طلمبة المياة باظت

**wezo122** · 05-05-2009 03:41 AM

كنت عند الميكانكى وقلتله يكشف على دورة التبريد كبسها هوا ولاقيت طلمبة المباه بتنقط قالى دى الطلمبة عاوزة تتغير مع العلم انها بتقلب كويس ياترا اعمل ايه اجيبها نوعها ايه ومصنعيتها من كام لكام وشكرا

**abzoabzo** · 05-05-2009 10:40 AM

الايطالى كونت فكر انى مغيرها فى حدود 80 امام بالنسبة للمصنعية فهية طلعت عين الميكانيكى وهو بيغيرها وطلعت حتت

**Sherif Khalifa** · 05-05-2009 01:03 PM

ميعاد تغير الكتينة امتى ؟
و نسبة التسريب عندك كتير و عندك مشكلة فى الحرارة ولا لا ؟

**wezo122** · 05-05-2009 01:31 PM

لا مفيش مشاكل فى الحرارة والتسريب بسيط جدا بس عاوز اعرف المصنعية كام والكاتينة كمان 30 الف وشكرا

**abzoabzo** · 05-05-2009 02:50 PM

المصنعية مش هتعدى 50 جنيه وبيتهيالى انك محتاج تغير سير الكتينة انا مابوصلش للرقم ده للامان فقط

**MMamdouh** · 06-05-2009 10:53 AM

معتقدش يا ابظبظ

دا انت على الاقل حتدفع تمن مصنعية تغيير كاتينة لان الميكانيكى حيفك كل حاجة ليها علاقة بسير الكاتينة و بعد كدة حيفك الطلمبة و دى فلم

عشان كدة يفضل تغيير الطلمبة كل تغييرين للكاتينة (80 الف كيلو) عشان منقعش فى المشكلة دى

MMamdouh

**toshipa** · 06-05-2009 11:35 PM

اولا حمد الله على السلامة يااخ محمد ممدوح ونتمنى انك ماتغيبش عننا تانى لان احنا دايما محتاجين نصائحك
كلامك مظبوط تمام وانا لسة من اسبوع عامل الفيلم ده فى نوبيرا

وفعلا الطرمبة بتاع الميه ماكنتش بايظة بس لما فكينا عشان اغير اولسيه الكرنك واولسيهين كمان معاه وجدنا الطرمبه حولها صدى وترشيح خفيف جدا فالفنى سالنى تغيرها بالمرة ولا بلاش تمشى شوية قولت له لازم اغير على طول احنا لسة اما اركبها افك الليلة دى كلها تانى وهى فى النوبيرا عشان توصلها بتفك حاجات كتير ووقت طويل

وراح ولد من عنده جاب طلمبه وهو هيركبها قلت له استنى احس تكون صينى هو طبعا مابيعرفش يقرا حتى عربى وفعلا وجدتها صناعة صينى وقال انا بركبها وماشيه وشغالة

قلت له لالالالالالالا هى بكام قال ب75 جم قلت له روح هات بتاعتها وفعلا راح جاب الاصلية بتاعتها مكتوب عليها صناعة كورى وعليها لوجو الدايو وجابها ب100 جم
اقصد من هذا انها فرصة للاخوة وهما بيغيرو الكاتينه زى ماقال الاخ ممدوح انهم يغيروا الطرمبة بالمرة
وبردوا هيشيكو على الاولسيهات بالمرة

**abzoabzo** · 07-05-2009 09:11 AM

المشاركة الأصلية كتبت بواسطة MMamdouh

معتقدش يا ابظبظ

دا انت على الاقل حتدفع تمن مصنعية تغيير كاتينة لان الميكانيكى حيفك كل حاجة ليها علاقة بسير الكاتينة و بعد كدة حيفك الطلمبة و دى فلم

عشان كدة يفضل تغيير الطلمبة كل تغييرين للكاتينة (80 الف كيلو) عشان منقعش فى المشكلة دى

MMamdouh

:k49: :k49: :k49: :k49: :k49: :k49: :k49: :k49:
انا يا دوحة غيرتها عند 80 الف وكانت سليمة بس علشان اريح دماغى

كلام جميل كلام معقول مقدرش اقول حاجة بعده