الموضوع: هام .. ماهو انطباعك وتجربتك عن مدى استجابة الصنى على السرعات العالية .. فى هذه النقاط

اخوانى صقور نيسان


انا كتبت الموضوع التالى فى قسم تجارب القياده علنى اجد الرد ولكن لاحظت ان الموضوع دخل اليه 15 واحد ولم ارى اى تعليق

حسيت ان كتبت حاجه غلط او انى بستفسر عن مستحيل
فحزنت وافتكرت المثل الشائع اللى يخرج من دارو يتقل مقدارو


عشان كدا رجعت جرى لبيتى اعرض عليكم الموضوع

ومستنى رايكم


وكما اتمنى من الساده مسئولى المنتدى ان يحذفوا الموضوع من الرابط ده


http://www.nilemotors.net/Nile/277292-a.html

وكل الشكر لكم مقدماً والى حضراتكم الموضوع

احبائى الكرام


السلام عليكم ورحمة الله وبركاته


ارجو من لديه سياره نيسان صنى او من كان له سابق تجربه بقيادتها على سرعات عاليه يتفضل بالحضور وسرد انطباعه عن تلك القياده مع ذكر عيوب ومواصفات النسيان صنى فى السرعات العاليه

على سبيل المثال : ـ

( الثبات / استهلاك البنزين/ الاستجابه للمواقف الطارئه / قوه الفرامل فى المواقف الحرجه والمفاجئه/ التحكم بالسياره اثناء القياده .... الخ)


مع خالص تقديرى لكم

المشاركة الأصلية كتبت بواسطة land_cruiser

اعلى سرعه : ١٩٠ كم ( لمده ٣ دقائق فى المتوسط)
المكان : طريق العين السخنه
الثبات: ممتاز
الفرامل: ممتازه ( مع ضغط هواء الاطارات ٣٢/٢٩)
التحكم فى السياره: جيد جدا ( تعويم بسيط نتيجه مقاومه الهواء لكن مقبول)
العيوب: صوت الموتور اصبح كانى راكب جرار - استهلاك بنزين عالى

اخى الكريم

السلام عليكم ورحمة الله وبركاته


كل التحيه لحضورك المميز


واشكرك على الوصف الدقيق ده

بس المفروض ان الهوا ميعومش العربيه ولكن يقاومها فى السرعه ويقلل من سرعتها

ارجح ان العومان من الزوايا



اكرر شكرى لحضرتك

المشاركة الأصلية كتبت بواسطة land_cruiser

لَا مش تعويم زوايا قصدى زى لما تكون ماشى و عربيه نقل كبيره تعدى من جنبك كده

اخى الكريم


اشكر لحضرتك متابعتك للموضوع


واللى حضرتك بتوصفه ده على فكره حصل معايا فى العربيه السابقه ودا طبيعى ان الواحد يحس بان العربيه عومت منه فى حاله مرور نقل بجانبه اسرع منه

ولكن فى الحاله اللى احنا بصددها لابد ان تصل حضرتك الى علاج لهذا العيب ولامانع لو سألت فنين نيسان اكيد عندهم تفسير لهذا

المشاركة الأصلية كتبت بواسطة mem

الصراحة انا مش من اللى غاويين السرعات العالية اوى
لان فى التانى السلامة وفى العجلة الندامة
لكن انا اكتر حاجة مشتها 160 والصراحة العربية كانت بتقولى كمان والثبات ما شاء الله ممتاز
والاستجابة ممتازه ما شاء الله
لكن الفرامل المفاجاءة انا جربتها كت تقريبا 120 والصراحة العربية اسعفتنى الحمد لله بفضل ربنا
كنت ماشى على طريق اول مره امشى عليه وكان زى ما تقول كان فيه كمين ومشى وكان قافل الطريق
بالمتاريس بتعتهم الحديد وسايب حته على اد عربية عربية وكانت الدنيا ليل وهما مشيوا بس سابوا المتاريس
وكانت الدنيا ليل والروية مش اوى والصراحة الفرال انقذتى
والتحكم فى السرعات كويس جدا

اخى الكريم


السلام عليكم ورحمة الله وبركاته

اشكرك على تشريف الموضوع


وانا مثل حضرتك لااهوى الجرى وكان آخرى للتجربه 170


ولكن الغيره اللى جواىا من الموضوع اللى قرأته فى قسم هيونداى ان صاحب العربيه جاب بيها 200كم مستريح وكانت العربيه عايزه اكثر ووصفه للعربيه فى ثباتها والتحكم فيها اثناء الفرامل اثناء السير على 200 ك ونزلت العربيه الى 120 تقريباً وظل يتغزل فيها كأنها حبيبته
جعلنى اسأل مثل هذا السؤال


حفظنى الله واياك من كل مكروه

لك كل الود