الموضوع: كلاكيت تاني مرة.. سانديرو اوتو ولا صني اوتو ولا ريو مانوال ولا اكسنت مانوال

المشاركة الأصلية كتبت بواسطة crayvor

محتار محتار محتار بقالي فوق ال 7 ساعات من أول ما رجعت من صلاة الجمعة.. الوقت الوحيد اللي باقوم فيه عشان أصلي وأصلي استخارة وأرجع أكمل تاني رحلة البحث.

الموضوع وما فيه اني عاوز أشتري واحدة من 2.. نيسان صني أو رينو سانديرو.

نبدأ بالسانديرو:
حاجيب أوتوماتيك جميع كماليات لو ليها نصيب ان شاء الله.. السعر 85 ألف وأستلم بعد اسبوعين تقريبا.. اللي قافلني منها انهم مستخسرين في حاجات تافهة.. يعني مثلا شكل العدادات فيها حاجات عرة شوية.. شكل التابلوه كان ممكن يبقي أحسن من كده.. زراير الزجاج الكهربا والمرايات أماكنهم غريبة.. تانك البنزين مايتفتحش من جوة.. الأغلس شكل الفتيس اللي قرروا يصرفو عليه عشان يبقي ستبترونكس بس قرروا يوفرو في شكله فا شكله عرة بطريقة تثير الاشمئزاز.

الصني:
لو حاجيبها حاجيب ال ex اوتو جميع كماليات بمبلغ وقدره 95 ألف يعني 10 بواكي زيادة. مقابل ال 10 بواكي دي حاخد برضه عدادات شكلها عجيب مقارنة بباقش شكل العربية. الصالون والتابلوه بوجه عام شكله نضيف مع ملاحظة انهم كان المفروض يحطو كاست يمشي مية واحدة مع التكييف. بس بوجه عام تحس بكلاسيكية غريبة وف نفس الوقت راحة وانت باصصله رغم ان شكله بعيد تماما عن الحاجات الجديدة اللي ممكن الواد يميل ليها زي الريو والاكسنت ار بي. يعني ممكن أقول ان الجزء الجلد اللي في التابلوه بيدي راحة وفخامة شوية + اني أساسا باصص ع اللون الشامبين فا حايبقي متوافق مع التابلوه. طبعا حتة التقفيل المصري الرديء واستهلاك البنزين والكلام ده مابياكلش معايا. ال ABS وال EBD طبعا بيعملو فرق كبير بالنسبة لي. موضوع ان الفتيس مش ستيبترونكس دي مش فارقة معايا.. لو عاوز أشد باقلب بين 1 و 2 وأعلي من 2 هو حاينقل اوتوماتيك علي الريد زوون. من الآخر أنا حاسس ان العربية دي 90% معمولة عشاني شخصيا.
المشكلة بقي خايف بعد ما الشكل الجديد ينزل يوقع الشكل القديم جامد.. آه أنا عارف اني ان شاء الله مش حاغير قبل 5 ولا 6 سنين كمان بس برضه حتتة انك تلاقي العربية اللي انت لسة جايبها من كام شهر بقت موديل قديم دي نفسيا وحشة.. ومقارنة بينها وبين الموديلات التانية اللي اخترتها حتلاقي الباقي كله بالميت شكله لسة نازل السنة اللي فاتت.

الأكسنت أر بي والكيا ريو:
ماليش تعليق عشان ماليش تجربة كبيرة معاهم.. حاخد حاجة جديدة وبرستيج عالي في مقابل انهم أول فئة وأقل كماليات.. احتمالهم ضعيف عشان أنا ميال أكتر للفتيس الاوتو الا لو فيه نقطة قوية جدا لصالحهم.

من الآخر:
لو السانديرو كان شكل التابلوه أحلي من كدة شوية كنت حابقي واثق منها 100%
لو الصني كان الشكل لسة قدامه سنتين ولا حاجة كنت حابقي واثق منه 100%
الار بي والريو لو كانو كمالياتهم كويسة شوية في أول فئة كنت حاحطهم في الاعتبار أكتر..

أعمل اييييييييييه؟
فينك يا SonaSteel عشان تقنعني بالصني

هههههههههههههههههه .......... انا جاااااااااااااي هاهاهاها
ربنا يعزك ويبارك في عمرك يافندم :))

انت مشكلتك انك خايف الصني لما الشكل الجديد ينزل القديم يتوقف انتاجه ؟
الزيتونة بقي ........... لا مش هايقف الانتاج ان شاء الله
الشكل الحالي هاينتج مع الشكل الجديد بأمر الله والكلام ده من حد مسئول في نيسان
لان العربية ديه كلت وعلمت معاهم اوووي فمش عايزين يخلعوها من السوق.

