الموضوع: شوية استفسارات ممكن المساعدة

انا ببيع عربيتى ومحتاجة رد عن نفس الاسئلة لان اول مرة ابيع عربية ومش عارفة اعمل ايه وعربيتى الرخصة انتهت اول امبارح بس الفحص فى 2014 ومش عارفة اعمل تجديد سنة والا استنى ابيعها فى خلال الشهر علشان اللى يشترى ينقله باسمه علطول علشان ما يمشيش برخصة باسمى ويكون فيها مشاكل

المشاركة الأصلية كتبت بواسطة masterzmind

السلام عليكم كنت عاوز اعرف شوية استفسارات عن شراء عربية
1-التسجيل فى الشهر العقارى على المشترى ام البائع
2-انا هطلب من الراجل شهادة مخلفات طيب ممكن تكون مزورة اعرف منين انها سليمة
3- لو دفعت عربون اخذ وصل ام لا ..... ولا الشخص البائع مش معاة وصل اجيبه منين
4- طيب لو الرخصة فيها شوية سنة يعنى كدة هاخد عقد شراء ابتدائى صح فى هذة الحالة اديله كل الفلوس وهل العقد دة يدل على نقل الملكية ولا نقل الملكية دى حاجة تانية معلش يا جماعة اول عربية مستعمله اجيبها وشكرااااااااا

السلام عليكم ورحمة الله وبركاته
1- التسجيل بيبقى على المشترى مش البائع وأحيانا حسب الاتفاق بس الغالب على المشترى
2-لو مش متأكد منه روح معاه المرور بنفسك وهو بيجيب الشهاده وده افضل طبعا
3-مفروض متدفعش عربون الا لما تستلم العربيه وتكتب عقد ابتدائى
يعنى مثلا العربيه ب 10000 جنيه
تدفع 9000 جنيه وتكتب عقد ابتدائى وتستلم العربيه منه كمان وتبقى ال 1000 جنيه عند التسجيل فى الشهر العقارى والحصول على شهادة المخالفات
بس فى حاجه لازم تخلى بالك منها
اتأكد من رقم الموتور والشاسيه اللى ف العربيه هم هم اللى فى الرخصه
لان فى ناس كتير مبتاخدش بالها غير لما تروح ترخص فى المرور
4-لو الرخصه لسه فيها شويه بيروح يعملك توكيل (بيع لنفسه وللغير ) بس الكلام ده لو العربيه باسمه اصلا متكونش بتوكيل من صاحب العربيه للبائع لان برضه ممكن يكون التوكيل اللى معاه مضروب ولا حاجه لو باسمه اتوكل على الله ويعملك توكيل عادى جدا وتمشى بيه لحد ما الرخصه تنتهى وتبقى تنقل ملكيه وانت بتجدد ان شاء الله وربنا يباركلك فيها

المشاركة الأصلية كتبت بواسطة zaraawad

انا ببيع عربيتى ومحتاجة رد عن نفس الاسئلة لان اول مرة ابيع عربية ومش عارفة اعمل ايه وعربيتى الرخصة انتهت اول امبارح بس الفحص فى 2014 ومش عارفة اعمل تجديد سنة والا استنى ابيعها فى خلال الشهر علشان اللى يشترى ينقله باسمه علطول علشان ما يمشيش برخصة باسمى ويكون فيها مشاكل

حضرتك متجدديش الرخصه لحد ماتتفقى مع مشترى انك تدفعيله تمن التجديد فقط لمدة سنه (حوالى 500 جنيه حسب موديل وسعه الموتور (يعنى تخصميه من تمن العربيه ) بشرط انه ينقل ملكيه ليه وهو كده هيستفاد ان العربيه رخصه سنه وبأسمه بس هو اللى يتحمل تكاليف نقل الملكيه ودى حوالى 600 جنيه
لان لو حضرتك جددتيها باسمك وهو منقلش ملكيه لما تشترى عربيه تانيه وتيجى ترخصيها هتدفعى ضريبه ترفيهيه( لان على الكمبيوتر انتى كده عندك عربيتين مش عربيه واحده ) وربنا معاكى

بجد انا عاجز على الشكر

المشاركة الأصلية كتبت بواسطة mrghost

حضرتك متجدديش الرخصه لحد ماتتفقى مع مشترى انك تدفعيله تمن التجديد فقط لمدة سنه (حوالى 500 جنيه حسب موديل وسعه الموتور (يعنى تخصميه من تمن العربيه ) بشرط انه ينقل ملكيه ليه وهو كده هيستفاد ان العربيه رخصه سنه وبأسمه بس هو اللى يتحمل تكاليف نقل الملكيه ودى حوالى 600 جنيه
لان لو حضرتك جددتيها باسمك وهو منقلش ملكيه لما تشترى عربيه تانيه وتيجى ترخصيها هتدفعى ضريبه ترفيهيه( لان على الكمبيوتر انتى كده عندك عربيتين مش عربيه واحده ) وربنا معاكى

شكرا جداا لحضرتك على المساعدة لانى كنت محتارة لانى فعلا عندى عربية تانية ومش عايزة يحصل لى مشاكل ومش عايزة اعمل توكيل لحد لبيه لنفسه ولغغير ويعمل مشكلبة بالعربية وانا ابقى لسة صاحبة وعندى سؤال انا كنت عاملة توكيل لاختى هل العى التوكيل دى ولا مجرد ما ابيع العربية يبقى كدة لاغى

المشاركة الأصلية كتبت بواسطة masterzmind

بجد انا عاجز على الشكر

العفو على ايه انا تحت امر اى حد فى المنتدى

المشاركة الأصلية كتبت بواسطة zaraawad

شكرا جداا لحضرتك على المساعدة لانى كنت محتارة لانى فعلا عندى عربية تانية ومش عايزة يحصل لى مشاكل ومش عايزة اعمل توكيل لحد لبيه لنفسه ولغغير ويعمل مشكلبة بالعربية وانا ابقى لسة صاحبة وعندى سؤال انا كنت عاملة توكيل لاختى هل العى التوكيل دى ولا مجرد ما ابيع العربية يبقى كدة لاغى

العفو على ايه بس
الصح انك تلغيه الا لو متأكده ان اختك مش هتستعمله لو انتى عملتيه لاختك بيع لنفسه وللغير ولاقدر الله حصل اى خلاف بينكوا والتوكيل طلع هتبقى مشكله ليكى (انك بايعه العربيه لشخصين )

شكراااااا جدا على المساعدة كدة الحمد لله بسيطة لان التوكيل معايا انا