربية او بعض الناس اللى جربت العربية اكتشفت ان العربية دي حساسة بزيادة ! ومحتاجة يعتملها صيانة كل شوية غير كدة هتبدا تحس بمشاكل ومش هتبقى راضي عن الاداء بتاعها
+111111
الكورولا الشيب القديم كانت بور زيت
الموديلات الحالية بتنزل ب Electronic Power Steering
+1111111
تنفع للشد يا سامح بس مع فئتها ! واكيد مش هتنفع مع عربيتك ولا ال TSI - T-jet ! مين في فئة السيراتو ممكن يجري معاهم ؟ ؟
وصوت ماتورها كويس ! بس لازم يكون وحش مقارنة بال Vtec ! لكني شايفه برضوا حلو ومعقول بالنسبة لسعرها وفئتها !
الباور الزيت كان في الشيب القديم بداية من الشيب الجديد بقى EPS ! ومافتكرش ان فيه فرق في الباور بين الياباني والجنوب افريقي !
اديني كدة طيب امثلة يا سامح "ولاحظ انك قلت عربيات كتير " ؟ لفئات اقل من السيراتو وباقل منها في عدد الاحصنة وتطلع منها ؟ وياريت نبعد عن الفيرنا والجيتز !
ولو تقصد السيتي والياريس ال 1.5 ! هيطلعو اه بس مش بالفرق الكبير ! !
بلاش سيراتو مانويل ! احد يجرب سيراتو اتوماتيك بس تكون فااايقة ! وصاحبها مهتم بيها ! انا ركبت كذا سيراتو قبل كدة وعربية ياسر فعلا مختلفة عنهم واقوى منهم بكتير !
اي كورولا موديل 2009 فما فوق باور كهرباء EPS !
برضوا ماينفعش تقارنها بالسيفيك ! دي ب 190 الف ودي ب 120/130 الف ! دي فئة ودي فئة تانية خااااالص !اقتباس:
حبيبى أنا مش بقارن موتور 1.6 n/a بمواتير تربو t-jet/tsi.. مين قال كده؟؟؟!!
أنا بقارنها بعربيات سوقتها 1.6 n/a, مفيهاش الـdrop اللى بيحصل فـ التسارع مع السيراتو ده..
السيفيك, المونديو الجديدة (مع انها داهية وزنها 1.5 طن تقريبا), حتى الكورولا بالموتور الـdual vvt-i لما جربتها مكانتش بتقع منك فـ النص كده وانت بتشد..؟؟!!!
ولو بتقارن بالتسارع وماتور قصاد ماتور مش عربية قصاد عربية !
برضوا مش هينفع ! السيفيك بالفتيس الخمس سرعات مع ال Intelligent Vtec ! فرق التكنولوجيا لصالح السيفيك وده اللى مخلي تسارعها مافيهوش ال Drops اللى موجودة في السيراتو ! فرق 60 الف جنيه برضوا مش شوية ؟؟
والكورولا كانت MMT ولا اتوماتيك ؟ ؟
اي كورولا موديل 2009 فما فوق EPS !اقتباس:
شكرا للاضافة, وياريت لو حد من التويوتاوية يأكدلنا المعلومة يا شباب.. ايه يا ahmod
اسمحلي يا دكتور بس انا شايف تحامل بزيادة اوي على السيراتو في المشاركة دي !اقتباس:
+111
أنا ركبت واحدة كوب بالفتيس الجديد, قلبتها ستيب.. مالقيتش أى فرق غير انه بيسيبك تحرق عـ الغيار..؟؟!!!
تقريبا (والله أعلم) هما لسه ماوصلوش لمعلومة ان الـSport/Manual-mode المفروض يغير فى استجابة دواسات البنزين والفرامل, والشيفتات بتاع الفتيس.. وكمية الباور بتاع الدركسيون...etc
الجولف, الجيتا بالفتيس الـTiptronic.. أوالبرافو, الألفا بالفتيس الـSelespeed/Dualogic..
لما تشغل Normal/Sport مود, أو تقلبها Manual.. الـECU (أو العربية كلها) بتفهم وقتى انك عايز تجرى>>> استجابة كل حاجة فـ العربية بتتغير: بنزين, فتيس, فرامل ودركسيون؟؟!!!