انا مش هاتكلم علي الصني لان شكلك ماشاء الله هارسها كتيييييير

الرينج بتاع الفلوس ده يجيب حاجات كتير علي فكرة زيرو ..... بس احنا بندور علي الافضلية كملاك لينا
يعني عندك الصني طبعا

البروتون بكل فئتها (الجيت نو - بيرسونا- ساجا) ...... الجين تو والبيرسونا عربيات متحترمة جدا جدا وشكلها وشكل عدادتها وتابلوها شيك جدا ماشاء الله ....... انا شخصيا عاجباني البيرسونا الاليجانس وكان نفسي اشتريها
بس لقيت قدامي حاجتين هاقع فيهم ........ التوكيل وقطع الغيار.

اللوجان والساندريو .... انا كنت ناوي عليها خلاص وفي رينج الفلوس ومش هاتتعبني في القسط وشوفتها قبل الصني
بس والدتي مرضيتش بيها ....... لاقل سبب (التقفبيل سواء صالون او صاج) .... عربية علي قد فلوسها اوووي ماشاء الله وبتديك كل حاجة
وسع و ارتفاع و تكييف وماتور وموخرا اير باج ومالتي فانكشن ... بسعر عربيات كتير بتزل يادوبك ماتور و4 ازاز كهربا.

الافيو والاوبترا ........ الاوبترا فكرت فيها بس لقيتها اغلي من الصني بحوالي 8000 جنيه في اي فئة ومفيهاش مواصفات الامان زي الصني كـex ...... وكماليات كسوبر صالون
وطبعا توكيلها زي غبور ......... ربنا يرحمنا منهم.

ده غير الBYD والاسبرانزا والبريليانس ....... كل ده في رينج الفلوس.

اخيرا بقي هيونداي علشان ليها معزة خاصة عندي هههههههههههههههه
الار بي اول فئة عدت ال100 الف و برده ماتور و4 ازاز كهربا ........ ونفس مشكلة عزل الصني (مفيش عزل) و الكنبة الضيقة (يمكن اضيق من الصني) ..... العفشة مش متذكر والله في تقاريها ايه ظروفها.

وكان في الاخر كل ده بيرجعني للصني لحاجات كتيييييييير ماشاء الله
بصرف النظر عن الشكل سواء من بره ولا من جوه........ انا عن نفسي بحب العربيات اللي تابلوها شيك والزراير الكتير والكلام ده ........ بس لقيت اني علشان اجيب حاجة كده هاجيب شكل من غير مواصفات امان تحديدا او اجيب شكل ومواصفات بس كنت هاتشنير في الفلوس.
ويمكن كمان مكنتش مركز مع التوكيل ساعتها ....... طلع توكيلها محترم و فتح اوتو دلوقتي ده غيرتوكيلات نيسان اللي في محافظات...... يعني الحمد لله احسن ماركة شوفتها في خدمة ما بعد البيع كانت نيسـان.
انت صلي استخارة مرة واتنين وتلاتة وهتلاقي الموضوع ميسر لوحده ان شاءالله
ومتقلقش العربية بقالها في السوق 99 نفس الشكل ونفس الماتور ........ وحاجاتها موجوده اصلي وتقليد وكل حاجة .
وربنا ييسرلك كل خير يارب العالمين
انا اسف علي الاطالة والله ...... وتقبل مروري
واقعد بالعافية :))

المشاركة الأصلية كتبت بواسطة Ahmazong

أنا هاريحك و اقولك من الآخِر ..

بالنسبة لموضوع الصني و كده أصبر لحد الفرمولا اللي جاي .. شفت الصني الجديدة و عجبتك توكل على الله .. معجبتكش يبقى هات ex اللي إن عيزها ..

بصراحة الصني عربية جميلة جدا جدا جدا .. حمالة قاسية اللي أقصى درجة .. عفشة سبورت ناشفة شوية ااه بس بتديك ثبات تحفة و عمر افتراضي محترم .. موتور وحش .. فرامل مفيش اقوى منها و معاها abs و ebd و bas .. وساءد هواءية .. تكييف تلاجة .. فتيس محترم .. توكيل من احسن التوكيلات في مصر .. قطع غيار في كل حتة ..

نيجي بقى لموضوع البنزين .. اقرا الموضوع ده >http://www.nilemotors.net/Nile/265021-a.html

بص بصراحة عربية من الآخِر بس اللي يعرف قيمتها !!

+1111111111111111111111
ماشاء الله
الله ينور يا دووووووك