الموضوع: كيفية اختبار ثبات السيارة؟

المشاركة الأصلية كتبت بواسطة omarmosalem

ايه دا ياباشا؟ دي ناس بتحاول تتقلب؟ لا لا انا مش قصدي الثبات دا خالص:) الكلام اللي قالوه الزملاء طبعا كلام يحترم ولكن برده انا موصلتش للاختبار العملي اللي يخليني أقول العربية ثابتة:) أنا معايا فوكاس 2011 وحاسس انها في المجمل ثابتة يعني لما بمشي جنب تريلا مثلا ولا الهوا:) مش زي الياريس اللي كانت معايا لمدة 5 سنين وكانت بتخاف من الأحجام الكبيرة دي (بغض النظر عن انها عربية اعتمادية وتعيش بيها فترة طويلة جدا من غير ما تشتكي). بس برده في أحيان قليلة لما يكون الهوا شديد بحس ان الفوكاس برده بتتحرك شوية مع الهوا فهل دا طبيعي؟ يعني الأوكتافيا كدة والبي إم كدة والمرسيدس كدة؟ بمعنى ان دي حاجة فيزيائية طبيعية أيا كانت العربية لازم تتأثر ولو قليلا بالعوامل الجوية؟

بالنسبة لهوا -- شكله مش مقياس -- لأني الأوكتافيا رغم انها ثابتة --- باحس بالهوا

علشان نعرف يعني ايه ثبات -- تعالوا نعرف ايه العوامل اللي بتأثر علي ثبات العربية واللي مصممي السيارات بياخدوها في الأعتبار :

1- التعليق ( Vibration): اسلوب التعليق وده بيبقي متقدم في العربيات الغالية -- وعلي أد حاله في العربيات الرخيصة -- لأنه بيعمل علي حفظ اتزان العربية ( وزنة العربية ومركز ثقلها) مهما كانت ظروف الطريق -- وكذللك قدرة التعليق علي حفظ تماسك العربية في اتجاه السير ( منع التعويم)

2- مركز ثقل العربية : كل ماكان مركز الثقل قريب من الأرض - يعطي ثبات أكتر -- وكذلك توزيع الثقبل علي المحور الأمامي و الخلفي ( البي ام هي السيارة الوحيدة تقريبا اللي موزنة بنسبة 50 % علي المحور الأمامي و50 % علي ألخلفي ( منقول عن أحد الأعضاء في البي ام ) حتي المرسيدس مش واخدة نفس النسبة

وعلشان كده تلاقي العربيات الجيب ( الشيروكي وغيرها) وكذللك العربيات العالية ثباتها و حش وممكن تتقلب علي السرعة العالية مع الغرز -- اللي سايق العربية الجيب وماش بيها علي السريع وفاكر نفسه سايق حاجة مالهاش مثيل --- الجيب قوتها في الطرق الوعرة - مش الطرق السريعة

3- ديناميكا الهواء -- شكل العربية -- سبويلر اللي جاية مع العربية (مش اللي بيركبوها أجنحة علي الشنطة من ورا - ماتقولش حتاخد العربية وتطير) -- الكساحات الأمامية بتقلل دخول الهوا تحت العربية علشان الهوا مايرفعش العربية لفوق --- علشان كده تلاقي عربيات السبق و البورش والفيراري زي اللي ماتكون لزقة في الأرض -- علشان تمنع دخول الهواء اللي بتكون له قوة رفع وبالذات مع السرعات العالية ( 250 فما فوق ) والسبويلر الخلفي في الحالة دي بحاول ياخد العربية لتحت

4- عجلة القيادة --power steering ومدي فدرته علي الاستجابة و اعطاء الحساس بالطريق للسائق --


-- نيجي للاحساس بالثبات :

1- لو ماش علي طريق مكعبل وفي مطبات -- العربية بتعمل معاك ايه ؟ بتطير ولا بتلم الموضوع (هنا يبان عنصر التعليق -والقدرة علي امتصاص المطبات ( في حدود طبع)

2- لو انت ماشي و فجاة حبيت تخش يمين -- أو طلعت حاجة فجاة قدامك بتحس ان العربية مشيت عادي ولمت نفسها ولا بتحس انها حتلف حوالين نفسها ؟ ( تعليق وتوزيع ثقل علي المحاور )

3- لو ماش علي سرعة عالية -- بتحس بالسرعة ؟ و حاسس انك بتبذل مجهود وانت ماسك عجلة القيادة ؟ ( تعليق)

4- لما بتخش ملف علي السريع ( في حدود طبعا ) بتبقي متحك تماما في الحارة اللي انت ماشي فيها ولا بتاخده في تلت حارات ؟ -- (توزيع علي المحاور وتعليق )

اما بالنسبة لل ESP -- فده نظام مساعد بيعمل في وقت الطواريء لما تكون العربية فقدت أو علي وشك فقد اتزانها ( اتجاه قوة الدفع أصبح في غير اتجاه عجلة القيادة ( التزحلق ) هنا يحاول النظام فرملة العجل (كل علي حدي ) بحيث تعيد العربة في اتجاه قوة الدفع مرة أخري ويحول دون دوران السيارة حول نفسها-- هذا النظام يعمل فقط في حال over steering ( بمعني ان السائق قام بادارة عجلة القيادة باقص مما يلزم ومما تستطيع معه السيارة التجاوب مع السائق ) وكذلك في حالة الطرق الزلقة

المشاركة الأصلية كتبت بواسطة mahmoudselim

بدون مبالغة والله عايز تعرف يعني اية ثبات
أركب اي عربية سوبارو وسوقها علي اي سرعة تعجبك وخد بيها اى غرزة وعلي اي سرعة
حتي لو كنت ماشي علي 190 وهتعرف ساعتها يعني اية ثبات بجد.

+1111111111111111111

المشاركة الأصلية كتبت بواسطة minicooper20

تاخد الدائرى باليل على 180 بغرزقطم يمين فى شمال من بين الترلات و لو الغرزه ديقه خدها ب سنه هاند
لو العربيه اتسجابت يبقا الثبات تمام لو عامت يبقا بعها و اشترى واحده تانيه

اموووووووووت و اعرف الغرزة دى بتتاخد ازاى ياريت شرح او فيديو

المشاركة الأصلية كتبت بواسطة minicooper20

تاخد الدائرى باليل على 180 بغرزقطم يمين فى شمال من بين الترلات و لو الغرزه ديقه خدها ب سنه هاند
لو العربيه اتسجابت يبقا الثبات تمام لو عامت يبقا بعها و اشترى واحده تانيه

هههههههههههه
دا لو عايش ساعتها يبقا يبعها وهتكون علبة سجاير في الاخر