الموضوع: دخنة_مية بتنقص _مية مع الزيت _ خلاص اللانوس فتحت

[size="4"]السلام عليكم الأخوة الأعزاء فى المنتدى العظيم [/size]
من أسبوع روحت غيرت خراطيم التبريد كلها عشان دورة التبريد كانت المية بتنقص
والجوان بتاع وش السلندرلأن كان فى فقاقيع مية بتخرج منه من عند المنافولد المهم بد الفك وجدت ان فى صدأ جامد فى مجارى المية فى وش السلندر
الميكانيكى قال لازم يروح يتملى فى المخرطة ويتزبط عشان الصدأ قرب يدخل على البساتم
راح المخرطة واتعمل وأخد 150 جنيه مصنعية للخراط
وياريته ما اتعمل
ركبنا وغيرنا الجوان والمنافولد كمان عشان كان فيه خرم وركبنا ودورنا العربية دارت
والمية عمالة تنقص لسه ودخنة بيضاء من الشكمان وهباب فى الشكمان _ومفيش تسريب واضح من الخراطيم ولا من المنافولد ورعشة فى الموتور
وغيرت بوجيهات
والمية بتنقص
وأخيرا وجدت المية بتدخل على البساتم
وفكيت البوجيهات ودورت العربية لاقيت مكان البوجيه الأول من عند الموبينة راح مطلع مية بشدة
كدة عرفنا المية بتروح فين
ياترى عيب مين ؟ وعيب ايه ؟ شوفتوا المأساة
الحمد لله طبعا على كل شئ

أرجو الافادة بسرعة بعد اذنكم أعمل ايه ؟ويا ترى أمشى بالعربية ولا لأ ؟

شكرا لكم جميعا يا أعظم الرجال فى أعظم المنتديات
جارى التنفيذ وربنا يوفقنى لما فيه الخير