بمناسبة الحمى القلاعية عايزين محل سمك كويس

**أبو إياد** · 14-03-2012 09:56 AM

المشاركة الأصلية كتبت بواسطة ayman-ahmed

يا معلم.ههههه الباشا من السويس ولا ايه.ده انا كنت بطلع السويس مخصوص عشان اجيب اكلة سمك.

بس قولى يا باشا فين الحلقة اللى بتبيع بالسعر المميز ده.؟

تصدق انا الفكره دى فعلا مقتبسها من السويس لانى عشت فيها 3 سنين بس كنت دايما باعملها مخصوص لبور سعيد

فى امبابه وفى الجيزه دول اللى اعرفهم والاسعار دى عاديه

ياعنى الجمبرى متراوح الاسعار 80ج
البورى 25
الكابوريا او الباربونيا 15

والتسويه على الكلام ده كله مش هايعدى 15 ج

**أبو إياد** · 14-03-2012 10:30 AM

طيب لما تنزل السويس جرب واشترى شوخرم وجربها ومع الصرمباق جرب البقلويظ
لا اسعار الجمبرى 60 و 80 و 100

**BUNSH** · 14-03-2012 11:42 AM

المشاركة الأصلية كتبت بواسطة Ayman-Ahmed

نفس الكلام هنا بالنسبة للطريقة(من السويس) بس انا كنت بجيب معاهم سرمباق.

المشاركة الأصلية كتبت بواسطة أبو إياد

طيب لما تنزل السويس جرب واشترى شوخرم وجربها ومع الصرمباق جرب البقلويظ

توضيح اكتر ,, بعض اذنكوااااا.

**أبو إياد** · 14-03-2012 11:51 AM

المشاركة الأصلية كتبت بواسطة Bunsh_Fox

توضيح اكتر ,, بعض اذنكوااااا.

الجندوفلى - ام الخلول - البكاليدس - السريديا - الصرمباق

كل دول من القواقع البحرية ذات الاصداف تكسر الصدفة الخارجيه ثم ناخذ الجزء اللحمى الداخلى

**SYD** · 14-03-2012 09:05 PM

نفسي افهم يعني ايه سنجاري

يعني صينية ؟؟؟

امال صيادية يعني ايه ؟؟؟؟

برجاء التوضيح

انا بحب السمك جدا جدا بس للأسف ماعرفش فيه غير المقلي والمشوي بالردة
والأنواع : بلطي - بوري - ماكريل - بربوني - جمبري - سبيط - كابوريا - مكرونة

فقط لا غير

برجاء ترشيح انواع سمك حلوة ومش زفرة ولحمها ابيض وكتير - زي البوري
برجاء ترشيح وصفات تحضير لذيذة - انا مرة كلت سمك بوري حجم الصغير عند نسايبي كانوا فاتحين بطنه وشايلين السلسلة وحاطين التتبيلة وحلقات بصل وطماطم وكان معمول في الفرن - الطريقة دي اسمها ايه ؟؟؟

والله المستعان
،
،