وعندك حق فـ موضوع الصوت الـweird.. تقريبا عشان الـexhaust manifold فى وش الكابينة (الموتور مقلوب, الـintake للخارج).. صوته مزعج. :grrrr:
+ان مالهمش فـ تضبيط التاكيهات الهيدرو, تقسيمة الصوت بتاع الكامات والصبابات دى مش موجودة (عارف الصوت ده), وطبعا مالهمش فـ علب الشكمان؟؟!!!
يا دكتور ازاي تدخل الجيتا / الجولف TSI / البرافو / الالفا ! في مقارنة مع السيراتو ؟ ؟
يا جماعة بإختصار السيراتو عربية ممتازة بالنسبة لسعرها وتعتبر افضل فئتها !
لازم يكون فيها عيوب سواء في التسارع / في العفشة ! لكن لو هتقارنها بفئتها هتلاقيها الافضل ! انتو عايزين ايه من عربية ب 120/130 الف ! اكيد مش هتاخدو منها كل حاجة !
حلوة الريفيو دي بس ان مش معاك ان الدركسيون تقيل اوي كدا ... و بعدين دركسيون تقيل احسن من الخفيف بتاع الشارك و التيدا اللي بحس ان العربية عايمة مني على 60 دا :(
اسف يا ريس علي التأخير لكني مشغول جدا ولله
انا بختلف في ان الدركسيون جيد مش تقيل اوي يعني بس طبعا بالنسبه لليارس مفهوش بور اصلا :)
العفشه نشفه جدا مع الجنط ال17 بس متعود عليها
صوت الموتور كويس مديقنيش خالص الحقيقه لانو مش علي بالشكل المزعج اصلا و صوتو جميل
التقفيل غالي لكن الخامات جودتها قليله و دا مش عيب مقارنه بالسعر
الثبات في الملفات العاديه و الطرق المستقيمه ولله بحس انها مكلبشه ل190 اظن ده بسبب الوزن و الجنط لكن في الغرز الجامده و الملفات الشديده و ردود الفعل المفاجئه ثباتها صفر بسبب الدنجل
لكن هي كعربيه جميله جدا و لو رجعت بالزمن كنت هشتريها بس كنت هفكر في جنط 16 بس :)
سوري علي الاخطاء الكتير في الكتابه بتكلم من لا كيبورد انجليزي بس :(
تقرير ممتميز والعربيه دي مظلومه صراحه
مظلومه من الهجوم عليها ومظلومه من ان في ناس بتتخدع فيها وتقديها حجم اكبر من حجمها وبالتالي لما يحصل فيها حاجه يكرهوها اووووووووووووي
بالنسبه للتويوتا هي فعلا باور كهربه الشكل الجديد لكن القديم كان زيت والباور الكهربه صراحه انا بحس انه افضل بكتيييير من الزيت في التحكم وثبات الدركسيون عيبه فقط هو ضعف علبه الدركسيون الباور
انا معايا صني باورها زيت ومعايا السيريون كهربه بحس ان السيريون اثبت من الصني بسبب الباور
الطرق المستقيمة عمرها ماكانت مقياس لثبات العربية ! الثبات هاندلنج + ملفات + غرز ! هنا تقدر تقول العربية دي ثابتة ولا لاء !
