مشكلة مع ساكن في العمارة

**amribrahim** · 12-03-2012 03:21 AM

يا جماعة الموضوع باختصار ... في ناس ليبيين مئاجرين فوق شقتنا و من يوم ماسكنو و هما صاحيين ليل و نهار و كل شوية أسمع جر عفش و ناس لابسة جزمة بكعب و ناس بتجري جري مش طبيعي ... أنا طلعت مرتين ليهم و قلتلهم يا جماعة ماينفعش كدا عيب و كلام دة ... و طبعاً خدو عندكو نظرات زبالة من الناس ديه لي أكني شتمتهم .. لما طلعت تاني مرة ليهم البواب طلع معايا و جرتهوم صاحبة والدتي و راحت مكالماهم و قلتلهم أنا كنت عندهم مرة و فعلاً الصوت بيسمع عندهم .. المهم هما بيقولو انهم مش بيعملو صوت خالص و دة طبعاً كلام أهبل وعبيط ...

الموضوع التاني دة كارثة بس انتو قولو رايكو فيه إيه

المصيبة التانية إن أنا لما بكون واقف تحت العمارة بشوف ناس غريبة طلعة العمارة و ألاقي الناس ديه تطلع لغاية دور 11 و تنزل لغاية دور 10 و يخبطو على الشقة إلي أنا بتكلم عليها علماً إن دور 10 دة مفيش فيه غير 2 شقة ... أنا كذا مرة أشوف الناس الغريبة ديه تطلع أروح طالع وراهم فالأسانسير التاني و أشوفهم ينزلو دور ...

ده غير كل شوية ألاقي سواق تاكسي داخل العمارة أروح سألو إنت رايح فين يقولي دور 10 يا بيه

شوية و أشوف الناس دول نازلين و راكبين مع السواق التاكسي

علماً إن الشقة ستات بس ....

دلوقتي إيه الحل معاهم ... احنا كلنا فالشقة مش عارفين ننام ... الصوت و المشي بيسكت على الساعة 3 أو 4 الفجر و طبعاً كل شوية أسمع الأسانسير شغال طول الليل

أنا فكرت أروح أعمل محضر في القسم بس مش عارف أقول إيه للظابط ... أنا بشك و خلاص ولا إيه ...

أنا مش عاوز أطلع تاني ليهم علشان ديه هتبقى 3 مرة و ممكن جداً أشتمهم و أنا لو فتحت ببقى بشع من النوع إلي مايعرفش أبوه في المواقف ديه

أنا فكرت أكلم صاحب الشقة بس قلت مش معقولة أكلم الراجل و أقولو الناس إلي إنت مئجرلهم الشقة ناس وحشة و كلام العبيط ده ... احنا مش في مدرسة ...

قولولي أعمل إيه !!!!!

**MASERATI** · 12-03-2012 04:17 AM

السلام عليكم و رحمة الله و بركاته

أنا قريت المشاركة بتاعتك بسرعة و اللى فهمته أن الشقة دى ساكن فيها ستات ليبيات و أن فيه رجالة بيطلعولهم, صح و لا أنا فاهم غلط ؟؟؟؟

**amribrahim** · 12-03-2012 04:29 AM

صح يا باشا و دلوقتي الساعة 4 و نص الفجر ومفيش صوت خالص ...

أعمل إيه ... الموضوع ده بقالو أكتر من شهر

**wa7d** · 12-03-2012 05:01 AM

كلم صاحب الشقة الاول وفهمه الوضع كله , دا فى حالة ان الراجل يهمك وكمان متفاهم , فضل الوضع علي ما هو عليه بلغ الشرطة , اعمل بلاغ ازعاج لانك مش عارف تنام

**sasa44** · 12-03-2012 05:01 AM

يا باشا حاول تتأكد الناس اللى فوق دول بيعملو ايه دول بنسبة 90% مش كويسين (فاهمني طبعا)
مش عاوز اقولك ان شاء لله حتى تطلع تحط ودنك على باب الشقة تشوف بيعملو ايه واكيد هتسمع
واعتقد ان فى الحالة دي ميبقاش حرام عليك علشان انت عاوز تتأكد وتمنع فاحشة والله اعلم برضو

**sasa44** · 12-03-2012 05:03 AM

بلاغ ازعاج ده يا جماعه لما يكون اكتر من شخض من الجيران بيشتكي يعني مثلا ناس مشغلة تليفزيون او كاسيت
بصوت علي جدا...... غير كده مينفعش
هتروح للظابط تقوله بيلبسوا كعب وهما ماشيين فى الشقة
طبعا مينفعش

**A.Saad** · 12-03-2012 08:51 AM

المديرية
مباحث الاداب
وممكن ما تروحش
خطاب من مجهول
ولو فيه سى دى ممكن تستعمل اللمقاس الصغير ولا فلاشة عليها فيديو للى طالعين ولا نازلين
بس صوره من الشارع مش من بلكونتك

وما تنساش تكتب العنوان
هههههه
(اوعى تكتب حاجة)