الموضوع: مشكله في التكييف

السلام عليكم


انا عندي مشكله خفيفه في التكييف

البروده بتاعته حاسسها مش اد كده وخصوصا ده تكييف ياباني

وطبعا مروحه التكييف الداخليه بتطلع احيانا صوت خشونه الراجل قالي انه ده بوش فيها لان للاسف هي مش بتنزل بفلتر وقعدت كتير اوي من غير فلتر بس دي مش مشكله مش ماثره على حاجه وبعد تزبيط الشحن المشكله في الغالب مش موجوده المشكله هنا

انه قاس لي الضغط لقاه 25 زوده لحد 30 psi واخد 70 جنيه وزوده عن طريق الانبوبه

وقالي انه التزويد عن طريق الجهاز 120 والشحن 200 جنيه اقل واجب


انا قريت على بعض المنتديات ان العربيات الصغيره من 30 ل 35 هل لو زودت ل 35 هيبرد جامد ولا ايه مش عارف انا مش حاسس فرق في التكييف

المشاركة الأصلية كتبت بواسطة moumen_hs

بص ياباشا أنا زمان كان عندى نفس المشكلة فى سيارة لانوس وبعد البحث الكثير والسؤال عن السبب ممكن يكون هناك
1- تنفيس على خفيف وطبعا دة مش بيبان الى بعد الكبس بالهواء والمرور على جميع أجزاء المواسير والبلوف واماكن الاولسيهات وعيبة أنك طبعا بتفقد الفريون لانة بيطير مع تفريغ الهواء
2- الفريون الكفائة بتاعتة قلت ودة بيحصل من الركنة من الشتاء الى الصيف ودة حصل معايا فى خلال
عدد 3 سنوات وطبعا بتتطر الى أعادة الشحن مرة أخرى
3- هام جدا لو حضرتك سوف يتم تفريغ الفريون القديم وأعادة الشحن أنصحك وعن تجربة كل بتوع التكييف بيستخدموا فريون صينى فى الانبوبة الكبيرة بتاعتهم والمحترم شوية بيستخدم نوع اسمة رزق الله أحسن شوية ويقولك دة أمريكى لا تصدق ولكن أفضل نوع موجود فى مصر وعن تجربة نوع أسمة تمبر جاز r 32 أغلى حاجة أنا كنت بأشترية بنفسى من شارع كلوت بية برمسيس وأشحن بية كفاة 100% وخليت اصحابى كمان يقوموا بذلك وزى الفل مع العلم انت تكييف اللانوس اصلاا ضعيف وسعر الكيلو كان 95 جم ودة يشحن عربيتين ونص كيلو كافى لسيارة فارغة من الفريون تماما ب 50 جم وعلى ضغ 32 فحضرتك تشترى نص كيلو وتروح لبتاع التكييفات يكشف على التسريب ولو فى يغير اولسيهات او بلوف تكلفة بسيطة تغير ابرة البلف دة 5 جم والكشف وكبس الهواء 25 جم والشحن لو حضرتك معاك الفريون 30 جم فقط وانت وشطرتك لانهم أكتر ناس أستغلالية دة أنا أتعلمت الشحن بنفسى واشتريت العدة والخراطيم زى بتوع الشحن والموضوع سهل للغاية وشحنت السيارة زمان وبعتها من سنتين وصاحبها بيقول التكييف زى الفل حتى الان . المهم نوع الفريون يكون تمبر جاز مش من عند بتاع التكييفات مهما قلك .

بسم الله ماشاء الله على حضرتك كفيت ووفيت

انا ان شاء الله هنزل شارع كلوت باشا وهعمل كده هدور على الفريون بس انا عندي مطلوب r134 a هدور عليه هناك عشان انا عندي النوع ده هو المناسب للسياره

شكرا حضرتك جزيل الشكر