تقرير مصور ودقيق عن تركيب فرش جلد تفصيل و ارضية العربية جلد من Jeans Car

**Kareem Fawzy** · 10-03-2012 09:00 PM

المشاركة الأصلية كتبت بواسطة el_nahal2004

مبروك على الفرش والارضية
وشغل ماشاء الله نضيف وفينش عالى
للاسف عرفت جينز كار متاخر كنت ركبت بالفعل

الله يبارك فيك يا نحال وعقبالك

**Kareem Fawzy** · 10-03-2012 09:01 PM

المشاركة الأصلية كتبت بواسطة Ashraf_Ibrahim

حد بيجيب في سيرتي في مشاركة هنا انا واخد بالي وشايف كل حاجة :d
مبروك يا عم كريم على الفرش -عيني هتطلع عليه والعربية هتنفجر دلوقتي - هههههههههههههههه
لا الف مبروك عليه وربنا يباركلك فيه يا رب
الحج احمد من اكتر الناس المحترمة اللي قابلتهم
انا قابلته مرة واحدة وراجل زي العسل وهروحله تاني عشان اعمل فرش زوزو حبيبتي :d
يا مسهل يعني :d

الله يبارك فيك يا حبيبى
وانتا رايح كلمنى آجى معاك
ولو العربية حصلها حاجة انتا هتدفع تمن التصليح هههههههههه

حبيبى حبيبى يا اشرف

**Kareem Fawzy** · 10-03-2012 09:04 PM

المشاركة الأصلية كتبت بواسطة ashouhdy

الف الف مبروك

بعيد عن الموضوع

ميجننيش وميقرفنيش ويحرق دمى وينرفزنى ... الصنايعى اللى يشتغل جوة عربيتى وفى بقة سيجارة

انا كمان بتضايق من الموضوع دة بس الواد بجد مفيش حاجة وقعت جوه العربية
الله يبارك فيك يا باشا

**Kareem Fawzy** · 10-03-2012 09:05 PM

المشاركة الأصلية كتبت بواسطة minicooper20

جميل اوى الف مبروك يا كريم بيه

الله يبارك فيك يا باشا وعقابلك ان شاء الله

**Kareem Fawzy** · 10-03-2012 09:05 PM

المشاركة الأصلية كتبت بواسطة se_coralsea

الف مبروك يا كريم و ربنا يكفيك و يكفينا جميعا شر الطريق

و ألف شكر للحاج أحمد علي شغله النظيف جدا و أن شاء الله هأعمل العربية عنده بس أرتاح من مشوار السفر السخن اللي أخدته

الله يبارك فيك يا بشمهندس وآمين يارب العالمين
ان شاء الله عربيتك تطلع احسن من عربيتى بأمر الله

**Kareem Fawzy** · 10-03-2012 09:06 PM

المشاركة الأصلية كتبت بواسطة sonasteel

الف الف مبارك عليك الفرش يا هندززززززز :))
جميل جدا جدا ماشاء الله
وطالع نفس درجة التابلوه البيج والاسود ........ ولما ركب كان روعة الروعه ماشاء الله
فعلا العربية رجعت فابريكا ماشاء الله
مبارك عليك وربنا يحفظهالك من كل عين ومن كل سوء يارب
----------------------------------
والكلام علي الحاج احمد عايز موضوع لوحده ......... ربنا يباركله في صحته واهله وماله ..... بحبه جدا في الله والله
ربنا يرزقه الفردوس الاعلي من الجنة ويُسقي من يد النبي شربة هنيئة مرئية لا يظمأ بعدها ابدأ يارب العالمين :))

الله يبارك فيك يا حسين
وبجد فرحان قوى انى شوفتك هناك وان شاء الله نتقابل على طول
بما اننا فى مجال واحد مش يمكن نشتغل مع بعض ههههههه

**Kareem Fawzy** · 10-03-2012 09:16 PM

المشاركة الأصلية كتبت بواسطة top_10group

ربنا يبارك فى الفرش الجديد والعربية
كنت عايز اعرف لو عايز اركب فرش زى دة يتكلف كم ؟

الله يبارك فى حضرتك
بص يا باشا
اللى انا عرفته يعنى ان الخامة دى ب 1800 جنيه
والخياطة الدبل لوحدها ب 200 جنيه علشان الفرش بيتخيط 3 مرات ودة بياخد جهد كبير من الصنايعى
والارضية ب350 جنيه او اكتر شوية لان الحج احمد بصراحة اختار انضف حاجة
ربنا يباركله

ياريت يا باشا لو هتعمل الشغل دة تروح قبل نهاية شهر مارس
لان الحج احمد عامل خصم 20% لحد آخر مارس لاعضاء هيونداى حاملين استيكر نايل موتورز

**Kareem Fawzy** · 10-03-2012 09:20 PM

المشاركة الأصلية كتبت بواسطة kareem.elaraby

كريم مبروك يا هندسه انا عاوز أبقي أعمل الارضيه و الفرش حلو ما شاء الله بس انا بأفضل الغوامق الفواتح بتهد حيلي في تنضيفه
حوده عفيفي أخ هنا و أخ في تويوتا لا بقي ده انتم تشكيل !
سونا انت كنت أزهر ولا شريعه ولا أداب لغه عربيه ايه اللي انت بتعك و بتقوله ده :p:p:p:p

الله يبارك فيك يا كيمو
الجلد دة مش بيتأثر وبيتنضف بأى صابون وحته نضيفة ويرجع جديد
متقلقش

**Kareem Fawzy** · 10-03-2012 09:22 PM

المشاركة الأصلية كتبت بواسطة kareem.elaraby

صرف صحي !

كريم , انا كده عاوز مقابله تانيه :]:]
و خد بالك حسين نقره من الالنترا بس ما تشدش معاه سيبهولي لما أجيله :]

حبيبى المرة الجاية اللى هنتجمع فيها هبعتلك
وان شاء الله كلنا هنتقابل فى 15 ابريل عيد ميلاد المنتدى
لازم تيجى

**Kareem Fawzy** · 10-03-2012 09:23 PM

المشاركة الأصلية كتبت بواسطة ayman-ahmed

الف الف مبروك يا غالى وفعلا العربية بعد ما اتركبلها الفرش تحسها عربية جديدة وممتعة(ده اللى حسيته بعد ما ركبت الفرش) وخد بالك بقى :

التنضيف : اسهل حاجة فى الدنيا . ليفة ناعمة وشوية صابون (فوم) وهتبقى فلة سواء ارضية او كراسى.

الف مبروك عليك مرة تانية .

حبيبى يا ايمووون
ربنا يبارك فيك يا حبى
وان شاء الله على اخر الاسبوع هنتقابل كلنا بأمر الله