ذاكرتك قوية .. عادية .. ولا مديها زهايمر

**Chicco** · 15-06-2008 06:17 AM

موضوع طريف فعلا ..و ردود الأعضاء ما شاء الله كلها خفة دم
بس هو فيه خلط بين ٣ حالات

النسيان أو فقدان الذاكرة (Amnesia)
الوسواس (Obssession)
مرض الزايمر (الهاء عادة لا تنطق و Alzheimer هو أسم العالم مكتشف المرض ) و ده نوع من أنواع خرف الشيخوخة (Senile dementia)

دون الدخول في تفاصيل طبية مثل بسيط يوضح الفروق ....حكاية باب العربية ديه ....لو نسيت باب العربية مفتوح مرة و لا اتنين ده طبيعي و ممكن يحصل مع أي حد بالذات في فترات التوتر زاي الأمتحانات أو المذاكرة ...لو الموضوع إتكرر بصورة مكثفة يبقى في مشكلة في الذاكرة و محتجين نعرف إيه السبب ......لو أنت متأكد انك ما سبتش العربية مفتوحة بس فيه دافع قوي جواك يخليك ترجع للعربية يبقى ده وسواس و ده ممكن يبقى طابع في الشخصية مش مرض ألا لو تدخل في حياتك الطبيعيي يعني مثلا واحد يرجع للعربية كذا مرة عشان يتأكد و في الأخر ما يقدرش يروح الشغل مثلا .......اللي عنده الزايمر حينسى أصلا إنه عنده عربية و لو افتكر مش حيعرف يفتحها و حينسى ازاي يسوق حسب تطور المرض
وقانا الله و اياكم شر المرض و الخرف و متعنا بصحتنا ما حيينا

**sherif80** · 15-06-2008 11:36 AM

المشاركة الأصلية كتبت بواسطة مصراوي جدا

بتسأل نفسك كتير هو انا عملت كذا ولا لأ .. قفلت العربية ولا لأ .. قفلت باب الشقة ورايا ولا لأ ..
بتقول هو انا صليت الظهر ولا لأ وتعصر في دماغك

الحمد لله الذاكرة حديد

انا يمكن عندى اقوى ذاكرة فى المنتدى ده اللى اسمه......اسمه.... تصدق نسيت

:D:D

**m_aash** · 15-06-2008 03:59 PM

الإختيار التالت _ بوادر زهايمر
مع إنى بطلت آكل فول كل شهر أو شهر و نص مرة من نفسى
أمال لو الفطار اليومى فول كان الواحد جراله إيه
ربنا يستر

**أبوسيف** · 16-06-2008 06:31 PM

الواحد مننا كل يوم من ساعة ما بيصحى من النوم لغاية ما بينام بتعدى عليه 50 الف حاجة ، وطبعا صعب جدا ان الواحد يفتكر كل الحاجات اللى بتمر عليه ، بس ممكن لو الواحد مننا استخدم بعض الأدوات المساعدة زى مثلا ورقة وقلم أو PDA بحيث ينظم بيها أفكاره ومواعيده ويسجل بيها المعلومات المهمة ، انا كمان قريت ان الإحتفاظ بمعلومات كتير فى الذاكرة عملية مجهدة ذهنيا ، يعنى مش مطلوب انى أجهد ذاكرتى واحتفظ فيها ب 100 رقم تليفون مثلا وانا ممكن اسجلهم على الموبيل.
مرة واحد كان بيسأل أينشتاين عن رقم تليفونه ، فوجئ بإن اينشتاين بيطلع ورقة من جيبه مسجل فيها بعض المعلومات ومنها رقم التليفون.
لو سجلت 100 حاجة فى ورقة ، فكل اللى انت محتاج تفتكره هو مكان الورقة ، انما لو من غير الورقة فانت محتاج تفتكر ال 100 حاجة ودى طبعا عملية صعبة ومجهدة جدا.
معلش اصلى باخد شوية كورسات soft skills وبطلعها عليكم :)

**TAG_Turbo0** · 17-06-2008 12:38 AM

انا اكبر مشكله عندى حفظ الاسامى
وموضوع النسيان ده كتير جدا عندى
يعنى فى مرة والدى اتصل بيا وقال لى تعالى فى المكان الفلانى وهات معاك حاجه
رحت لحد عنده وبيسألنى فى الحاجه قلتله حاجه ايه ؟؟؟؟؟؟؟؟؟؟؟؟
ده يبأى ايه؟