وردود الافعال خلي بالك بتعتمد بشكل كبير على السواق والعربية في نفس الوقت ! ممكن واحد راكب عربية ثابتها ضعيف وحصل معاه موقف مفاجاة بس هو سواق شاطر عرف يلم عربيتها صح ! وممكن واحد تاني راكب عربية اقوى منها في الثبات واتصرف غلط وارد العربية تعوم منه :allo:
هي عربية وزي ماليها مميزات ليها عيوب وماينفعش ابقى عايز اخد كل حاجة من عربية تمنها لا يتجاوز 130 الف ! صعب :blueletter:
+111111
علم عليها كمان وكمان يا معلم دي ياما علمت عليا اديها على عنيها :grrrr: :grrrr:
ده انا نفسي اصطاد اختها الصغيرة ال "Punto" مش عارف هعمل فيها ايه :allo: هقولها ده شوية من اللى اختك بتعملو فيا :crashcomputer5:
انا اصدي استقرار العربيه علي الطريق مش زي الفرنا من120 تحس انك بطير شويه و تنزل شويه :grrrr:
انا وصلت ل193 علي الدولي بتاع اسكندريه و كان فيه ملفات مش عاديه اه لكن مكنتش بهدي عن 180 190 فيها
عن ردود الفعل المشكله ان العربيه لما تقرص عليها اوي و تبدأ تعوم مش بتلم نفسها و تفضل تعوم تعوم تعوم لاقرب شجره كفانا الشر :affection:
على فكره ياجماعه حكاية ال Drop اثناء السحب كانت بتحصل معايا في كل العربيات الياباني الاوتوماتيك وهي زيرو و الموضوع كان بيروح بعد العربيه ما تعملها عشرتلاف كيلو و يكون الفتيس حفظ فممكن تكون السيراتو لما قدمت شويه اتعدلت برضه
بالنسبه للزميل اللي قال تسارع السيفيك (الجيل التامن )ضعيف تحت سرعة 100 كم احب اوضح انه جيد جدا لغاية 60 كم بعد كده على الغيار التالت اتحدى حد يسد معاها و اسألوا التوكيل اللي عمال يغير قاعده الموتور اللي بتبوظ من كتر نطرة الحصان لما الواحد بيشيل رجله و يرجع يدوس تاني
+1111111111
مبعترضدش على كلام حضرتك
بس لو بتشد من 0 الى 100 مع عربيات تانيه زى السيراتو و السيات ليون و ابيزا و النترا و فيرنا .و غيرهم .
هتفرق معاك الطلعه طبعا .بمعنى لو العربيات دى طلعت من السيفيك لحد ال 60 و بيقلوا بالتدريج اكيد السيفيك هتعدى منهم بعد ال 120 و لكن تحت ال 100 مش هتلحق تعوض الطلعه و فرق الطلعه لكن فوق ال 100 هتعوض طبعا بفرق حلو جدا .
و كمان لان العربيات دى معموله انها تطلع حلو تحت ال 100 و فوق ال 100 ابطا و بتقل .و ده عكس السيفيك
و عموما انا لو معايا سيفيك مكنتش هشد مع حد اصلا .
و عموما اى عربيه 1600 او حتى 1800 مش بتاعة جرى زى بتوع زمان
يعنى مثلا السيفيك ال sir بتاعة جرى و كمان الايفو و الحجات اللى بتنزل تربو
دى ممكن يتقال عليها بتاعة شد .غير كده تبقى عربية عيله
انت عارف مشكلتنا اه فى مصر
اننا عوزين عربيه عائليه كبيره ووسعه و يكون موتورها صغير عشان الجمارك و الضرايب و التراخيص و سعرها رخيص و قطع غيارها رخيصه و اعتماديه و بتاعه جرى و شد و ثابته و سريعه ووووووو............... حجات كتير اوى صعب انها تتجمع فى عربيه وحده .
عشان كده مبتعجبناش اى عربيه
حتى اللى معاه الالمانى مش عجباهم و عوزين اكتر .
هههههههههههههههههههه
ياباشا دى حالة واحدة فردية, حصلت مرة واحدة فـ ظروف معينة.. ومافتكرش انها تحصل تانى؟؟!!! :duh:
Yoko باللينيا تربو (أو أى 1.4 T-JET) بيطلع من أى سيراتو (أو أى 1.6 N/A) فـ مصر, فوق وتحت.. على كل السرعات,
وده طبيعى ومقارنة مش Fair أبدا عشان فرق العزم (والهورسباور على العجل) للتربو. :rolleyes:
btw: ده ياسر الصياد كمان طلع من Yoko, مش ثبت معاه بس..؟؟؟!!
بس ياسر أعتقد كان مركب Simota-Carbon.. و Yoko كانت عربيته ستوك, دلوقتى الأمور تختلف تماما لأن Yoko مركب induction-kit ومعدل Exhaust وفرامل.
بس برضه لو أى T-JET ستوك, تطلع من أى سيراتو عااااااااااااااادى جدا.
على فكرة أنا مش بس شديت مع سيراتو مانيوال, أنا كمان سوقت سيراتو مانيوال (فاضية بطاسات), كانت اسرع طبعا من الأوتو.. بس برضه مش جامدة..؟!!
زى ماقولتلك يا أحمد, هى فروق تفوق تكنولوجى أكثر منها فروق اسعار.. :36_1_61[1]:
لو جراند/ايفو عادى, دانت هتطلع منها تحت وفوق كمان.. (بس الـMid-range البونتو تطلع منك),
لكن لو جراند T-JET... هتعمل فيك أكثر من اللى بتعمله اختها الكبيرة, خصوصا فى الـLow-to-Mid range..؟؟!!!
