الهيدر ...التربو ..الباك فاير ..سبليت فاير ....الديفل ... الكار كيت ... ال gm ... الديفندر ... الفوجات ... الرينجات ... العدسات ...gps ..ebd .. ecuوحاجات كتيييير جدا بنسمعها في المواضيع بتاعت السيارات ...
انا بصراحة اول ما دخلت المنتدي كنت مش عارف ولا حاجة من دول .... دلوقت علي الاقل عارف شوية حاجات بسيطة علي قدي.. مثلا ان الزينون .... غير الزيتون اللي بنأكله ..:)
يا ريت حد من اخواننا اللي خبرتهم اكتر مننا في الحاجات المجعلصة دي يعملنا زي كاتالوج عن المصطلحات دي ..... انا متأكد ان نسبة كبيرة مش عارفة معناها اية ... وبيخجلو انهم يسألو .....وانا كذلك ساعات بأتكسف .. بالاقي الناس بيتكلمو بحماس وبيتناقشو بحرفية جامدة مثلا عن الهيدر ... بأتكسف اسأل ايه هو الهيدر ده .. ح ابقي عامل زي القروي الساذج اللي بهرته أضواء المدينة ...ولغاية دلوقت مش عارف غير انه حاجة لها علاقة بالشكمان
واكيد فيه زيي كتير جدا ....
نطمع من زملاءنا انهم يوضحولنا المصطلحات دي يعني اية
طبعا مش عيب اني مش عارف ... لكن عيب ابقي في نايل موتورز من شهور وافضل برضه مش عارف