اقتباس المشاركة الأصلية كتبت بواسطة ahmed.tv مشاهدة المشاركة
تسلم على اضافتك فى اسعار قطع الغيار ..

-------
تسحملى اقولك وجهة نظرى الشخصية .. موضوع انهم طلبوا انك حتغير تيل فرامل .. ده ممكن عشان الطنابير عاوزة تتغير .. ولو حضرتك لسه مغير تيل على طنابير مش سليمة اكيد التيل اتاثر .. فعشان كدا بيقولولك تغير تيل فرامل .. عشان تبقا ماشى فى الامان ..

وبخصوص المقصات .. التوكيل مش بيركب جلب مقصات .. واغلب المشاكل احنا عارفنها اللى بتيجى فى المقصات من الجلب .. والناس بتغيرها بره .. لكن التوكيل مش بيغيرها .. لانها لازم تتكبس ..
وانا كنت حموت واشترى جلب مقصات اصلية واركبها بره .. قالولى مفيش اصلا جلب مقصات بتنزل حتى لوحدها ونبيعها للعميل ..
ومسكوا المقص وفهمونى .. وشرحولى مكان الجلبة وشوفتها .. قالولى دى لو اتكبست ليمكن حتيجى مظبوطة زى اللى راكبة فى المقص الاصلى كدا قدامك .. لان ليها مقاسات معينة
فصعب تجيبها كدا
الله يسلمك يا احمد بيه
بخصوص موضوع الطنابير ده جايز يكون كلامك صح ياباشا وكنت عايز اعرف رأيك في موضوع خرط الطنابير لو فيها ريجة بسيطه انا عن نفسي جربته في عربية بيجو وكانت تجربة ناجحة جدا.

وموضوع جلب المقصات : الجلب الياباني بس طبعا زي محضرتك قولت مش اصلي ثمنها 100 جنيه للاربع جلب وفي عفشجية بيكبسوها كويس حتى لو بنسبة 80% متهيألي الموضوع يستاهل لان المقصات تمنها 1000 جنيه.

كمان اغير طقم بارات ياباني ب 350 جنيه بدل مغير علبة دريكسيون ب4510 في التوكيل لانهم مبيغيروش بارات داخلية.

انا مش ضد التوكيل طبعا ولا قطع الغيار الاصلية بالعكس بس في حاجات الواحد لازم يوزنها...
وتحياتي