الموضوع: طقة ورا يمين مجنانى

هل موجود فى كل الموديلات يا محمد باشا

والله يا استاذي الفاضل حسب علمي ان الكانستر ده موجود في عربيات وعربيات تانيه لا

احنا من حوالي سنتين كنا اتناقشنا هنا على المنتدى في موضوع الكانستر ده واللي كان لفت نظرنا ليه زميلنا محمد جمعه كامل (tombina) ربنا يرحمه يارب, ومن خلال المناقشه كان في زملاء كتير لينا قالوا انهم مفيش عندهم الكانستر ده , وفي البعض قال انه عنده الكانستر

انا شخصيا والله ما اعرف عندي كانستر ولا لا :) مع اني رفعت العربيه اكتر من مره بس ولا مره ركزت ابص على الكانستر

وبما اننا جبنا في سيرة صديقنا محمد جمعه كامل رحمه الله فياريت نتذكره بالدعاء له بالرحمه والمغفره ونقرأ له الفاتحه

ربنا يرحمه و يغفرله و يدخله فسيح جناته

المشاركة الأصلية كتبت بواسطة maka

ربنا يرحمه و يغفرله و يدخله فسيح جناته

آمين يارب العالمين

المشاركة الأصلية كتبت بواسطة tarek_2005

رحمة الله عليه
وهذه صورة الكانستر معلم عليه بالسهم الاحمر للي مشفهوش قبل كده

الله ينور عليك , تمام كده

انا ماليش فى القصة دى
بس بصراحة اتشوقت اعرف هل الحل فعلا فى جلب المقصات
لأنى كان معايا فيات 86 وما ادراك موديل اكتر من 20 سنة
ربنا معاك ويحللك مشكلتك
انا قبل ما ابيع عربيتى الله لا يرجعها ايام صرفت 1700 حنيه على عيب وما اتصلحش فى الاخر
ايه هو ؟
كل ما ادوس فرامل العربية تحدف شمال
1- غيرت طقم طنابير امامى
2- غيرت طقم تيل امامى
3- كشفت على التيل الخلفى
4- غيرت خراطيم زيت خلفى
5- غيرت حاجة مش فاكر اسمها متوصلة بخرطوم الزيت الخلفى
6- مليت زيت فرامل جديد
7- فى المحاولة التاية مليت زيت فرامل تانى
8- ظبت زوايا
9 - طبعا كل ده مش مرة واحدة
ده رحت ل بتاع فرامل مة وتانى يوم مرة تانى
ورحت ميكانيكى مرة وبعدها متين تانى وكله عمال يجرب فيا
وفى الاخر بتاع الفرامل قال لى روح لبتاع زوايا كويس
وبعدين المارش لقيته عايز يتغير
وانا لسه مغير طقم كهربا وطقم اشارات وفوانيس امامى
المهم فى الاخر بعد ما اتعقدت والله لأبيعها واشترى عربية جديدة حتى لو هادفع نص مرتبى فيها وفعلا اشتريت وبادفع نص مرتبى فيها
عشان البهدلة اللى انا شفتها
والحمد لله انا الان فى احسن حال وكله رضا