الموضوع: نقص الزيت و طبب المياة خلف الفرن باظت

السلام عليكم

العربية لانوس 2 موديل 2001

العداد 160 الف كيلو

الصيانة كل 5000 كيلو في التوكيل قبل الشراء موثقة بالفواتير و انا كملت بعد ما اشتريتها علي نفس الموضوع

المهم اول ما اشتيرتها كان طبب المياة اللي خلف الفرن كانت متأكلة و فيها صدأ فغيرتها بس ملقتهاش في التوكيل فجبتها من محل في المطرية و غيرتها عند ميكانيكي اعرفه هناك اسمه محمد عبده ناس كتير بتشكر فيه و المياة بطلت تنقص و العربية كنت شاريها فيها زيت 10 الاف كيلو و غيرته بعد ما عملت ال 10 الاف و لم ينقص اطلاقا و لونه لو يتغير و انا من النوع اللي بكشف علي الزيت يوميا الصبح.

غيرته بزيت موبيل 3000 و فلتر زيت اصلي من التوكيل و لم ينقص برضة

المرة اللي بعديها الزيت بينقص و خلال الفترة دي الطبب دي بتجيب مياة و لكن لم تتأكل !!

سالت مهندس اعرفه في توكيل كيا قالي ممكن يبقي جوان بس اسال حد متخصص في الدايو لاني معرفشي فيها اوي

من 140 الف ل 160 الف عملت صيانه عبارة عن طقم كاتينة كامل و سيور و فلاتر و بوجيهات كله من التوكيل و طبعا نضفت البوابة


الاعراض الغريبة دلوقتي : الزيت بينقص و المياة بتنقص و لونها مصدي جدا (انا كنت حاطط مياه عادية بعد تغيير طرمبة المياة اجرب التسريب فقط و الوقت سرقني و حاولت مرة اغير المياة بمياة خضراء موبيل بس معرفتش )
برضه فيه زيت علي خرطوم الهواء الكبير ده اللي طالع من علبة فلتر الهواء عليه زيت من ناحية البوابة و فيه خرطوم صغير جنبة علي طرفة زيت برضة

لو حد مش فاهم اي حاجة في اسألتي ياريت يطلب مني توضيح
ياريت يا جماعة الاهتمام بالرد لان دي عربية المدام و بخاف جدا انها تعطل بيها خصوصا في الظروف الامنية دي و مش عايز العب في العربية منغير ما اخد رأيكم لاني بثق فيكم جدا

شكرا

رد استاذ طارق :

المشاركة الأصلية كتبت بواسطة tarek_2005

محمد عبده ده الي في شارع متفرع من شارع الكبلات بعد ميدان المطرية بشارعين وعنده صنايعي اسمه محمد عاشور ووالده صاحب الورشة معلش سوائل خارج المنهج ولاسباب شخصية

ثانياً موضوع المياه انتا بتقول غيرت طرمبة المياه هل تم اضافة سيلكون حراري او جملكه علي جوان الطرمبة ام لا
كشفت علي ماسورة الشجرة الفبر الي اسفل المافولد ام لا
عند تركيب الطبب تم تركيبها بالدق فقط ام اضفت لها جمالكه او لزق حديد او سيلكون حراري ام لا

ثالثاً موضوع الزيت
اخبار جوان وش التاكهيهات ايه هل مسرب
كوعة فايز الزيت الموجودة اسفل غطاء التاكيهات وعلي يسار المحرك ومارة بداخل فرن الشكمان هل بها شقوق او قطع
هل لاحظت صباحاً اي من نقط الزيت اسفل السيارة
مامقدار نقص الزيت عندك
هل البوجيهات بيطلع لونها اسود
هل في دخنة من الشكمان لونها ابيض مائل للزرقة ولو خفيفة جداً
هل يحدث ارتفاع لدرجة حرارة المحرك في الاشارات

كل هذه اسئلة يجب الرد عليه لتحديد المشكلة اين بالظبط

جربت تستعمل زيت اخر غير موبيل

اه هو بالظبط ده مكان محمد عبده انت تعرفه ؟

بالنسبة لطرمبة المياة اه ضفط سيليكون حراري علي الجوان قبل التركيب

الطبب : لا محمد محطش غير دهان ابيض و قالي ده عشان الصداء بس مش حاسس انها ركبت كويس لانها ضربت بسرعة او فيه سبب اخر حاسس انه ممكن يكون صح ان الطبب اللي في السوق نحاس و الطبب اللاصلي الومينيوم و معامل تمدد النحاس غير معامل تمدد الالومينيوم و اظن ان ده السبب لان الطبب بتجيب مع المشوار الطويل بس

الماسورة الشجرة دي اول مرة اسمع عنها بصراحة و معرفشي مكانها بس مفيش اي مكان حوالين الموتور فوق او تحت عليه المياة المصدية دي غير اسفل و خلف الفرن

بالنسبة لموضوع المياة : بعد تغيير الطرمبة و الطبب تقريبا المياه كانت بتنقص كام مللي بالعافية بعد طحن مشاويير و لونها بس اللي اتغير بس مرة واحدة الطبب جابت و المياة بقت تنقص تاني

و بالمناسبة انا اشتريت امبارح طبب من التوكيل و مختلفة تماما عن الطبب اللي في السوق في الخامة و ياريت تقولولي طريقة التركيب الصح



بالنسبة للزيت :

جوان وش التاكيهات سليم و غيرته اول ما اشتريت العربية فورا لانه كان فيه تسريب خفيف بس دلوقتي تمام

الكوعة دي معرفشي اي حاجة عنها هبص عليها الاول و لو معرفتش هقول عشان توضحولي

لا مفيش تسريب اسفل السيارة انا اتأكدت

مقدار نقص الزيت حوالي نصف سم حتي الان

البوجيهات غيرتها من 10 الاف كيلو و لسه هبص عليها برضة

الشكمان بيطلع دخنة بيضاء الصبح بس انما غير كده مفيش اي لون خالص منه

درجة حرارة العربية ثابته تماما لاتتغير ولا لفوق ولا لتحت


انا متابع معاكم يا جماعة و ياريت يا استاذ طارق لو حضرتك ساكن جنب محمد عبده اقابلك هناك ولا حاجة نشوف سوا



استاذ محمد الشامي : انا حاسس ان كلام حضرتك صح بخصوص لون المياه بس ايه الحل ؟ الموضوع رخم جدا

بالنسبة لعزم الموتور فالحمد لله متغيرشي غير مرة واحدة لما فلتر الهواء كان مسدود

ياريت نشارك بعض في الرأي و بجد متشكر جدا علي اهتمامكم