الموضوع: ارتفاع صوت الموتور

السلام عليكم ورحمة الله
طبعا المشكلة الازليه اللى بتقابل الكل هو زيادة استهلاك البنزين
انا والحمد لله الموضوع عندى فعلا وصل لمرحلة التوحش بس فيه شوية حاجات بدأت اخد بالى منها
1- العربية أول لما بدورها الموتور بيبقى عالى جدا وبيوصل ل 2000 لفه - ال RPM بيبقى واقف على 2
2- بعد لما بسيب العربية تسخن شوية الموتور بيهدئ بنسبة بسيطه - بيقف على 1.5 - بعد كده ينزل ل 1 مش 0.8 زى زمان
3- وانا ماشى أوقات كتير الاقى العربية وانى ممور وواقف فى اشاره ال RPM واقف على 1.5
4- أوقات كتير بلاقى العربية مبرجله
5- متوسط استهلاك البنزين تقريبا بين 100-120 كيلو لكل 20 لتر - نوع البنزين 92 (تقريبا 240 كيلو فى التفويله)
6- احدى المحاولات الفاشلة انى فكيت حساس البوابه ونظفته تنظيفه محترمه ب WD40 وبرضو المشكله لسه قائمة (هو حساس البوابه كان اسمه TPS ولا ايه بالظبط علشان مش فاكر)
7- انا لسه عامل شوية صيانات كبيره شويه فى العربية - جوان وش سلندر- جوان وش تاكيهات - فلتر هواء- فلتر بنزين - تغيير زيت بالفلتر وقبله Motore flash - بوجيهات - تسليك ريداتير + لحام خرم فيه - غسيل دورة المياه 3 مرات - تيل فرامل امامى - بلى امامى - كاوتش جديدة بريدجستون - 3 قواعد موتور GM أصلى - سير كتينة + بلية كتينة + سير دينامو + سير تكييف + بلية تكييف كله GM أصلى ما عدا سير الكاتينة - وبصراحة فى النهاية برضو العربية مش عجبانى
.
الخلاصة فى رأيكم لعب ال RPM ده من حساس الشكمان ولا من حساس البوابه ؟؟؟ ولا ايه بالظبط؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