السلام عليكم

دلوقتى الى حصل كلاتى انا كنت شغال بزيت هيلكس الترا العلبة الرصاصى

والزيت كان زى الفل لكن خلى صوت البايك عالى ..
وانا مكرهش فى حياتى الى الصوت العالى بتاع البايك

المهم فضلت اسال واغلب الناس كانت تقولى خليك شل اصفر احسن وسيبك من الالترا دا

طبعا الى حصل انى غيرت الزيت للاصفر وحصل كلاتى

ايام الهيلكس الالترا عداد الحرارة كان فى عز الزحمة وغيار تانى على فترة طويلة ماكنش بيعدى 85
ولما كنت اسحب بالبايك كان ينزل ل 55 و 60

على الاصفر بقى البايك لو ساحبة على الاخر الحرارة متنزلش عن 75 ابدا
وياسلام على الزحمة من 95 وطالع

وكمان احنا لسا فى الشتا .. امال لو دخل الصيف يبقى ايه الوضع !!

عموما خلاصة الكلام انا مش بقول انه زيت شل الاصفر زيت فاشل ..
لكن تقريبا هيلكس الترا هوا افضل زيت لموضوع امتصاص الحرارة بسبب اللزوجة بتاعته ..

والمشكلة انه تجيلك ناس تقول انه 5w-40 مينفعش فى الصيف .. وبعد الى حصل معايا دا انا شايف بالوضع دا انه ينفع صيف وشتا