**M_HaFeZ** · 17-06-2008 01:03 AM

زهايمر بطريقه تخنق
لو نازل ومحتاج حاجه معايا بحطها فى مكان فيه كل حاجه .. المفاتيح .. الموبايل وخلافه
ال Calendar على الموبايل دايما على حاجات بسيطه زى انى اكلم واحد كمان نص ساعه
ورايا مشوار .. اخد حاجه معايا ... و و

طيب مش موضوع بقى استفتاء ايه هو العلاج لو حد يقدر يفيدنا
زمان قريت فى خبر ان شوربه الدجاج بتقوى قشره المخ وبتقوى الذاكره
بس الخبر كان فى الاخبار من سنين ... على شاكله فريق علمى يكتشف ان الفرجه على ماتشات تشيلسى بتجيب العقم والضغط ... ماهو كلنا عارفين :)

**ayman_elkholy** · 18-08-2008 07:02 PM

انا الزهيمر هايجننى تقريبا طمعت فية كلة لنفسى
لو حد يعرف علاج لية ياريت يعرفنا

**badblood** · 18-08-2008 09:27 PM

ذاكرتي الحمد لله قويه جدا
بس ساعات كتير بيدها زهايمر جاااااااااااااااااااااااا ااااااااااااامد

**dr_abooody** · 20-08-2008 03:42 AM

و الله الحكاية دة خنقتني
يعني انا في طب ممكن لو اخدت اجازة اسبوع ارجع الاقي نفسي مش فاكر اللي زاكرتة
و كتير اعد ازاكر لساعات طويلة و الاقي نفسي مش فاكر الموضوع كان بيتكلم عن اية حاجة تجنن

انا شايف ان المشكلة انك تعمل initiation للمعلومة
يعني تعرف تفكر نفسك انك عايز تفتكر حاجة معينة ( اوعى حد يتوه منى بس )

زي مثلا في البيت عايزين طلبات و تحفظ اية الطلبات دة بس تنسى انهم في البيت عايزين طلبات و لو انت عديت على سوبر ماركت و لا حاجة تلاقي نفسك افتكرت انه عايزين حاجات كدا يعني

و للأسف انا جدي جالة الزهايمر فعلا ربنا يستر عليا

**sherif_m72** · 20-08-2008 09:04 AM

انا في مرة ركنت العربيه في مكان غير مكانها المعتاد (في شارع خلف بيتى)
وطلعت البيت اتغديت ونمت شويه وصحيت على المغرب شربت الشاى وقولت انزل شويه لبست ونزلت ورحت على مكان العربيه المعتاد وببص ملقتش العربيه وقتها لقيت قلبى وقع في رجلى وبقيت عامل زى المجنون والف يمين وشمال ومش عارف اعمل ايه والدنيا كلها اتلمت عليا يشوفوا ايه الحكايه وبعد نص ساعه من الذهول الناس قالولى روح اعمل محضر بسرقه العربيه لان مفيش حل تانى
وبالفعل ركبت تاكسى وقولتله على قسم محرم بك
ومشى التاكسى بس قالى هندخل من الشارع ده اختصارا للسكه فقولتله اى حاجه مش مشكله بس بسرعه لو سمحت
ويادوب دخل ومشى 20 متر لقيت روحى رجعت تانى وابص الاقى قطتى واقفه عروسه في الشارع
وقتها افتكرت انى انا الى ركنتها هنا بعد فشلى في الركن ادام البيت
الظريف في الموضوع انى نزلت من التاكسي وانا عمال اضحك على نفسي ولغايه دلوقتى بعض الجيران بيفكرونى بالموضوع ده
ده بئه تصنيفه ايه في الاستطلاع؟

مشاهدة نتائج الإستطلاع: ذاكرتك قوية ؟

الموضوع: ذاكرتك قوية .. عادية .. ولا مديها زهايمر

LinkBack

أدوات الموضوع

عرض

-

-

-

-

-

-

المواضيع المتشابهه

الدكتور كتبلي دواء زهايمر :((

انا بقى عندى زهايمر مبكر ولا ده ايه بالظبط ؟؟

11 طريقة للحفاظ على ذاكرتك(منقول) للأمانة

عاوز اشتري عربيه بالتقسيط وبعدين اروح مديها مكتب تأجير ؟؟؟

حالة زهايمر كل 7 ثوان في مصر

الكلمات الدلالية لهذا الموضوع

المفضلات

المفضلات

ضوابط المشاركة