هههههههههههههههههههههههه
بالعكس, :duh:
لو معاك عربية جراااااااااااااااية.. هتعلم عليك, وتخليك تجرى وتشد أكثر..!!!
ومعاك حق ان العربيات الـ1600/1800 2-كامة القديمة (الـ131/132 مثلا) كانت بتجرى جاااااااااااامد جدا, بس ماتنساش ان العربيات كانت أخف وزنا.
دلوقتى الـRegulations بتاع الأمان خلت العربيات أوزانها ثقيلة, وكبيرة على مواتيرها..
اللى التقدم والتطوير فيها معدله أبطأ من انه يجارى زيادة الوزن المستمرة..؟؟!!! :H_angry[1]:
حبيبى مفيش زعل ولا حاجة, :affection:
تانى:
يعنى انت عايز تقوللى ان أى 1.6 N/A فـ مصر, ممكن تطلع من أى 1.4 T-JET/TSI مثلا؟؟؟!!!!!! :duh:
(سيبك بقى من عربيات Yoko وياسر الصياد)..!!
أصلا أى مقارنة, قياس أو Estimation/Evaluation فـ العالم, لاااااااااازم يتعمل 3-4 مرات (مثلا) عشان تبقى النتيجة Valid..؟؟!!! ولا أيــــــــــه؟؟
مش بقى شداية مرة واحدة فقط, والسيراتو كان معدل فـ الـintake.. والفرق أصلا مكانش جامد (ياثبت معاه.. يا طلع بفرق قليل).
btw: أى كيا فـ مصر, لو جريت مع أى T-JET (جراند, برافو أو لينيا).. تفتكر أساسى مين اللى هيطلع؟؟؟!!!!!! هو ده اللى انا بتكلم فيه. :Y_hi_3[1]:
حبيبي يا دكتور انا اقدر ازعل منك برضوا :affection:
طبيعي ال T-jet هيبهدلها مافيش كلام ! بس مش ده اللى احنا بنتكلم فيه ولا ده اصل الموضوع :allo: برضوا مش ده المناقشة بتاعتنا :allo:
والتعديل في ال Intake مش بيعمل الفرق اللى يخليك تقول تعديل في ال Intake فرق ! بالذات مع ماتور 1.6 !
احنا بنتكلم عن اداء السيراتو عموما مش اداء السيراتو مقارنة بال T-jet لان ماينفعش يبقى فيه مقارنة من الاساس ! ومعنى انه عربية سيراتو تثبت مع 1.4 T-jet ! يبقى معناه ان السيراتو ماينفعش يتقال عليها مش بتاعة شد ولا ايه ؟ ؟
+11111111111111
اصلى ازنقه فى خانة اليك هههههههههههه
فورميولاتور مغلبنا و مش عارفين ناخد و ندى معاه .
معلش يا يوكو بس احنا مش عارفين نصد و لا نرد معاك و لا مع مصتلحاتك ههههههههههه
و الله موضوع جميل و تسلم الايادى .
بالمناسبه تحزيررررررررررررررررررررر رررر:
يا رجاله رحت ظبطت زوايا انهارده فى بريدجستون .و لقات العربيه خالفه زوايا بسبب ان اللى ظبطها اخر مره ظبطها على برنامج 2004 .و بصراحه العربيه كانت بتلعب .و لسه مجربتش بعد الظبط الجديد بس مبقتش تحدف .
يعني يا جماعة بالله عليكم ده تسارع عربية مش بتاعة شد ؟ ؟
Kia Cerato / Forte 0-160 KM/H - 25.3 sec - YouTube
معلش مع احترامى ليك يا حبى و للسيراتو و لكل الرجاله و هو ده تسارع عربيه بيتاعت شد
مش دى 1600 عادى نحط جنبها سيفك 1600 برضو و كرولا 1600 برضوmmt و النترا الشيب القديم 1600 برضو , و بالمره نحط جنبها فيرنا 1600 برضو اتو
بالله عليك انتا بصرف النظر عن العربيه و عن السيراتو لاكن كا سواق هل التسارع ده يرضك ؟
انا عن نفسى ميرضنيش قدام حلفتنى بقا
حبيب قلبى يا احمد