اقتباس المشاركة الأصلية كتبت بواسطة temo85 مشاهدة المشاركة
اولا كل الاحترام لرأى حضرتك و ملاحظاتاك على العربية بس انا عندى بعض الملاحاظات على بعض النقاط اللى حضرتك قلتها:
1-بالنسبة للعزل فى السيراتو أقل ما يقال عليه انه زفــــت خصوصا على السرعات الهادية يعنى حضرتك اقف فى جراش واقفل الزجاج كله و سيب العربيه دايرة حضرتك هتسمع صوتها و بوضوح و ابدأ اتحرك هيبدأ الصوت يتسمع اكتر و اوضح وده شوفته فى اكتر من سيراتو مش عربيتى بس و بالمقارنه مثلا بأوكتافيا 2006 ماشيه 290 الف كيلو بتاعت صديقى و عملت نفس الاختبار ده و الفرق بين السما و الارض انا معرفتش انها دايرة غير من ال أر بى ام و برده عملت نفس الاختبار فى كورولا 2008 جنوب افريقى و النتيجه فى صالح التويوتا
2-بالنسبة للفرامل يقال عليها معقولة لكن مش ممتازة و العربيه بتاكل تيل بسرعه
3-بالنسبه للثبات الكل عارف و بيشتكى ان العفشه ناشفة و الثبات برده وحش فوق ال140 وده جربته فى اكتر من سيراتو يعنى اللى بقوله مش عيب شخصى ممكن تكون العربيه اللى حضرتك بتوصفها من انتاج شركة غير كيا :)

أخيرا , احب اقول لحضرتك ربنا يبارك فى العربية اللى حضرتك جربتها دى و يكفيها شر العين و شكرا على تقريرك الرائع
عزل السيراتو انا شخصيا شايف انو مش عالي و طريقه وضع الموتور اصلا الفرن وشه للصالون علي حد نظري و ده الي بيدخل حراره سعات و صوت الموتور مسموع لكن مش مزعج يعني و اكيد اليباني و الاوروبي تقفيله اعلي و خمات جودتها اعلي و خبره اكبر لكن دا بكام و دا بكام
انا شخصيا شايف ان الفرامل ممتازه و بما اني كنت بشد ابل كدا كتير اؤكد لك اني شديت مع عربيات كتير كنت بحسسهم بالعجز في نقطه الفرامل ال abs شغال بشكل رائع و العربيه مش بتحدف ولا بتسرخ ما شاء الله بحس اني عملت pause للشده :))
بالنسبه للثبات العربيه دي جننتني فتره كبيره لكن حولت اوصل لكيفيه التعامل مع الدنجل
الدنجل بيدي ثبات ممتاز و بالزات مع الوزن الكبير و الجنط ال17 لكن زي ما الشباب قالو في مفصلات الكباري و مطبات الهواء لو في ملف(لو في طريق مستقيم مزعلتنيش ابل كدا)و حتت مكسره يعني اي حاجه بتخلي العربيه تفقد ثباتها فهو بيخلي العربيه تعوم اكثر انا شخصيا شايف ان ثبات العربيه جيد لكن مش لأسخدام الشباب و لو لاستخدام عائلي متأكد ان الي سيقها هيحس بثقه كبيره جدا في السواقه كفايا صوت ال215 بيحسسني اني راكب e280